2026 ꓘꓳꓼ 4 ꓦ 23 ꓠꓬꓲ ꓕꓯꓽ ꓟꓶ-ꓡꓯ-ꓫ ꓗꓴꓷꓼ꓾ ꓗꓪ-ꓡ-ꓡ-ꓐꓳ ꓡꓳ ꓒꓱ ꓗꓪ ꓡꓲ-ꓢꓴ ꓟ ꓕꓲ ꓣꓳ ꓔꓯ ꓬꓲꓸ ꓦꓲ ꓢꓲ ꓒꓽ ꓡꓰ ꓮ ꓕꓽ ꓗꓪ ꓐꓰ ꓗꓯꓸ ꓢꓰꓼꓳ꓾ ꓐꓰ ꓓꓳꓽ ꓜꓳˍ ꓡꓳ꓿
“Genting Court Block 1 ꓗꓪ ꓟꓲꓸ ꓟꓲ ꓟꓳꓼ ꓡꓳ 2 ꓙꓵꓹ ꓕꓯꓽ ꓡꓲ-ꓢꓴ ꓟ ꓕꓲ ꓣꓳ ꓔꓯ ꓗꓯꓸ ꓢꓰꓼꓳ꓿ ꓬꓲꓸ ꓦꓲ ꓢꓲ ꓒꓽ ꓛꓰꓸ ꓒꓽ ꓟ ꓠꓰ ꓥꓳ꓿ ꓤ ꓠꓱ 3 ꓫꓵꓸ ꓜꓰ ꓒꓰꓹꓳ꓿ ꓮ ꓡꓲ ꓟꓽ ꓬꓰꓳ ꓟꓽ” ꓐꓰ ꓢꓷꓸ ꓢꓴ ꓕꓲ ꓣꓳ ꓡꓰ LT ꓔꓯ ꓓꓳꓽ ꓜꓳ ꓖꓶ ꓡ ꓡꓳ꓿
ꓢꓰꓼ ꓪ ꓡꓰ ꓢꓴ ꓠꓬ ꓑꓴ-ꓔ-ꓳ ꓟꓵꓽ ꓗꓪ ꓐꓰ ꓡ ꓢꓴ ꓤ ꓠꓱ 3 ꓣꓳ ꓙꓳˍ ꓟ ꓮ-ꓘꓴ ꓥ ꓡꓳ꓿ ꓕꓱ ꓟ ꓑꓶꓸ ꓓꓴ ꓫꓵꓽ ꓪꓳꓼ ꓐꓴ ꓠꓲꓹ ꓟ ꓫꓸ ꓓꓴ ꓓꓽ ꓟ ꓗꓷ ꓡꓰ ꓢꓲ꓾ ꓟꓶ-ꓡꓯ-ꓫ ꓗꓪ ꓔꓬ ꓟ ꓡꓲ-ꓢꓴ ꓞꓳ ꓪꓴꓽ ꓐꓴ ꓡꓰ ꓬꓰ ꓙꓲꓽ ꓙꓳˍ ꓟ ꓟꓬꓱꓽ ꓚꓱꓹ ꓬꓰ ꓙ ꓠꓹ ꓟ ꓓꓰꓽ ꓔꓸ ꓟ ꓕꓳ ꓶ ꓥ ꓟꓲ ꓓꓳ ꓡˍ ꓡꓳ꓿
ꓟꓳ ꓓꓳ ꓛꓲ ꓡ ꓟ
ꓝꓮꓲ Wo Ma Sa Facebook page ꓗꓪ ꓐꓰ ꓥ ꓟꓲ “ꓗꓼ ꓐꓯ ꓕꓽ ꓠꓽ ꓣꓳ ꓫꓵꓽ ꓣꓳ ꓔꓯ ꓣꓴ ꓤꓼ ꓓꓴ ꓟ ꓮ ꓘꓶꓸ ꓜꓳꓽ ꓥ꓿ ꓣꓳ ꓫꓵꓽˍ ꓓꓰꓼ ꓙꓲˍ ꓥ ꓐꓯꓸꓳ ꓫꓵꓽ ꓠꓬ ꓟꓽ ꓥ꓿ ꓖꓳ ꓡꓱ ꓖꓶ ꓣꓳ ꓫꓵꓽ ꓠꓽ ꓟꓸ ꓖꓶ ꓘꓶꓸ ꓖꓶ ꓘꓶꓽ ꓠ ꓠꓹ ꓗꓴꓸ ꓔꓸ ꓥ ꓐꓯ ꓓꓴ ꓟ ꓠꓯꓸ” ꓐꓯ ꓢꓲꓸ live ꓗꓪ ꓐꓰ ꓡꓲ-ꓢꓴ ꓐꓴ ꓐꓱ ꓶ ꓠꓲꓹ ꓥꓴ ꓫꓸ ꓙꓽ ꓓꓳꓽ ꓫꓸ ꓕꓱ ꓔꓸ ꓡꓳ꓿
ꓮ ꓟꓶ ꓗꓪ ꓛꓲ ꓟꓶ-ꓡꓯ-ꓫ ꓗꓪ ꓢꓴ ꓫꓵꓽ ꓢꓴ ꓪꓳꓼ ꓡꓰ ꓢꓰꓼ ꓪ ꓡꓰ ꓢꓴ ꓡꓲ-ꓢꓴ ꓟ 2 ꓣꓳ ꓙꓳ ꓡꓰꓳ꓿
