ꓟꓯꓸ ꓡꓯꓸ ꓒꓽ ꓟꓯꓸ ꓡꓯꓸ ꓟ (6) ꓜꓱ ꓡꓯ ꓒꓯꓹ ꓝꓸ ꓑꓮꓲ ꓔꓯ ꓑꓴ-ꓔ-ꓳ꓾ ꓙꓱ ꓦꓲ ꓠꓽ ꓔꓶꓸ꓾ ꓫ-ꓡꓲ ꓪ ꓘꓴ ꓦꓲ ꓗꓪ ꓠꓬꓲꓸ ꓠꓬꓲ 2022 ꓘꓳꓼ 2 ꓦ 5 ꓠꓬꓲ ꓕꓯꓽ ꓬꓰ ꓓꓳ ꓡ ꓗꓷꓳ꓿
“ꓕꓱ ꓟ ꓠꓬ ꓑꓴ-ꓔ-ꓳ ꓟꓵꓽ ꓗꓪ ꓡꓲꓽ ꓒꓰꓼ ꓬꓲꓸ ꓫꓵꓼ ꓕꓲ ꓟ ꓠꓶꓽ ꓝꓸ ꓖꓶˍ ꓟ ꓥꓳ꓿ ꓟꓬ ꓢꓶꓽ ꓒꓴ ꓖꓶˍ ꓟ ꓥꓳ” ꓐꓰ ꓑꓮꓲ ꓗꓪ ꓜꓲꓼ ꓬꓰ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
ꓖꓳ ꓗꓪ ꓡꓲ-ꓢꓴ ꓟꓲ ꓖꓪ ꓖꓪ ꓒꓽ ꓬꓳ-ꓔꓲ-ꓩ ꓥ ꓟꓲ ꓟꓴ ꓖꓪ ꓖꓪ ꓙ ꓗꓷꓳ ꓐꓰ ꓬꓲꓸ Facebook ꓗꓪ ꓐꓳ ꓔꓸ ꓡꓳ꓿
ꓑꓴ-ꓔ-ꓳ ꓟꓵꓽ ꓗꓪ ꓫꓸ ꓢꓴ ꓟꓷꓼ ꓢꓴ ꓐꓴ ꓠꓬ ꓡꓯ ꓒꓯꓹ ꓝꓸ ꓑꓮꓲ ꓬꓰ ꓟꓽ ꓘꓴ ꓠꓬꓲ꓾ ꓞꓳ ꓘꓰꓹ ꓧꓳꓽ ꓘꓰꓹ ꓞꓳ ꓝꓱ ꓪꓽ ꓝꓱ ꓟ ꓟꓬꓽ ꓟ ꓥ ꓡꓳ꓿
ꓕꓲ ꓐꓱ ꓠꓬ ꓪꓴ-ꓢ ꓡꓲꓽ ꓗꓪ ꓡꓯ ꓒꓯꓹ ꓝꓸ ꓓꓳ ꓡꓰ ꓢꓲꓸ ꓤ ꓠꓱ ꓫꓵꓽ ꓫꓵꓽ ꓙꓳ ꓡꓰ ꓗꓪ ꓛꓲ ꓡꓯ ꓒꓯꓹ ꓝꓸ ꓒꓵꓽ ꓟꓽ ꓝꓱꓹ ꓓꓳ ꓢꓴ ꓙꓳ ꓡꓳ꓿
ꓮ ꓟꓶ (6) ꓜꓱ ꓕꓲ ꓧꓪꓹ ꓝꓸ ꓟ ꓗꓪ ꓐꓰ ꓪꓰ ꓤ ꓘꓴ ꓣꓴ ꓚꓸ ꓖꓶ ꓜꓽ ꓓꓴ ꓒꓵꓽ ꓡꓳꓻ ꓢ ꓡꓰˍ ꓡꓳ꓿
ꓕꓱ ꓟ ꓠꓬ ꓑꓴ-ꓔ-ꓳ ꓕꓲ ꓟꓵꓽ ꓕꓲ ꓡꓳ ꓐꓱ ꓶ ꓮ ꓡꓲ ꓐꓰ ꓡꓳꓻ ꓢ ꓗꓰ ꓝꓲ ꓠꓹ ꓟ꓾ ꓪꓴ-ꓢ ꓚꓱꓹ ꓚ ꓢꓲꓸ ꓶꓼ ꓥꓳ ꓙꓱ ꓟꓶ ꓠꓹ ꓟ ꓙ ꓖꓴ ꓟꓬ ꓢꓶꓽ ꓒꓴ ꓖꓶˍ ꓟ ꓡꓯ ꓒꓯꓹ ꓝꓸ ꓑꓮꓲ ꓥꓳ ꓐꓰ ꓐꓯ ꓡꓯ ꓘꓳ ꓔꓬ ꓡꓳ꓿
