ꓲ-ꓓꓲ-ꓬ ꓗꓴꓷꓼ꓾ ꓡꓲ-ꓢꓴ ꓐꓴ ꓔꓬ ꓟ ꓟ-ꓡꓴꓸ ꓫꓵꓸ-ꓓꓰ ꓕꓲ ꓚꓳ ꓡꓳ ꓗꓪ ꓟ ꓟꓬꓱꓽ ꓡꓳꓸ ꓟꓬꓱꓽ ꓙ ꓐꓴ ꓐꓱ ꓶ ꓟꓲ-ꓪ ꓗꓪ ꓢꓳ ꓜꓲꓼ ꓓꓴ ꓕꓲ ꓟ ꓒꓴ ꓢꓲꓸ ꓢꓳ ꓔꓬ ꓡꓳ꓿
ꓢꓳ ꓜꓲꓼ ꓓꓴ ꓔꓯ 2022 ꓘꓳꓼ 3 ꓦ 28 ꓠꓬꓲ ꓕꓯꓽ ꓪꓴꓸ ꓔꓴ ꓗꓷ ꓟ ꓥ ꓢꓲ꓾ 3 ꓦ 31 ꓠꓬꓲ ꓗꓪ ꓛꓲ (4) ꓠꓬꓲ ꓒ ꓐꓲ ꓝꓸ ꓢꓳ ꓙꓰ ꓓꓴ ꓙꓽ ꓖꓶ ꓔꓸ ꓡꓳ꓿
“ꓘꓴ ꓜꓲꓼ ꓞꓳ ꓔꓯ ꓡꓳꓸ ꓙ ꓧꓳꓽ ꓙ ꓚꓱꓹ ꓗꓪ ꓟꓬꓽ ꓠꓬꓲ ꓪꓴꓽ ꓟꓴ ꓡ ꓠꓹ ꓟ꓾ ꓢꓲꓽ ꓫꓬ ꓕꓳ ꓶ ꓔꓯˍ ꓟꓲ ꓛꓳ ꓜꓯꓼ ꓡꓰ ꓠꓹ ꓟ ꓢꓳ ꓜꓲꓼ ꓓꓴ ꓬꓰˍ ꓟ ꓥꓳ” ꓐꓰ ꓧꓳ: ꓪꓴ. ꓟꓴ ꓢꓴ ꓟꓸ ꓒ ꓕꓲ ꓣꓳ ꓡꓰ ꓐꓯˍ ꓡꓳ꓿
ꓢꓳ ꓚꓱꓹ ꓔꓯ ꓟꓳꓸ ꓠꓬ꓾ ꓟꓸ ꓒ ꓮ-ꓐꓲ-ꓬ ꓡꓰ꓾ “ꓘꓶꓸ ꓖꓶ ꓖꓴ ꓟꓳꓸ ꓚꓱꓹ ꓟꓸ ꓟꓲ (counseling)” ꓟꓸ ꓒ ꓡꓲ-ꓮ-ꓦꓬꓼ ꓡꓰ꓾ “ꓞꓲ ꓐꓱꓻ ꓐꓰ ꓔꓲꓺ ꓓꓴ ꓣꓱꓽ ꓚꓱꓹ (uses of tithes and offerings)”꓾ ꓟꓸ ꓒ ꓒꓲ-ꓡꓰ ꓡꓰ꓾ “ꓟꓬꓱꓽ ꓡꓳꓸ ꓟꓬꓱꓽ ꓙ ꓟꓬꓱꓽ ꓐꓱ ꓘꓶꓽ (duties of deacons)” ꓾ ꓟꓸ ꓒ ꓐ-ꓠ-ꓐ ꓡꓰ꓾ “ꓟꓬꓱꓽ ꓡꓳꓸ ꓟꓬꓱꓽ ꓙ ꓠꓯꓸꓼ ꓗꓪ ꓟꓽ ꓙꓳ ꓟꓽ ꓓ ꓡꓳ ꓫꓵꓽ ꓬꓲ. ꓒꓵ: ꓶ (qualifications of deacons)”꓾ ꓟꓸ ꓒ ꓠ-ꓕ-ꓠꓰ ꓡꓰ꓾ “ꓘꓴ ꓜꓲꓼ ꓞꓳ ꓶꓼ ꓓꓳ ꓫꓱꓹ ꓓꓳ ꓟꓬꓱꓽ ꓬꓰ ꓚꓱꓹ (Church missions)” ꓟꓸ ꓖꓶ ꓔꓬ ꓡꓳ꓿ ꓠꓻ ꓠꓬꓲ ꓒꓳꓹ ꓖꓶ ꓙꓵˍ (Questions and Answers) ꓐꓰ꓾ ꓟꓴ ꓖꓪ ꓢꓳ ꓙꓵꓹ ꓥ ꓟꓲ ꓙꓳˍ ꓝꓰ ꓔꓸ ꓢꓰꓽ ꓡꓳ꓿
ꓢꓳ ꓜꓲꓼ ꓓꓴ ꓗꓪ ꓟꓬꓱꓽ ꓡꓳꓸ ꓟꓬꓱꓽ ꓙ ꓢꓴ (60) ꓣꓳ꓾ ꓘꓴ ꓜꓲꓼ ꓞꓳ ꓟꓸ ꓒ ꓐꓴ (12) ꓣꓳ ꓐꓰ꓾ ꓜꓻ ꓛꓲꓽ ꓫꓹ ꓢꓴ ꓣꓱꓽ ꓙ ꓟꓴ ꓙ ꓢꓴ (20) ꓣꓳ ꓟꓽ ꓞꓲ ꓜꓲꓼ ꓔꓬ ꓡꓳ꓿
