2026 ꓘꓳꓼ 4 ꓦ 26 ꓠꓬꓲ ꓓꓳꓽ ꓐꓯ ꓑꓶ ꓜꓴ ꓐꓴ ꓟꓶ ꓘꓶ. ꓜ ꓜꓽ ꓔꓶ. ꓗꓪ ꓴꓢꓮ ꓗꓴꓷꓼ ꓪꓴ. ꓓꓵ ꓓꓳ‐ꓠꓯ ꓕ‐ꓣ ꓐꓰ ꓬꓲ. ꓦꓲ., ꓢꓲ ꓟ ꓾ ꓝꓮꓲ ꓠꓬ ꓙꓬ‐ꓓꓲ ꓦꓮꓠCꓰ ꓐꓰ ꓬꓲ. ꓦꓲ., ꓢꓲ ꓟ꓾ ꓗꓴꓷꓼ ꓟꓬꓱꓽ ꓬꓰ ꓢꓴ ꓞꓳ ꓪꓴꓽ ꓞꓳ ꓔꓲ ꓐꓴ ꓮ ꓟꓬ ꓜꓲꓼ ꓔꓬ ꓟ ꓗꓪ ꓡ ꓛꓴꓼ ꓐꓶ., ꓒ ꓕꓲ ꓣꓳ ꓡꓰ ꓡ ꓚꓴꓼ ꓐꓶ., ꓡ ꓢꓲ.. ꓬꓲ. ꓔꓯ ꓣꓴ ꓟꓶ ꓔ ꓡꓳ꓿ ꓬꓲ. ꓠꓬ 31 ꓘꓳꓼ ꓙꓳ ꓢꓴ ꓾ ꓢꓷ. ꓠꓲ, ꓟ. ꓒ ꓕꓲ ꓣꓳ ꓥ ꓡꓳ ꓐꓰ ꓢꓷ. ꓪ ꓡꓳ꓿ ꓮ ꓟꓶ ꓠꓬ ꓬꓲ. ꓔꓯ ꓐꓬꓱꓽ ꓓꓵꓽ ꓗꓪ ꓡꓴꓽ ꓠ, ꓟ ꓐꓱ ꓶ ꓙ ꓖꓶ ꓔꓬ ꓡꓳ꓿
ꓧꓶ. ꓕꓯ 2024 ꓘꓳꓼ ꓗꓪ ꓕꓲꓽ ꓧꓪ, ꓡ ꓛꓴꓼ ꓡꓰ ꓐꓶ., ꓡ ꓢꓲ. ꓬꓲ. ꓠ. ꓑꓳ ꓔꓯ. ꓐꓶ., ꓜꓯ. ꓡꓰ ꓟ ꓥꓳ꓿ 2026 ꓘꓳꓼ 2 ꓦ ꓘꓴ ꓗꓪ ꓝꓡꓳꓣꓲꓓꓮ ꓗꓪ ꓕꓲ ꓧꓪ, ꓾ 2026 ꓘꓳꓼ 3 ꓦ ꓘꓴ ꓗꓪ ꓕꓲ ꓧꓪ, ꓕ‐ꓣ ꓔꓯ ꓢꓰꓼ ꓠ, ꓟ ꓔꓳ, ꓜꓳ ꓗꓷ_ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓪꓴ‐ꓢ ꓬꓰ ꓙ ꓠꓬꓲ ꓮ ꓡꓲ ꓕꓲꓽ ꓧꓪ ꓥ ꓟꓲ ꓮ ꓫꓵꓽ ꓟ ꓛ ꓡꓰ꓿
