ꓧꓶꓸ ꓕꓯꓽ ꓑꓴ-ꓔ-ꓳ ꓟꓵꓽ꓾ ꓟꓶ-ꓡ-ꓓꓰ ꓗꓪ ꓔꓬ ꓗꓷ ꓢꓴ꓾ ꓮ ꓟꓶ ꓬꓥ-ꓖꓳꓥ ꓟꓵꓽ꓾ ꓟꓳ-ꓐꓲ ꓡꓳ ꓒꓱ ꓗꓪ ꓔꓬ ꓟ ꓟꓹ ꓟ ꓟꓳꓽ ꓮ-ꓠꓬꓲ-ꓙ ꓠꓬ 2022 ꓘꓳꓼ 2 ꓦ 28 ꓠꓬꓲ꓾ ꓟꓶ ꓘꓶꓼ 10:25 ꓙꓵꓹ ꓕꓯꓽ ꓢꓲꓺ ꓒꓽ ꓠꓯꓸꓼ ꓬꓲꓼ ꓟꓶ ꓡꓰꓳ꓿
“ꓥꓪ ꓠꓴ: ꓔꓯ ꓦꓵꓻ ꓖꓶ: ꓢꓴ ꓠꓲꓹ ꓠꓵˍ ꓟ ꓥꓪ ꓠꓴ ꓮ-ꓟ ꓟ. ꓟ ꓟꓳ: ꓮ-ꓠꓬꓲ-ꓙ ꓠꓬ ꓠꓬꓲ. ꓠꓬꓲ ꓟꓶ ꓘꓶꓼ 10:25 ꓙꓵꓹ ꓕꓯ: ꓟꓴ ꓗꓪ ꓦꓲꓻ ꓗꓪ ꓧꓪ. ꓧꓪꓸꓼ ꓬꓲꓼ ꓙꓰꓳ=” ꓐꓰ ꓰꓐꓲ ꓙꓳꓥꓽ ꓙꓵꓽ ꓢꓴ ꓟꓸ ꓒꓽ ꓥꓪ-ꓬꓯ-ꓓꓰ ꓡꓰ Facebook ꓗꓪ ꓢꓷ ꓙ ꓟꓴ ꓙ ꓔ ꓡꓳ꓿
ꓟꓹ ꓟ ꓟꓳꓽ ꓮ-ꓠꓬꓲ-ꓙ ꓠꓬ ꓬꓲꓸ ꓞꓲꓼ (103) ꓘꓳꓼ ꓤꓶ ꓙꓳ ꓟꓬ ꓙꓳ ꓢꓴ ꓥ ꓢꓲ꓾ ꓧꓶꓸ ꓕꓯꓽ ꓡꓲ-ꓢꓴ ꓘꓴꓽ ꓗꓪ ꓬꓲꓸ ꓪꓴꓸ ꓪꓴ-ꓢ ꓟꓬꓱꓽ ꓬꓰ ꓢꓴ ꓐꓴ ꓗꓪ ꓐꓰ ꓕꓲ ꓣꓳ ꓥ ꓟ ꓟꓸ ꓒꓽ ꓒꓲ-ꓡꓲ (ꓢꓲ ꓒꓽ ꓠꓯꓼ ꓬꓲꓼ ꓟꓶ ꓡꓰꓳ) ꓦꓲ ꓢꓲꓺ ꓟ ꓥ ꓡꓳ꓿
“2022 ꓘꓳꓼ 3 ꓦ 1 ꓠꓬꓲ ꓟꓳꓼ ꓡꓳ 2 ꓙꓵꓹ ꓕꓯꓽ ꓟꓳ-ꓐꓲ ꓗꓪ ꓟ ꓟꓸ ꓒ ꓥꓪ-ꓬꓯ-ꓓꓰ ꓦꓲ ꓗꓪ ꓪ ꓘꓴ ꓜꓲꓼ ꓓꓴ ꓬꓰ ꓢꓲ꓾ 3 ꓙꓵꓹ ꓕꓯꓽ ꓢ-ꓒꓬꓴ-ꓢꓴꓼ ꓡꓱ ꓜꓳ ꓗꓪ ꓧꓪ ꓖꓳ ꓓꓱꓽ ꓫꓺ ꓓꓴ ꓥꓳ” ꓐꓰ ꓠꓶꓽ ꓠꓶꓽ ꓶꓽ ꓤ ꓟ ꓢꓷꓸ ꓢꓴ ꓛꓳ ꓒꓯꓹ ꓛꓳ ꓤ ꓐꓴ ꓔꓯ ꓢꓷꓸ ꓡꓰ ꓝꓲ ꓔꓸ ꓡꓳ꓿
ꓟꓹ ꓟ ꓟꓳꓽ ꓮ-ꓠꓬꓲ-ꓙ ꓠꓬ ꓤ ꓠꓱ (14) ꓣꓳ ꓦꓵ ꓪꓴꓽ ꓡ ꓗꓷ ꓢꓴ꓾ ꓡꓲꓸ ꓑ ꓡꓲꓸ ꓟ꓾ ꓡꓲꓸ ꓒꓲꓽ (43) ꓣꓳ ꓔꓯ ꓟꓳꓻ ꓪ ꓗꓷ ꓢꓴ ꓥ ꓡꓳ꓿
