ꓟꓶ ꓤ ꓮ ꓡꓻ 2 ꓘꓳꓼ ꓛꓲ ꓑꓶ ꓢꓲ ꓡꓲꓹ ꓗꓷ ꓡꓰˍ ꓟ ꓫꓱ-ꓓ-ꓖꓳ ꓐꓴ-ꓓꓼ ꓢꓲꓺ ꓦꓲ ꓗꓪ ꓠꓬꓲꓸ ꓠꓬꓲ 2022 ꓘꓳꓼ 7 ꓦ 12 ꓠꓬꓲ ꓕꓯꓽ ꓗꓹ ꓚꓳ ꓡ ꓢꓴ ꓮ ꓟꓬꓹ ꓙꓳ ꓡꓳ꓿
ꓟꓲꓸ ꓟꓲ ꓗꓪ ꓐꓰ ꓐꓴ-ꓓꓼ ꓦ ꓡꓱ ꓚꓱꓹ ꓗꓪ ꓡ ꓟ ꓐꓴ ꓠꓬ꓾ ꓙ ꓖꓴ ꓙ ꓐꓽ ꓗꓪ ꓮ ꓡꓴ ꓜꓽ ꓓꓴ ꓟꓽ ꓖꓼ ꓚꓳ ꓚꓳ꓾ ꓕꓳ ꓶ ꓢꓳ ꓢꓲꓸ ꓦ ꓡꓱ ꓢꓴ ꓐꓴ ꓡꓰꓽ ꓔꓯꓹ ꓖꓶꓽ ꓜꓽ ꓡ ꓟ ꓔꓯ ꓘꓳ ꓣꓴˍ ꓟ ꓡꓰꓽ ꓬꓰ ꓙꓰˍ ꓟ (ꓦ ꓐ 3 ꓟ ꓗꓪ ꓛꓲ) ꓬꓸ ꓪꓴꓸ ꓔꓴ ꓦꓬꓼ ꓠꓬꓲ ꓥ ꓡꓳ꓿
ꓐꓴ-ꓓꓼ ꓙꓵꓻ ꓚꓱꓹ ꓚꓺ ꓟꓲꓽ ꓗꓪ ꓦ ꓡꓴ ꓔꓲꓹ ꓔꓲꓹ ꓕꓱ ꓕꓲꓽ ꓠꓬꓲ ꓔꓯ ꓟꓳꓸ (5) ꓫꓵꓽ ꓔꓳꓹ ꓕꓯꓼ ꓠꓬꓲ ꓡꓳ꓿ ꓖꓳ ꓟ ꓠꓬ꓾
- (1) ꓢꓲꓺ ꓒꓬꓱꓼ ꓡ ꓠ ꓗꓹ ꓢꓴ ꓓꓲ-ꓕꓲ-ꓔꓼ ꓠꓬ ꓬꓲꓸ ꓟꓹ ꓟ ꓦꓰꓼ ꓟ ꓗꓪ ꓶꓻ ꓡꓰˍ ꓟ ꓦꓬꓼ ꓠꓬꓲ꓿
- (2) ꓔꓱꓹ ꓚꓲˍ ꓟ ꓙ ꓖꓴ ꓧꓪ ꓠꓹ ꓟ ꓐꓱ ꓶ ꓟꓵꓽ ꓗꓪ ꓓꓳ ꓪꓴꓸ ꓔꓴ ꓙꓰˍ ꓟ ꓦꓬꓼ ꓠꓬꓲ꓿
- (3) ꓢꓲꓺ ꓒꓬꓱꓼ ꓡ ꓗꓸ ꓠꓯꓸ ꓬꓲꓸ ꓪꓴꓸ ꓟ ꓔꓱꓹ ꓚꓲˍ ꓟ ꓟꓸ ꓟꓲꓽ (4) ꓘꓶꓽ ꓚ ꓟꓸ ꓖꓶˍ ꓟ ꓦꓬꓼ ꓠꓬꓲ꓿
- (4) ꓓꓵꓽ ꓙ ꓟꓶ ꓓꓴ ꓪꓽ ꓠꓬꓲˍ ꓟ ꓬꓰ ꓟꓳꓸ ꓖꓶ ꓟ ꓦꓬꓼ ꓠꓬꓲ꓿
- (5) ꓬꓲꓸ ꓠꓬ ꓪꓴ-ꓢ ꓗ ꓬꓰꓳ ꓐꓰ ꓐꓯˍ ꓟ ꓦꓬꓼ ꓠꓬꓲ꓿
