2021 ꓘꓳꓼ 10 ꓦ 9 ꓠꓬꓲ ꓠꓯꓼ 9 ꓙꓵꓹ ꓗꓪ ꓗ-ꓬꓲ ꓟꓵꓽ꓾ ꓒ-ꓮ ꓡꓳ ꓒꓱ꓾ ꓗꓳꓼ-ꓬꓲꓹ-ꓮꓳꓼ꓾ ꓗ-ꓠ-ꓢꓳꓸ ꓘꓹ ꓗꓪ ꓔꓬ ꓢꓴ ꓕꓲ ꓦꓲ ꓡ ꓞꓳ 4 ꓣꓳ ꓠꓬ ꓐꓳꓽ ꓗꓽ ꓟꓲ ꓘꓴ ꓗꓪ ꓫꓵꓻꓳ꓿
ꓬꓲ ꓪ ꓠꓬ ꓖꓳ ꓟꓲꓺ ꓘꓴ ꓘꓴꓽ ꓗꓪ ꓶ ꓤ ꓶ ꓟꓲ ꓔꓯꓹ ꓫꓺ ꓔꓬ ꓟ ꓥ ꓢꓲ꓾ ꓦꓬꓽ ꓕꓳꓹ ꓠꓯꓺ ꓞꓲꓼ ꓥ ꓟꓲ ꓮ ꓔꓳꓸ ꓓꓳꓼ ꓔ ꓡꓳ ꓐꓯ ꓡꓳ꓿ ꓟꓲꓺ ꓘꓴ ꓠꓬ ꓡꓲꓸ ꓗꓴ ꓡꓲ ꓡꓯꓼ 2 ꓑꓯꓸ꓾ ꓠꓯꓸ ꓔꓯ ꓢꓲ ꓟ 6 ꓑꓯꓸ ꓙꓳ ꓢꓲ꓾ ꓠꓯꓸ ꓘꓪ ꓗꓪ ꓠꓬ 14 ꓑꓯꓸ ꓚꓳ ꓡꓳ ꓡꓳ ꓚꓴꓸ ꓔꓸ ꓡꓳ꓿
ꓳ-ꓢꓰ-ꓖꓰ (oxygen)ꓟꓲꓽ ꓦꓲ ꓢꓯꓼ ꓟꓽ ꓙꓳ ꓡꓰ ꓠꓬꓲ ꓫꓵꓻ ꓟ ꓥꓳ ꓐꓰ ꓢꓷ ꓢꓴ ꓐꓴ ꓡꓰ ꓢꓪꓼ ꓔꓬ ꓡꓳ꓿ ꓖꓳ ꓕꓲ ꓟꓵꓽ ꓗꓪ ꓟꓯꓼ ꓢꓰꓼ ꓡꓯ ꓘꓳ ꓡ ꓠꓬꓲ ꓡꓲꓺ ꓛꓲ ꓗꓪ ꓛꓰꓹ ꓳꓬ ꓢꓴ ꓟꓬꓽ ꓡꓳ꓿
ꓟꓬ-ꓟ ꓗꓴꓷꓼ ꓑ ꓫꓬ ꓐꓴ ꓠꓬ꓾ ꓟꓯꓼ ꓘꓶꓽ ꓗꓪ ꓐꓳꓽ ꓑꓶꓸ ꓓꓴ ꓛꓲ ꓓꓴꓽ ꓡꓯꓼ ꓓꓴꓽ꓾ ꓠꓲꓽ ꓩꓴ ꓕꓳꓹ ꓟꓶ ꓡꓰ ꓢꓴ꓾ ꓜꓽ ꓓꓴ ꓫꓸ ꓢꓴ ꓐꓯ ꓖꓴ ꓟꓽ ꓓ ꓙꓳ ꓡ ꓔꓬ ꓡꓳ꓿
