ꓐ-ꓔꓲ-ꓗ ꓡꓳ ꓒꓱ ꓗꓪ ꓔꓬ ꓟ ꓣꓳ-ꓟ ꓒꓳ-ꓒꓶ ꓡꓵꓺ Benedict XVI ꓠꓬ 2022 ꓘꓳꓼ 12 ꓦ 31 ꓠꓬꓲ ꓕꓯꓽ ꓢꓲꓺ ꓒ ꓠꓯꓸꓼ ꓬꓲꓼ ꓟꓶ ꓡꓰꓳ꓿
ꓬꓲꓸ ꓠꓬ ꓣꓳ-ꓟ ꓗ-ꓔꓳ-ꓡꓲꓼ ꓙꓵꓻ ꓚꓱꓹ ꓗꓪ ꓧꓳꓽ ꓪꓴꓸ ꓟꓴ ꓢꓴ ꓕꓲ ꓣꓳ ꓥ ꓢꓲ꓾ ꓒꓳ-ꓒꓶꓽ ꓟꓬꓱꓽ ꓬꓰ ꓤꓽ ꓟꓶ ꓥꓰꓽ ꓒꓳ-ꓒꓶ ꓠꓬꓲꓺ ꓖꓴ ꓗꓪ ꓐꓰ ꓓꓳ ꓙꓰ ꓢꓴ ꓕꓲꓽ ꓣꓳ ꓥ ꓡꓳ꓿
ꓮ ꓟꓶ ꓒꓳ-ꓒꓶ ꓟꓬꓱꓽ ꓬꓰ ꓔꓬ ꓢꓴ ꓩ-ꓤ-ꓢꓲꓼ ꓡꓰ ꓗꓳꓸ ꓗꓷ ꓟ ꓕꓲꓽ ꓠꓽ ꓗꓪ “ꓒꓳ-ꓒꓶ ꓡꓵꓺ Benedict XVI ꓠꓬ ꓮ ꓘꓶꓸ ꓠꓻ ꓔꓬ ꓡꓳ꓾ꓪ ꓘꓴ ꓙ” ꓐꓰ ꓙꓵꓻ ꓠꓲꓹ ꓚꓱꓹ ꓪꓽ ꓢꓴ ꓐꓴ ꓔꓯ ꓢꓷ ꓙ ꓟꓴ ꓙ ꓩꓴ ꓡ ꓗꓸ ꓠꓯꓸ ꓬꓲꓸ ꓠꓬ ꓕꓱ ꓡꓱ ꓧꓪ ꓖꓳ ꓓꓱꓽ ꓢꓯꓼ ꓟꓬ ꓡꓳꓹ ꓬꓰ ꓟ ꓥ ꓡꓳ꓿
ꓬꓲꓸ ꓠꓬ ꓐ-ꓔꓲ-ꓗ ꓡꓳ ꓒꓱ ꓗꓪ ꓔꓬ ꓢꓲꓸ “ꓢꓲꓺ ꓟꓸ ꓟꓲꓽ Theology” ꓗꓪ ꓟꓸ ꓒꓽ ꓓꓽ ꓟ꓾ ꓔꓶ ꓜꓽ ꓔꓶ ꓓꓳ ꓚꓱꓹ ꓔꓯ ꓢꓯꓼ ꓖꓶ ꓢꓴ꓾ ꓐ-ꓔꓲ-ꓗ ꓙꓵꓽ ꓚꓱꓹ ꓟꓴ ꓚꓱꓹ ꓔꓯ ꓫꓬꓹ ꓜꓶ ꓢꓴ꓾ ꓦ ꓡꓱ ꓚꓱꓹ ꓔꓯ ꓟꓳꓸ ꓶ ꓤ ꓶ ꓟꓲ ꓟꓳꓸ ꓖꓶ ꓔꓶꓸ (Museum) ꓫꓬꓹ ꓪꓴꓸ ꓔꓴ ꓢꓴ ꓥ ꓡꓳ꓿
ꓒꓳ-ꓒꓶ ꓠꓬꓲꓺ ꓖꓴ ꓗꓪ ꓐꓰ ꓓꓳ ꓙꓰ ꓡ ꓠꓬꓲ ꓕꓲꓽ ꓟꓲ ꓠꓯ ꓓꓵꓽ ꓙ ꓟꓶ ꓡꓰ ꓗꓪ ꓛꓲ ꓬꓰ ꓡ ꓢꓴ ꓕꓲꓽ ꓣꓳ ꓥ ꓟ ꓒꓳ-ꓒꓶ ꓡꓵꓺ Benedict XVI ꓠꓬ ꓟꓲꓺ ꓠꓯ ꓗꓪ (95) ꓘꓳꓼ ꓢꓯꓸ ꓔꓬ ꓗꓷ ꓢꓲꓸ ꓟꓲ ꓠꓯ ꓙ ꓖꓴ ꓫꓱꓽ ꓡꓳꓹ ꓬꓰꓳ꓿
