ꓡisu ꓮmerican ꓮssociation ꓐꓰ꓾ ꓠꓱꓸ ꓐꓯꓼ ꓠꓲꓹ ꓡꓱ ꓢꓴ ꓛꓳ ꓒꓯꓹ ꓐꓴ ꓡꓰ ꓔꓲꓺ ꓖꓶ ꓔꓸ ꓟ ꓠꓻ ꓢꓴ ꓚꓰꓹ ꓟꓳ-ꓓꓳ (Ambulance) ꓕꓲ ꓦꓲ ꓠꓬ 2022 ꓘꓳꓼ 3 ꓦ 1 ꓠꓬꓲ ꓗꓪ ꓐꓰ ꓟꓬꓱꓽ ꓬꓰ ꓪꓴꓸ ꓔꓴ ꓔꓬ ꓡꓳ꓿
“ꓟꓬꓱꓽ ꓑꓶꓸ project ꓕꓱ ꓟ ꓬꓰ ꓒꓬꓱꓼ ꓡ ꓠꓹ ꓟ ꓖꓪ ꓙꓱ ꓙ ꓢꓴ꓾ ꓒꓴ ꓔꓲꓺ ꓖꓶ ꓡ ꓢꓴ ꓮ ꓙꓵꓽ ꓔꓯ ꓫꓸ ꓟꓳ꓿ ꓐ ꓡ ꓟ ꓕꓲ ꓒꓳꓹ ꓗꓪ ꓐꓰ ꓡ ꓞꓳ ꓮ ꓟꓬꓹ ꓐꓱ ꓶ ꓙꓲ ꓖꓴ ꓙꓳˍ ꓟ ꓟꓬꓱꓽ ꓕꓲ ꓫꓵꓽ ꓬꓰ ꓪ ꓡꓰꓳ ꓐꓰ ꓓꓵꓽ ꓙ ꓠꓲꓹ ꓘꓪ ꓫꓵ ꓔꓬ ꓥꓳ” ꓐꓰ ꓴꓢꓮ ꓗꓪ ꓔꓲꓺ ꓒꓴ ꓧꓪ ꓜꓲꓼ ꓢꓴ ꓞꓳ ꓔꓲꓺ ꓮ-ꓓꓶ-ꓙꓬ ꓡꓰ ꓐꓯˍ ꓡꓳ꓿
“ꓙ ꓖꓴ ꓚꓱꓹ ꓒꓴ ꓡ ꓠꓬ ꓑꓴ-ꓔ-ꓳ ꓗꓪ ꓠꓲꓹ ꓞ ꓦ ꓩꓴ ꓓꓴ ꓥꓳ꓿Ambulance ꓕꓲ ꓦꓲ ꓐꓱ ꓶ ꓣꓱꓽ ꓬꓯꓼ ꓟ ꓮ ꓙꓵꓽ ꓬꓥ-ꓖꓳꓥ ꓗꓪ ꓜꓯꓻ ꓓꓳ ꓡꓰꓳ꓿ ꓟꓲꓸ ꓟꓲ ꓟꓳ-ꓐꓲ ꓡꓳ ꓒꓱ ꓗꓪ ꓟꓹ ꓟ ꓟꓳꓽ ꓕꓲ ꓣꓳ ꓧꓪ ꓖꓳ ꓓꓱꓽ ꓫꓺ ꓟ ꓗꓪ ꓣꓱꓽ ꓙ ꓪꓴꓸ ꓔꓴ ꓪ ꓡꓰꓳ꓿ ꓒꓴ ꓫꓵꓺ ꓔꓲꓺ ꓖꓶ ꓢꓴ ꓐꓴ ꓮ ꓙꓵꓽ ꓔꓯ ꓫꓸ ꓟꓳ꓿ ꓪꓴ-ꓢ ꓡꓰ ꓶꓼ ꓥꓳ ꓙꓱꓽ ꓖꓶ ꓝꓲ꓿ ꓟꓳ-ꓓꓳ ꓕꓱ ꓟ ꓔꓶ ꓙꓱꓼ ꓙꓳˍ ꓟ ꓡꓰ ꓐꓰ ꓑꓴ-ꓔ-ꓳ ꓗꓪ ꓠꓲꓹ ꓞ ꓛꓲ ꓬꓰ ꓢꓲꓸ ꓣꓱꓽ ꓙ ꓟꓬꓱꓽ ꓬꓰ ꓐ ꓡ ꓝꓲ” ꓐꓰ ꓧꓳꓽ ꓪꓴꓸ ꓟꓴ ꓢꓴ ꓟꓸ ꓒꓽ ꓕꓲ ꓣꓳ ꓡꓰ ꓐꓯˍ ꓡꓳ꓿
1 ꓟꓮꓣꓚꓧ 2022
ꓠꓻ ꓢꓴ ꓚꓰꓹ ꓟꓳ-ꓓꓳ (Ambulance) ꓕꓱ ꓟ ꓠꓬ “ꓥꓳ ꓡꓳꓸ ꓓꓴ ꓫꓱꓸ ꓤ ꓟꓬꓱꓽ ꓬꓰ ꓜꓴ- Hope LNGO” ꓡꓰꓽ ꓑꓴ-ꓔ-ꓳ ꓟꓵꓽ ꓗꓪ ꓣꓱꓽ ꓬꓯꓼ ꓢꓴ ꓐꓴ ꓔꓯ ꓬꓰ ꓙ ꓠꓹ ꓟ ꓔꓶ ꓙꓱꓼ ꓥ ꓡꓳ꓿ ꓬꓲꓸ ꓪꓴꓸ ꓕꓲꓽ ꓟ ꓥ ꓟꓲ ꓥˍ ꓡꓳ꓿
