2021 ꓘꓳꓼ 7 ꓦ 8 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓗꓠꓓꓳ ꓟꓯꓼ ꓜꓲꓽ ꓓꓽ ꓟ ꓢꓳꓸ-ꓠꓯ-ꓓ-ꓟꓬꓼ ꓔꓯ ꓟꓬꓱꓽ ꓗꓪ ꓐꓰ ꓕꓲ ꓑꓹ ꓠꓽ ꓔꓸ ꓝꓲ ꓡꓳ ꓐꓰ꓾ ꓗꓠꓴ ꓡꓰ ꓐꓯ ꓒꓬꓱ ꓩꓴ ꓡ ꓡꓳ=
2021 ꓘꓳꓼ 5 ꓦ 13 ꓠꓬꓲ ꓕꓯ ꓗꓠꓓꓳ ꓟꓯꓼ ꓜꓲꓽ ꓓꓽ ꓟ ꓢꓳꓸ-ꓠꓯ-ꓓ-ꓟꓬꓼ ꓕꓵꓼ ꓪ ꓠꓯꓸꓼ ꓗꓪ ꓔꓬ ꓟ ꓟꓯꓼ ꓜꓲꓽ ꓢꓳꓸ-ꓐ-ꓪꓹ ꓡꓰꓽ ꓗ-ꓠꓯ-ꓡꓯꓸ ꓟꓳ-ꓘꓰꓸ ꓙ ꓖꓴ ꓗꓪ ꓳꓸ-ꓧꓴ ꓬꓲ ꓙꓬ ꓡꓳ ꓓꓽ-ꓖꓴꓽ ꓫꓬꓹ ꓟꓬꓱꓽ ꓬꓰ ꓔꓬ ꓢꓴ 47 ꓣꓳ ꓔꓯ ꓣꓴ ꓧꓳꓽ ꓙꓰ ꓢꓲ꓾ 25 ꓣꓳ ꓔꓯ ꓢꓰꓼ ꓗꓷꓳ꓾ ꓐꓯ ꓡꓳ= ꓕꓱ ꓕꓲ ꓜꓴ ꓠꓬ ꓟꓯꓼ ꓗꓪ ꓐꓰ ꓡ ꓟ ꓛꓽ ꓒꓽ ꓥ ꓢꓲ꓾ ꓓ-ꓖꓴ ꓫꓬꓹ ꓗꓶꓸ ꓔꓬ ꓟ ꓥ ꓡꓳ ꓐꓰ꓾ 6 ꓦ 13 ꓠꓬꓲ ꓕꓯ ꓟꓯꓼ ꓜꓲꓽ ꓢꓳꓸ-ꓐ-ꓪꓹ ꓡꓰ ꓒꓶꓻ ꓘꓶꓽ ꓕꓱ ꓩꓴ ꓡ ꓡꓳ=
ꓗꓸ ꓠꓯꓸ ꓠꓬ ꓗꓠꓴ ꓡꓰ ꓞꓳ ꓤ ꓢꓰꓼ ꓗꓷ ꓟ ꓚꓱꓹ ꓕꓱ ꓟ ꓔꓯ ꓚꓲꓸ ꓚ ꓓꓴ ꓥꓳ ꓐꓰ꓾ ꓐꓯ ꓗꓷ ꓟ ꓡꓰ ꓐꓰ ꓮ ꓟꓶ ꓡꓯ ꓫꓵ ꓚꓲꓸ ꓚ ꓔꓬ ꓟ ꓥ ꓡꓳ= ꓟꓯꓼ ꓘꓶꓽ ꓗꓪ ꓟꓯꓼ ꓶ ꓤꓼ ꓟꓽ ꓙꓳ ꓢꓴ ꓔꓯ ꓢꓰꓼ ꓟꓽ ꓓ꓾ ꓝꓮꓲ ꓣꓴ ꓟꓶ ꓢꓴ ꓔꓯ ꓢꓰꓼ ꓟꓽ ꓓ ꓟ ꓟꓵ ꓗꓳꓹ ꓓꓵ ꓓꓵ ꓛꓳ ꓫꓱꓽ ꓠ ꓗꓹ ꓟ ꓟꓯꓼ ꓙꓵꓽ ꓪ ꓔꓯ ꓡ ꓛꓴꓸ ꓔꓯꓹ ꓟꓯꓼ ꓮ ꓡꓲ ꓕꓲ ꓟꓯꓼ ꓥ ꓟꓲ ꓛꓳ ꓠ ꓗ ꓟ ꓥꓳ= ꓗꓠꓴ ꓠꓬ ꓔꓱꓹ ꓔꓱꓹ ꓜꓳꓽ ꓜꓳꓽ ꓙꓵꓽ ꓗ ꓡꓳ ꓚ ꓛꓳ ꓠꓹ ꓟ ꓢꓯꓼ ꓕꓵꓼ ꓔꓬ ꓟ ꓕꓲ ꓜꓴ ꓥ ꓡꓳ=
ꓗꓠꓓꓳ ꓟꓯꓼ ꓜꓲꓽ ꓓꓽ ꓟ ꓢꓳꓸ-ꓠꓯ-ꓓ-ꓟꓬꓼ ꓠꓬ꓾ ꓗꓠꓴ ꓢꓽ ꓡ ꓙꓵꓽ ꓢꓴ ꓟꓯꓼ ꓜꓲꓽ ꓓꓽ ꓟ ꓢꓳꓸ-ꓐꓳ-ꓟꓬꓼ ꓫꓴ ꓬꓲꓸ ꓤꓽ ꓥ ꓡꓳ=
