2022 ꓘꓳꓼ 3 ꓦ 29 ꓠꓬꓲ ꓕꓯꓽ ꓔꓴ-ꓣ-ꓗꓲ ꓗꓴꓷꓼ꓾ ꓲ-ꓢꓲ-ꓔ-ꓐꓴ ꓡꓳ ꓒꓱ ꓗꓪ ꓣ-ꓫꓸ ~ ꓬꓴ-ꓗ-ꓣꓲꓸ ꓖꓪ ꓙꓱ ꓜꓲꓼ ꓓꓴ ꓪꓴꓸ ꓔꓴ ꓔꓬ ꓡꓳ꓿
ꓕꓱ ꓟ ꓠꓬ 4 ꓧꓪꓹ ꓕꓲ ꓧꓪꓹ ꓟ ꓣ-ꓫꓸ ~ ꓬꓴ-ꓗ-ꓣꓲꓸ ꓖꓪ ꓙꓱ ꓜꓲꓼ ꓓꓴ ꓥ ꓢꓲ꓾ ꓔꓴ-ꓣꓲ-ꓗꓲ ꓗꓴꓷꓼ ꓙꓵꓽ ꓜꓴ ꓧꓳꓽ ꓢꓴ ꓮ- ꓓꓳ-ꓖ (Erdogan) ꓥ ꓟꓲ ꓜꓲꓼ ꓔ ꓔꓬ ꓡꓳ꓿
“ꓬꓲꓸ ꓑꓶꓸ ꓛꓶ ꓗꓪ ꓛꓲ ꓖꓪ ꓙꓱ ꓡꓯ ꓘꓳ ꓓꓴ ꓢꓯꓼ ꓕꓵꓼ ꓡꓯ” ꓐꓰ ꓔꓴ-ꓣꓲ-ꓗꓲ ꓗꓴꓷꓼ ꓙꓵꓽ ꓜꓴ ꓧꓳꓽ ꓢꓴ ꓮ- ꓓꓳ-ꓖ (Erdogan) ꓡꓰ ꓘꓶꓽ ꓒꓴ ꓘꓶꓽ ꓕꓱˍ ꓡꓳ꓿
ꓖꓳ ꓡꓱ ꓥ ꓟꓲ ꓞꓽ ꓞꓽ ꓠꓽ ꓟꓯꓼ ꓘꓶꓽ ꓠꓽ ꓡꓰ ꓚꓱꓹ ꓧꓪ ꓟꓶ ꓟꓽ ꓓ꓾ ꓐꓰ ꓚꓹ ꓠꓬꓲ ꓢꓴ ꓐꓴ ꓡꓰ ꓢꓪꓼ ꓔꓬ ꓡꓳ꓿
ꓖꓪ ꓙꓱ ꓜꓲꓼ ꓓꓴ ꓒꓬꓱꓼ ꓡ ꓠꓹ ꓟ ꓬꓰ ꓙ ꓢꓴ ꓐꓴ ꓣ-ꓫꓸ ꓔꓯ ꓜꓲ ꓡꓯ ꓘꓳ ꓗꓸ ꓠꓯꓸ ꓐꓳꓽ ꓢꓯꓼ ꓓꓳꓼ ꓕꓲꓽ ꓫꓵꓽ (chemical poison) ꓓꓳꓼ ꓖꓳꓻ ꓡ ꓟ ꓓꓳꓽ ꓑ ꓙ ꓠꓬꓲ꓾ ꓕꓱ ꓕꓲ ꓧꓪꓹ ꓬꓴ-ꓗ-ꓣꓲꓸ ꓝꓲ ꓓꓴ ꓐꓴ ꓖꓪ ꓙꓱ ꓜꓲꓼ ꓓꓴ ꓗꓪ ꓮ ꓙꓬ ꓕꓽ ꓓꓳ꓾ ꓜꓽ ꓓꓴ ꓕꓽ ꓜꓽ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰꓽ ꓗꓴ ꓗꓴ ꓢꓲ ꓟꓸ ꓩꓴ ꓡ ꓡꓳ꓾ ꓐꓯ ꓡꓳ꓿
ꓟꓯꓼ ꓘꓶꓽ ꓠꓽ ꓡꓰ ꓚꓱ꓾ ꓕꓯꓽ ꓢꓲꓺ ꓣ-ꓫꓸ ꓛꓽ ꓒꓽ ꓐꓴ ꓐꓰ꓾ ꓗꓴꓷꓼ ꓝꓲ ꓓꓴ ꓐꓴ ꓮ ꓡꓲꓳ ꓫꓵꓽ ꓠꓲꓹ ꓖꓳꓼ ꓓꓴ ꓬꓰ ꓡ ꓥ ꓢꓶ ꓐꓰ꓾ ꓗꓴꓷꓼ ꓮ ꓙꓵꓽ ꓢꓰꓸ ꓮ ꓢꓸ ꓔꓬ ꓡꓳ꓿
ꓬꓲ ꓚꓰ꓾ ꓐꓠꓠ
