ꓟꓬ-ꓟ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓠꓬ ꓠꓬꓲꓸ ꓠꓬꓲ 2022 ꓘꓳꓼ 7 ꓦ 12 ꓠꓬꓲ ꓕꓯꓽ ꓣ-ꓫꓸ ꓗꓴꓷꓼ ꓟꓳ-ꓢꓲ-ꓗꓳ ꓗꓪ ꓛꓲ ꓡ ꓡꓳ꓾ ꓐꓰ ꓣ-ꓫꓸ ꓫꓵꓽ ꓓꓳꓽ ꓗꓪ ꓐꓳ ꓔꓬ ꓡꓳ꓿
ꓬꓲꓸ ꓠꓬ ꓣ-ꓫꓸ ꓗꓴꓷꓼ ꓗꓪ ꓟ ꓟꓵꓽ ꓪꓴꓽ ꓔꓯ ꓟꓳꓸ ꓟꓬꓱꓽ ꓬꓰ ꓜꓴ Roscosmos ꓐꓰ꓾ ꓠꓴ-ꓗ-ꓡꓲꓸ-ꓬ ꓔꓯꓸ ꓟꓳꓸ ꓟꓬꓱꓽ ꓬꓰ ꓜꓴ Rosatom ꓗꓪ ꓟ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓔꓯ ꓜꓲ ꓡꓯ ꓘꓳ ꓡˍ ꓟ ꓥ ꓡꓳ꓾ ꓐꓯ ꓡꓳ꓿
ꓬꓲꓸ ꓠꓬ ꓟꓬ-ꓟ ꓗꓴꓷꓼ ꓗꓪ ꓔꓬ ꓕꓯꓽ ꓥ ꓟꓲ꓾ ꓮ ꓔꓳꓸ ꓙꓼ ꓟꓳ ꓓꓳ꓾ ꓟꓯꓹ ꓕꓸ ꓫꓬꓹ ꓠꓹ ꓟ ꓮ ꓕꓯꓽ ꓕꓯꓽ ꓫꓸ ꓕꓱ ꓔꓬ ꓢꓴ ꓥ ꓡꓳ꓿
ꓖꓳ ꓡꓱ ꓥ ꓟꓲ ꓣ-ꓫꓸ ꓗꓴꓷꓼ ꓧꓳꓽ ꓢꓴ ꓑꓴ-ꓔꓲ ꓔꓯ ꓠꓬ ꓜꓲ ꓡꓯ ꓘꓳ ꓚꓱꓹ ꓟꓽ ꓬꓰ ꓔꓸ ꓐꓰ꓾ ꓣ-ꓫꓸ ꓗꓴꓷꓼ ꓙꓵꓽ ꓜꓴ ꓐꓱ ꓶ ꓫꓸ ꓕꓱ ꓢꓴ ꓓꓰ-ꓟꓲꓼ-ꓕ-ꓣꓲ ꓑꓯꓼ-ꓢꓲ-ꓗꓳꓼ ꓡꓰ ꓐꓯˍ ꓡꓳ꓿
ꓬꓲꓸ ꓠꓬ ꓗꓴꓷꓼ ꓙꓵꓽ ꓪ ꓣꓴ ꓗꓷ ꓗꓸ ꓠꓯꓸ ꓣ-ꓫꓸ ꓗꓴꓷꓼ ꓗꓪ ꓙꓰˍ ꓟ ꓠꓬꓲꓽ ꓧꓪꓹ ꓕꓲ ꓧꓪꓹ ꓥ ꓡꓳ꓿
