ꓕꓳ ꓶ ꓐꓳ ꓒꓽ ꓟꓮꓳ ꓔ-ꓠꓳꓹ ꓫꓵꓻꓳ

ꓧꓪ ꓒꓴ ꓘꓶꓽ ꓪꓰꓻ ꓥꓳꓽ ꓡꓶꓸ ꓒꓽ ꓓꓽ ꓟ ꓐꓰ꓾ ꓧꓪ ꓒꓴ ꓥꓳꓽ ꓟꓸ ꓒꓽ ꓓꓽ ꓟ꓾ ꓟꓬ-ꓟ ꓕꓳ ꓶ ꓐꓳ ꓒꓽ ꓓꓽ ꓟ ꓟꓮꓳ-ꓔ-ꓠꓳꓹ ꓠꓬ ꓠꓬꓲꓸ ꓠꓬꓲ 2022 ꓘꓳꓼ 7 ꓦ 12 ꓠꓬꓲ꓾ ꓟꓶ ꓘꓶꓼ 6:30 ꓙꓵꓹ ꓕꓯꓽ ꓬꓥ-ꓖꓳꓥ ꓡꓳ ꓒꓱ ꓡ꓾ ꓢꓢꓚ ꓠꓯ ꓞꓲꓼ ꓦꓲ ꓗꓪ ꓫꓵꓻꓳ꓿

ꓕꓳ ꓶ ꓐꓳ ꓒꓽ ꓓꓽ ꓟ ꓟꓮꓳ-ꓔ-ꓠꓳꓹ ꓔꓯ 1932 ꓘꓳꓼ 5 ꓦ 6 ꓠꓬꓲ ꓕꓯꓽ ꓢꓲꓼ-ꓗꓮꓲꓹ ꓡꓳ ꓒꓱ ꓗꓪ ꓦꓵ ꓔꓸ ꓢꓴ ꓥ ꓡꓳ꓿

ꓬꓲꓸ ꓕꓲ ꓞꓲꓼ ꓗꓪ ꓧꓪ ꓒꓴ ꓥꓳꓽ ꓐꓰ꓾ ꓧꓪ ꓒꓴ ꓘꓶꓽ ꓪꓰꓻ ꓥꓳꓽ ꓡꓶꓸ ꓢꓲꓸ ꓟꓬ-ꓟ ꓡ ꓞꓳ ꓐꓴ ꓢꓴ ꓫꓵꓽ ꓢꓴ ꓗꓴꓷꓼ ꓡ ꓞꓳ ꓓꓵꓽ ꓙ ꓚꓱꓹ ꓔꓯ ꓢꓷꓸ ꓡꓰ ꓝꓲ ꓢꓴ ꓥ ꓡꓳ꓿ ꓬꓲꓸ ꓕꓲ ꓞꓲꓼ ꓗꓪ ꓕꓳ ꓶ 22 ꓑꓷꓠ ꓐꓳ ꓓꓳ ꓡꓰ ꓢꓴ ꓥ ꓡꓳ꓿

ꓬꓲꓸ ꓫꓵꓻˍ ꓕꓯꓽ ꓬꓲꓸ ꓞꓲꓼ 91 ꓘꓳꓼ ꓙꓳ ꓡꓳ꓿