2023 ꓘꓳꓼ 1 ꓦ 1 ꓠꓬꓲ ꓠꓯꓼ 7 ꓙꓵꓹ ꓕꓯꓽ ꓠꓴꓖ ꓗꓪ ꓟ ꓓꓴ-ꓪ ꓡ-ꓫꓲ-ꓡꓼ ꓡꓰ ꓟꓬ-ꓟ ꓑ ꓫꓬ ꓔꓯ ꓫꓸ ꓕꓱ ꓟ ꓗꓪ 2023 ꓠꓬ ꓬꓳꓹ ꓚꓲˍ ꓟ ꓕꓲꓽ ꓘꓳꓼ ꓥꓳ ꓐꓯˍ ꓡꓳ꓿
ꓓꓴ-ꓪ ꓡ-ꓫꓲꓸ-ꓡꓼ
ꓟꓬ-ꓟ ꓟꓯꓼ ꓕꓲꓽ ꓜꓴ ꓠꓬ ꓟꓲ ꓟꓯ ꓗꓴꓷꓼ ꓜꓲꓼ ꓓꓴ ꓐꓰ ꓮ-ꓢꓰ-ꓬ ꓜꓲꓼ ꓓꓴ ꓗꓪ ꓠꓬꓲꓺ ꓖꓴ ꓟꓽ ꓙꓳ ꓡꓰꓳ꓿ ꓴꓢꓮ ꓡꓰ ꓠꓓꓮꓮ ꓙꓵꓽ ꓗ ꓗꓪ ꓠꓴꓚꓚ/ꓠꓴꓖ/ꓚꓣꓑꓧ/ꓑꓓꓝ/EAQ ꓐꓴ ꓔꓯ ꓡꓯꓼ ꓕꓲꓺ ꓬꓰ ꓙ ꓓꓴ ꓥ ꓠꓬꓲ꓾ ꓟꓽ ꓧꓪꓸ ꓡꓰ ꓟꓽ ꓗ ꓬꓰ꓾ ꓐꓯ ꓡꓳ꓿
ꓟꓬ-ꓟ ꓟꓯꓼ ꓗꓳ-ꓢꓰ ꓡꓰ ꓬꓰ ꓔꓳꓼ ꓟ ꓢꓲꓻ ꓣꓴ ꓑꓮꓲꓽ ꓠꓬ ꓟꓬ-ꓟ ꓟꓯꓼ ꓐꓴ ꓗꓴꓷꓼ ꓙꓵꓽ ꓪ ꓔꓯ ꓕꓲꓽ ꓞꓲꓼ ꓣꓴ ꓕꓲꓺ ꓔꓸ ꓠꓹ ꓟ ꓙ ꓖꓴ ꓥ ꓠꓬꓲ꓾ ꓑ ꓫꓬ ꓐꓴ ꓮ ꓙꓵꓽ ꓒꓳꓹ ꓔꓳꓹ ꓠ ꓔꓸ ꓡꓳ꓾ ꓐꓯ ꓡꓳ꓿
ꓟꓬ-ꓟ ꓟꓯꓼ ꓗꓳ-ꓢꓰ ꓠꓬ ꓒꓳꓹ ꓔꓳꓹ ꓢꓴ ꓑ ꓫꓬ ꓐꓴ꓾ ꓞꓳ ꓫꓵꓽ ꓟꓯꓼ ꓐꓴ ꓗꓪꓺ ꓡꓯ ꓘꓳ ꓡ ꓚꓱꓹ ꓓꓳꓽ ꓚꓬꓼ ꓬꓰ ꓔꓬ ꓢꓲ꓾ ꓢꓯꓼ ꓐꓽ ꓡ ꓟ ꓦꓬꓼ ꓠꓬꓲ ꓔꓯꓸ ꓔꓬ ꓠꓬꓲ꓾ ꓓꓳꓽ ꓚꓬꓼ ꓔꓯ ꓕꓽ ꓙꓵꓻ꓾ ꓕꓲ ꓠꓲꓹ ꓕꓲ ꓪ ꓬꓰ꓾ ꓠꓲꓹ ꓟ ꓙꓬ ꓡꓰ ꓟꓽ ꓓ꓾ ꓣꓳ ꓧꓪꓸ ꓡꓰ ꓓꓴ ꓥꓳ꓾ ꓐꓯ ꓡꓳ꓿
ꓠꓴꓖ ꓗꓴꓷꓼ ꓙꓵꓽ ꓜꓴ ꓧꓳꓽ ꓢꓴ ꓡꓰ
ꓑ ꓫꓬ ꓔꓯ ꓫꓸ ꓕꓱ ꓟ
2021 ꓘꓳꓼ 2 ꓦ 1 ꓠꓬꓲ ꓗꓪ ꓟꓬ-ꓟ ꓟꓯꓼ ꓡꓰ ꓗꓴꓷꓼ ꓙꓵꓽ ꓪ ꓣꓴ ꓔꓯꓹ ꓙꓰ ꓗꓸ ꓠꓯꓸ ꓠꓴꓖ ꓠꓬ ꓑ ꓫꓬ ꓐꓴ ꓐꓱ ꓶ ꓐꓯ ꓢꓲꓸ ꓗꓴꓷꓼ ꓙꓵꓽ ꓜꓴ ꓒꓴ ꓩꓴ ꓡ꓾ ꓟꓬ-ꓟ ꓟꓯꓼ ꓔꓯ ꓔꓳꓹ ꓩꓴ ꓡ ꓔꓬ ꓟ꓾ꓩꓯ-ꓓ-ꓬꓯ ꓓꓰ-ꓟꓳ-ꓗꓯ-ꓢꓰ-ꓚꓱꓹ ꓐꓱ ꓶ ꓟꓬꓱꓽ ꓬꓰ ꓔꓬ ꓟ ꓥ ꓡꓳ꓿
