ꓦ ꓡꓱ ꓐꓳ ꓓˍ ꓡꓳ ꓐꓰ ꓡ ꓞꓳ ꓮ ꓟꓬꓹ ꓙꓵꓻ ꓕꓶ ꓔꓸ ꓟ iphone ꓔꓯ ꓬꓲ-ꓢꓷ-ꓡꓲ ꓛꓽ ꓒꓽ ꓙꓼ ꓶ ꓡꓯꓼ ꓬꓰ ꓜꓴ (2) ꓜꓴ ꓡꓰꓽ ꓒꓶꓻ ꓗꓴˍ ꓡꓳ꓾ ꓐꓰ ꓣꓴ-ꓔ ꓫꓵꓽ ꓓꓳ ꓗꓪ ꓐꓳ ꓟꓸ ꓩꓴ ꓡ ꓡꓳ꓿
Quadream ꓐꓰ꓾ NSO ꓙꓼ ꓢꓷꓸ ꓠꓲꓹ ꓐꓰ ꓛꓽ ꓒꓽ ꓟꓬꓱꓽ ꓢꓷꓸ ꓠꓲꓹ ꓜꓴ ꓠꓬꓲꓽ ꓜꓴ ꓥ ꓡꓳ꓿
Quadream ꓜꓴ ꓠꓬ iphone ꓗꓪ ꓓꓵꓽ ꓙꓰ ꓢꓲꓸ ꓧꓪ ꓟꓰꓹ ꓐ ꓡ ꓟ ꓢꓷꓸ ꓠꓲꓹ ꓔꓯ 2021 ꓘꓳꓼ ꓗꓪ ꓧꓪ ꓟꓶ ꓡꓰ ꓢꓲ꓾ ꓬꓲꓸ ꓧꓶꓸ ꓕꓯꓽ ꓗꓪ ꓟ ꓜꓴ ꓠꓢꓳ ꓡꓰ ꓐꓰ ꓢꓷ ꓠꓲꓹ ꓕꓱ ꓟ ꓗꓴꓷꓼ ꓙꓵꓽ ꓜꓴ ꓐꓴ ꓔꓯ ꓗꓴ ꓗꓴ ꓢꓲ ꓪꓴꓽ ꓖꓶ ꓔꓬ ꓡꓳ꓾ ꓐꓯ ꓡꓳ꓿
“ꓢꓷ ꓠꓲꓹ ꓕꓱ ꓟ ꓣꓱꓽ ꓢꓲꓸ ꓗꓴꓷꓼ ꓙꓵꓽ ꓢꓴ ꓐꓴ ꓧꓪ ꓟꓰꓹ ꓠꓲꓹ ꓫꓵˍ ꓟ ꓡ ꓞꓳ ꓐꓴ iphone ꓔꓯ ꓢ ꓢˍ ꓧꓪ ꓟꓰꓹ ꓐ ꓡ ꓟ ꓥ ꓡꓳ” ꓐꓰ ꓖꓳ ꓡꓱꓳ ꓫꓵꓽ ꓢꓷꓸ ꓠꓲꓹ ꓟꓸ ꓟꓲꓽ ꓢꓷ ꓢꓴ ꓐꓴ ꓡꓰ ꓐꓯ ꓡꓳ꓿
2021 ꓘꓳꓼ 11 ꓦ ꓗꓪ iphone ꓗꓳ-ꓑꓶ-ꓠꓰ ꓡꓰ ꓠꓢꓳ ꓙꓼ ꓢꓷ ꓠꓲꓹ ꓜꓴ ꓔꓯ ꓐꓯ ꓟꓴ ꓩꓴ ꓗꓷ ꓥ ꓟꓲ ꓠꓢꓳ ꓡꓰꓽ ꓬꓲꓸ ꓪ ꓟꓬꓱꓽ ꓬꓰˍ ꓟ ꓠꓬ ꓮ ꓫꓵꓽ ꓥꓳꓽ ꓡꓰ ꓓꓴ ꓟꓽ ꓙꓳ ꓐꓰ ꓡꓯꓽ ꓔꓯꓽ ꓡꓽ ꓩꓴ ꓡ ꓡꓳ꓿
“ꓥꓪ ꓠꓴ ꓠꓬ ꓢꓷ ꓠꓲꓹ ꓕꓱ ꓟ ꓔꓯ ꓗꓴꓷꓼ ꓙꓵꓽ ꓜꓴ ꓐꓴ ꓔꓯˍ ꓡꓰꓽ ꓪꓴꓽ ꓖꓶ ꓔꓬ ꓡꓳ꓿ ꓜꓲ ꓜꓲ ꓑꓰꓹ ꓑꓰꓹ ꓥꓶꓸˍ ꓟ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓗꓽ ꓔꓸ ꓠꓹ ꓟ ꓥꓳ꓿ ꓖꓳ ꓡꓱ ꓥ ꓟꓲ꓾ ꓥꓪ ꓠꓴ ꓗꓰ ꓪꓴꓽ ꓗꓷ ꓟ ꓢꓷ ꓠꓲꓹ ꓔꓯ ꓪꓴꓻ ꓢꓴ ꓐꓴ ꓡꓰ ꓮ ꓡꓲ ꓣꓱꓽ/ ꓟꓽ ꓣꓱꓽ ꓠꓬ ꓥꓪ ꓠꓴ ꓟꓽ ꓗꓪꓽ ꓫꓵꓽ” ꓐꓰ ꓠꓢꓳ ꓡꓰ ꓐꓯ ꓡꓳ꓿
ꓬꓲ-ꓢꓷ-ꓡꓰ ꓙꓼ ꓢꓷꓸ ꓠꓲꓹ ꓗꓴꓸ ꓒꓽ ꓐꓴ ꓑꓶꓸ ꓓꓴ iphone ꓥ ꓟꓲ ꓦ ꓡꓱ ꓐꓳ ꓟꓽ ꓓ ꓟ/ꓙꓲ ꓣꓴ ꓓꓴ ꓙꓳ ꓟ ꓒꓬꓱꓼ ꓡ ꓡꓳ꓿
ꓬꓲꓸ ꓚꓰ꓾ The Times of Israel
