ꓠꓬꓲꓸ ꓠꓬꓲ 2021 ꓘꓳꓼ 10 ꓦ 9 ꓠꓬꓲ꓾ ꓠꓯ-ꓑꓲ-ꓓꓳ ꓗꓪ ꓣꓱ ꓬꓰ ꓔꓬ ꓟ ꓢꓲ ꓡꓲꓹ ꓟ ꓚꓱꓹ (Peace) ꓖꓪ ꓙꓱ ꓜꓲꓼ ꓓꓴ ꓗꓪ ꓛꓬꓹ ꓑ-ꓔꓲ ꓢꓽ ꓡ ꓙꓵꓽ ꓫꓱ-ꓟꓷꓽ ꓜꓲꓼ ꓗꓷꓳ ꓐꓰ ꓑ-ꓔꓲ Facebook page ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓜꓲꓼ ꓓꓴ ꓖꓳ ꓟ ꓗꓪ ꓑ-ꓔꓲ ꓐꓴ ꓬꓲꓸ ꓛꓲ ꓛꓬꓹ ꓑ-ꓔꓲ ꓢꓽ ꓡ ꓙꓵꓽ ꓡꓰ ꓬꓲꓸ ꓟꓶ ꓢꓰꓼ ꓫꓸ ꓕꓱ ꓡꓳ ꓐꓰ ꓟꓳꓸ ꓖꓶ ꓔꓸ ꓡꓳ꓿
ꓡꓲ-ꓢꓴ ꓫꓵꓽ ꓐꓴ ꓐꓱ ꓶ ꓫꓸ ꓕꓱ ꓗꓷ ꓟ (2) ꓘꓶꓽ ꓙꓳ ꓡꓳ ꓐꓰ ꓟꓳꓸ ꓖꓶ ꓔ ꓢꓲ꓾ ꓖꓳ ꓟ ꓠꓬ꓾ (1) ꓡꓲ-ꓢꓴ ꓫꓵꓽ ꓔꓯ ꓫꓵꓽ ꓫꓳꓹ ꓡꓰ ꓟ ꓞꓳ ꓫꓵꓽ ꓥ ꓡꓳ ꓐꓰ ꓐꓯ ꓢꓲ ꓟꓸ-ꓐꓳ-ꓔꓲ ꓕꓳ ꓶ ꓫꓬꓹ ꓟ ꓗꓪ ꓘꓶ ꓡꓶꓽ ꓔꓬ ꓟ ꓔꓯ ꓒꓶꓻ ꓫꓬꓽ ꓙ ꓡ ꓠꓹ ꓟ ꓐꓰ꓾ (2) ꓡꓲ-ꓢꓴ ꓐꓴ ꓦꓲꓢꓮ ꓓꓰꓽ ꓫꓬꓹ ꓟ ꓗꓪ ꓟꓵꓽ ꓚꓰ ꓡ ꓞꓳ ꓟꓽ ꓥ ꓢꓴ ꓔꓯ ꓝꓯꓸ ꓝꓲ ꓟ ꓚꓱꓹ ꓗꓪ ꓝꓯꓸ ꓠ ꓗꓷ ꓡꓰ ꓟ ꓔꓯ ꓫꓬꓹ ꓔꓱꓹ ꓙ ꓡ ꓠꓹ ꓟ ꓕꓱ ꓡꓱ ꓓꓰꓽ ꓗꓷꓳ ꓐꓰ ꓟꓬ-ꓟ ꓕꓳ ꓶ ꓗꓪ ꓐꓰ ꓢꓷ ꓙ ꓟꓴ ꓙ ꓔ ꓡꓳ꓿
ꓖꓳ ꓡꓱ ꓥ ꓟꓲ ꓢꓷꓸ ꓢꓴ ꓐꓴ ꓔꓯ ꓠꓺ ꓠꓬꓲ ꓟ ꓡꓳ ꓚ ꓐꓯ ꓠꓬ꓾ ꓦꓲꓢꓮ ꓠꓬ ꓟꓽ ꓥ꓾ ꓟꓬ-ꓟ ꓗꓴꓷꓼ ꓗꓪ ꓐꓰ ꓓꓳ ꓙꓰ ꓠꓹ ꓟ ꓑꓮꓢꓢꓑꓳꓣꓔ ꓕꓳ ꓶ ꓫꓬꓹ ꓖꓴ ꓗꓪ ꓖꓳ ꓡꓱ ꓒꓯꓽ ꓩꓴ ꓡ ꓟ ꓙꓳ ꓡꓳ ꓐꓰ ꓢꓷꓸ ꓪ ꓡꓳ꓿
ꓓꓳꓽ ꓬꓲꓸ ꓚꓰ꓾ ꓛꓬꓹ ꓑ-ꓔ Facebook Page
