ꓚꓰꓼ-ꓟꓲꓽ-ꓔꓮꓲꓽ ꓗꓪ ꓘꓴ ꓔꓴ ꓢꓴ ꓐꓴ ꓔꓯ ꓟꓬ-ꓟ ꓟꓯꓼ ꓡꓰ ꓟꓳ-ꓓꓳ ꓕꓯꓼ ꓢꓰꓼ꓾ ꓡ ꓛꓴꓸ ꓐꓶ ꓢꓰꓼ ꓩꓴ ꓡ ꓟ ꓔꓯ ꓟꓲ ꓠꓯ ꓗꓴꓷꓼ ꓜꓴ ꓟꓬꓱꓽ ꓢꓲꓺ ꓓꓽ ꓟ Antonio Guterres ꓡꓰ 2021 ꓘꓳꓼ 12 ꓦ 6 ꓠꓬꓲ ꓖꓪ ꓙꓱ ꓜꓲꓼ ꓓꓴ ꓗꓪ ꓬꓼ ꓬꓼ ꓕꓼ ꓩꓴ ꓡ ꓢꓲ꓾ ꓣꓴ ꓡꓴꓽ ꓔꓸ ꓟ ꓗꓴꓷꓼ ꓟꓬꓱꓽ ꓬꓰ ꓢꓴ ꓮ ꓙꓵꓽ ꓔꓯ ꓠꓲꓹ ꓞ ꓡꓲꓹ ꓖꓶ ꓩꓴ ꓡ ꓠꓹ ꓟ ꓓꓰꓽ ꓩꓴ ꓡ ꓡꓳ꓿
“ꓢꓲ ꓡꓲꓹ ꓟ ꓚꓱꓹ ꓗꓪ ꓐꓰ ꓘꓴ ꓔꓴ ꓢꓲꓸ ꓠꓲꓹ ꓡꓶꓽ ꓟꓳꓸ ꓖꓶ ꓔꓬ ꓟ ꓑ ꓫꓬ ꓐꓴ ꓔꓯ ꓕꓱ ꓡꓱ ꓞꓳ ꓢꓰꓼ ꓪ ꓢꓰꓼ ꓬꓰ ꓡ ꓟ ꓠꓬ ꓡ ꓞꓳ ꓐꓴ ꓟꓶ ꓙꓲꓽ ꓙꓳˍ ꓟ ꓶꓽ ꓔꓯ ꓟꓽ ꓒꓵꓽ ꓟˍ ꓐꓰ꓾ ꓟꓲ ꓠꓯ ꓗꓴꓷꓼ ꓜꓴ ꓗꓪ ꓐꓰ ꓢꓲ ꓡꓲꓹ ꓟ ꓚꓱꓹ ꓗꓪ ꓐꓰ ꓫꓵꓽ ꓪꓴꓻ ꓫꓬ ꓡꓰ ꓠꓹ ꓟ ꓖꓪ ꓙꓱ ꓙ ꓔꓬˍ ꓟ ꓔꓯ ꓠꓲꓹ ꓟꓽ ꓲꓼ ꓟ ꓥ ꓡꓳ” ꓐꓰ ꓟꓲ ꓠꓯ ꓗꓴꓷꓼ ꓜꓴ ꓟꓬꓱꓽ ꓢꓲ ꓓꓽ ꓟ ꓐꓱ ꓶ ꓫꓸ ꓕꓱ ꓙ ꓢꓴ Stephane Dujarric ꓡꓰ 12 ꓦ 6 ꓠꓬꓲ ꓓꓳꓽ ꓐꓯ ꓑꓶꓺ ꓜꓲꓼ ꓓꓴ ꓗꓪ ꓐꓯ ꓩꓴ ꓡ ꓡꓳ꓿
“ꓟꓬ-ꓟ ꓟꓯꓼ ꓐꓴ ꓬꓰ ꓟꓬꓱꓽ ꓔꓯ ꓮ ꓡꓲ ꓥ ꓟꓲ ꓘꓳ ꓣꓴ ꓟꓽ ꓐ ꓡ” ꓐꓰ ꓐꓰ ꓟꓬ-ꓟ ꓐꓱ ꓶ ꓟꓲ ꓠꓯ ꓗꓴꓷꓼ ꓜꓴ ꓝꓲ ꓓꓴ Ramanathan Balakrishnan ꓡꓰ ꓥ ꓟꓲ ꓐꓯ ꓔ ꓟ ꓙꓳˍ ꓡꓳ꓿
ꓬꓲ ꓚꓰꓺ꓾ ꓦꓳꓮ
