ꓝꓮꓚꓰꓐꓳꓳꓗ ꓑꓶꓸ ꓓꓴ ꓣꓳ-ꓦꓲ-ꓙ ꓐꓴ ꓮ ꓘꓶꓸ ꓫꓸ ꓙꓲ ꓟꓷꓼ ꓙꓲ ꓡꓰꓳ ꓐꓯ ꓢꓲꓸ ꓓꓳ-ꓡ 15000 ꓪꓹ ꓐꓶ ꓡ ꓠꓹ ꓟ 2021 ꓘꓳꓼ 12 ꓦ 6 ꓠꓬꓲ ꓕꓯꓽ ꓣꓳ-ꓦꓲ-ꓙ ꓐꓴ ꓡꓰ ꓝꓮꓚꓰꓐꓳꓳꓗ ꓔꓯ ꓐꓯ ꓟꓴ ꓕꓲ ꓚꓱꓹ ꓩꓴ ꓩꓴ ꓡ ꓡꓳ꓿
ꓣꓳ-ꓦꓲ-ꓙ ꓔꓯ ꓠꓲꓹ ꓢꓲꓼ ꓠꓲꓹ ꓜꓳ ꓚꓱꓹ ꓐꓳˍ ꓟ ꓔꓯ ꓝꓮꓚꓰꓐꓳꓳꓗ ꓠꓬ ꓗꓽ ꓔꓸ ꓓꓴ ꓮ ꓔꓲꓸ ꓡꓲꓸ ꓟꓽ ꓬꓰ ꓟ ꓑꓶꓸ ꓓꓴ ꓟꓬ-ꓟ ꓟꓯꓼ ꓐꓰ ꓑ ꓫꓬ ꓐꓴ ꓡꓰ ꓣꓳ-ꓦꓲ-ꓙ ꓞꓳ ꓫꓵꓽ ꓔꓯ ꓠꓲꓹ ꓜꓳ ꓗꓽ ꓟꓽ ꓓ꓾ ꓞꓳ ꓢꓰꓼ ꓪ ꓢꓰꓼ ꓡ ꓟ ꓥꓳ ꓐꓯˍ ꓡꓳ꓿
ꓗꓳꓹ ꓕꓳ ꓶ ꓔꓯ ꓠꓬ ꓮ-ꓟꓯ-ꓣꓲ-ꓗ ꓗꓪ ꓛꓲ ꓔꓬ ꓢꓴ ꓣꓳ-ꓦꓲ-ꓙ ꓐꓴ ꓡꓰꓽ ꓢ-ꓒ-ꓣ-ꓢꓲ-ꓢꓲ-ꓗꓳ ꓡꓳ ꓒꓱ (San Francisco) ꓫꓵꓽ ꓘꓶꓽ ꓖꓴ ꓗꓪ꓾ ꓐꓶ-ꓬꓲ-ꓔꓲ (Britain) ꓗꓪ ꓛꓲ ꓔꓬ ꓢꓴ ꓐꓴ ꓠꓬ ꓖꓳ ꓗꓪ ꓙꓳˍ ꓟ ꓫꓵꓽ ꓘꓶꓽ ꓖꓴ ꓗꓪ ꓕꓱ ꓡꓱ ꓐꓯ ꓟꓴ ꓬꓰ ꓩꓴ ꓡ ꓟ ꓥ ꓡꓳ꓿
ꓕꓱ ꓟ ꓔꓯ ꓟꓳꓸ ꓝꓮꓚꓰꓐꓳꓳꓗ ꓙꓼ ꓢꓷ ꓠꓲꓹ ꓶ ꓡꓯꓼ ꓜꓴ ꓗꓪ ꓐꓰ ꓮ ꓫꓵꓽ ꓡꓯꓽ ꓔꓯꓽ ꓘꓶꓽ ꓟꓽ ꓕꓱ ꓓꓳ ꓡ ꓢꓰ꓿
2017 ꓘꓳꓼ ꓟ ꓘꓴꓽ ꓗꓪ ꓞꓳ ꓢꓰꓼ ꓪ ꓢꓰꓼ ꓡ ꓠꓬꓲ ꓠꓬꓹ ꓟꓽ ꓙ ꓗꓷ ꓡꓰ ꓟ ꓑꓶꓸ ꓓꓴ ꓣꓳ-ꓦꓲ-ꓙ ꓐꓴ 7 ꓢꓯꓹ ꓣꓳ ꓛꓲ ꓟꓬ-ꓟ ꓗꓴꓷꓼ ꓗꓪ ꓐꓰ ꓔꓶꓹ ꓓꓳ ꓙꓰ ꓢꓲ꓾ ꓕꓱ ꓟ ꓔꓯ ꓟꓳꓸ ꓞꓳ ꓛꓴ ꓞꓰꓹ ꓡꓰ ꓠ ꓢꓰꓼ ꓝꓴꓲꓸ ꓙꓳ/ ꓟꓽ ꓙꓳ ꓚꓲꓸ ꓚ ꓠꓹ ꓟ ꓟꓵꓽ ꓗꓳ ꓓꓵ ꓓꓵ ꓝꓴꓲꓸ ꓬꓰ ꓢꓴ ꓔꓯ ꓐꓯ ꓟꓴ ꓕꓲꓺ (International Criminal Court) ꓗꓪ ꓥ ꓟꓲ ꓗꓳꓹ ꓡꓯ ꓘꓳ ꓔꓬ ꓟ ꓥ ꓡꓳ꓿
ꓬꓲꓸ ꓚꓰ꓾ ꓣꓝꓮ
