ꓗ-ꓛꓲ ꓟꓵꓽ꓾ ꓲ-ꓬ-ꓪ-ꓓꓲ ꓬꓲꓻ ꓝꓱ ꓗꓪ ꓟꓵꓽ ꓖꓪꓯꓺ ꓡꓰ ꓗꓪ ꓛꓲ ꓫꓵꓺ ꓚꓴꓸ ꓔꓬ ꓟ ꓦ ꓐ 2 ꓟ ꓙꓳ ꓡꓻꓳ ꓐꓰ ꓖꓳ ꓗꓪ ꓠꓬꓹ ꓔꓲ ꓠꓬꓹ ꓡꓵꓺ ꓡ ꓞꓳ ꓐꓴ ꓠꓰ ꓐꓯ ꓡꓳ꓿
“ꓟꓲ ꓠꓯ ꓚꓴꓸ ꓙꓼ ꓓꓽ ꓟ ꓠꓰ꓾ ꓮ ꓙꓬ ꓕꓴꓸ ꓢꓯꓼ ꓠꓰ ꓕꓴꓸ ꓢꓲꓸ ꓠꓰ ꓚꓴꓸ ꓠꓬꓹ ꓓꓴ ꓟ ꓦ ꓐ 2 ꓟ ꓡꓳꓼ ꓡꓻꓳ꓿ 200 ꓑꓯꓸ ꓟꓽ ꓞꓲ ꓠꓯꓸ ꓠ ꓚꓴꓸ ꓠꓬꓹꓮ ꓟꓽ꓿ ꓟꓵꓽ ꓖꓪꓯꓺ ꓗꓪ ꓛꓲ ꓔꓲꓸ ꓥꓳ” ꓐꓰ ꓖꓳ ꓗꓪ ꓛꓲ ꓢꓴ 1 ꓣꓳ ꓡꓰ ꓐꓯ ꓡꓳ꓿
ꓲ-ꓬ-ꓪ-ꓓꓲ ꓬꓲꓻ ꓝꓱ ꓕꓱ ꓟ ꓗꓪ ꓫꓵꓺ ꓚꓴꓸ ꓢꓴ ꓐꓴ ꓠꓬ ꓗꓴꓷꓼ ꓫꓵꓽ ꓪꓴꓻ ꓢꓴꓺ ꓡ ꓓꓴ ꓟ ꓔꓯ ꓡꓳꓸ ꓠꓬꓹ ꓢꓲꓸ ꓢꓯꓼ ꓕꓵꓼ ꓡ ꓡꓳ ꓐꓰ ꓠꓬꓹ ꓔꓲ ꓠꓬꓹ ꓡꓵꓺ ꓐꓴ ꓓꓵꓽ ꓙ ꓡꓳ꓿
“ꓕꓱ ꓕꓲ ꓟꓵꓽ ꓗꓪ ꓫꓵꓺ ꓚꓴꓸ ꓟ ꓠꓬ 2010 ꓗꓪ ꓚꓴꓸ ꓡ ꓢꓲꓸ ꓕꓲ ꓧꓪꓹ ꓚꓴꓸ ꓠꓽ ꓬꓰꓳ꓿ ꓝꓮꓲ 2015-2016 ꓗꓪ ꓥ ꓟꓲ ꓚꓴꓸ ꓡ ꓢꓲꓸ ꓕꓲ ꓧꓪꓹ ꓠꓽ ꓬꓰꓳ꓿ ꓮ ꓟꓶ 2021 ꓗꓪ ꓕꓲ ꓧꓪꓹ ꓠꓲꓹ ꓫꓵ ꓠꓲꓹ ꓙ ꓚꓴꓸ ꓠꓬꓹ ꓥ ” ꓐꓰ ꓟꓶ-ꓚꓲ-ꓠ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
