ꓡꓲ-ꓢꓴ ꓟꓬꓱꓺ ꓔꓯ ꓡꓴ-ꓟꓲꓽ ꓥꓳꓽ ꓗꓪ ꓐꓰ “လီဆူ” ꓐꓰ ꓐꓳ ꓠꓹ ꓟ ꓔꓯ ꓟꓳꓸ ꓗ-ꓛꓲ ꓟꓵꓽ ꓑ ꓫꓬ ꓜꓲꓼ ꓓꓴ ꓗꓪ ꓐꓰ ꓔꓳꓹ ꓙ ꓠꓲꓹ ꓧꓳꓹ ꓗꓷꓳ꓾ ꓐꓰ ꓡꓲ-ꓢꓴ ꓫꓵꓽ ꓢꓲꓽ ꓒ ꓓꓽ ꓟ ꓡꓲ-ꓑꓳ-ꓬꓯꓼ ꓡꓰ Facebook ꓗꓪ ꓐꓰ ꓢꓷ ꓙ ꓟꓴ ꓙ ꓔꓸ ꓡꓳ꓿
“ꓗ-ꓛꓲ ꓟꓵꓽ ꓗꓪ ꓕꓲꓽ ꓝꓸ ꓠꓬ ꓑ ꓫꓬꓼ ꓝꓲ ꓓꓴ ꓠꓴ ꓮ ꓙꓵꓽ ꓠꓲꓹ ꓧꓳꓹ ꓗꓷꓳ꓿ ꓮ ꓟꓶ ꓖꓳ ꓑꓳꓸ ꓠꓬ ꓕꓲ ꓗꓴꓷꓼ ꓡꓱꓸꓼ ꓑ ꓫꓬ ꓖꓪ ꓙꓱ ꓜꓲꓼ ꓓꓴ ꓗꓪ ꓐꓯ ꓧꓳꓽ ꓠꓲꓹ ꓧꓳꓹ ꓡꓰ ꓝꓲ ꓢꓲ꓾ ꓗꓴꓷꓼ ꓪꓴꓸ ꓓꓵ ꓡꓰ ꓡꓯꓼ ꓓꓴ ꓢꓽ ꓠꓹ ꓟˍ ꓡꓰ ꓙꓳ ꓡꓰꓳ” ꓐꓰ ꓡꓴ-ꓟꓲꓽ ꓥꓳꓽ ꓗꓪ ꓐꓰ ꓢꓷ ꓙ ꓟꓴ ꓙ ꓐꓳ ꓔꓸ ꓡꓳ꓿
ꓡꓲ-ꓢꓴ ꓟꓬꓱꓺ ꓔꓯ ꓟꓬ-ꓟ ꓗꓴꓷꓼ ꓙꓵꓽ ꓢꓴ ꓕꓳ ꓶ ꓕꓳ ꓟꓲ ꓗꓪ ꓧꓶꓸ ꓕꓯ 1955 ꓘꓳꓼ ꓕꓯꓽ ꓮ-ꓒꓴꓸ ꓡꓰ ꓘꓴˍ ꓟ ꓐꓯ ꓘꓶꓽ “ယောရင်” ꓐꓰ ꓐꓳ ꓔꓸ ꓢꓲ꓾ ꓗꓸ ꓠꓯꓸ ꓠꓬ “လီဆူး” ꓐꓰ ꓐꓳ ꓔꓬ ꓠꓬꓲ ꓡꓲ-ꓢꓴ ꓐꓴ ꓠꓲꓹ ꓟ ꓟꓽ ꓢꓻ ꓟ ꓙꓳˍ ꓡꓳ꓿ ꓮ ꓟꓶ ꓠꓬ “လီဆူ” ꓐꓰ ꓐꓳ ꓠꓹ ꓟ ꓖꓪ ꓙꓱ ꓢꓯꓼ ꓕꓵꓼ ꓔꓬ ꓥ ꓡꓳ꓿
ꓧꓪ ꓒꓴ ꓐꓴ ꓡꓰ ꓥ ꓟꓲ Lisu ꓐꓰ ꓐꓳˍ ꓡꓳ꓿ ꓡꓲ-ꓢꓴ ꓐꓴ ꓚꓲꓸ ꓛꓬ ꓠꓬ ꓮ ꓕꓯˍ ꓟꓲ ꓡꓲ-ꓢꓴ (လီဆူ) ꓐꓰ ꓘꓴ ꓔꓬ ꓟ ꓥ ꓡꓳ꓿
