2021 ꓘꓳꓼ 11 ꓦ 25-26 ꓠꓬꓲ ꓕꓯꓽ ꓗ-ꓐꓳ-ꓓꓲ-ꓬ ꓗꓴꓷꓼ ꓡꓰ ꓦꓲ ꓢꓲꓺꓬꓰ ꓢꓲꓸ ꓬꓴ-ꓣꓳ ꓗꓴꓷꓼ ꓐꓴ ꓐꓰ ꓮ-ꓢꓲ-ꓬ ꓗꓴꓷꓼ ꓐꓴ (ꓮꓢꓰꓟ) ꓖꓪ ꓙꓱ ꓜꓲꓼ ꓓꓴ ꓓꓽ ꓟ ꓗꓪ ꓟꓬ-ꓟ ꓔꓯ ꓟꓽ ꓚꓬꓼ ꓝꓲ ꓐꓰ ꓓꓳꓽ ꓜꓳ ꓔꓬ ꓡꓳ꓿
ꓕꓱ ꓟ ꓠꓬ ꓮꓢꓰꓟ ꓖꓪ ꓙꓱ ꓜꓲꓼ ꓓꓴ 13 ꓧꓪꓹ ꓕꓲ ꓧꓪꓹ ꓟ ꓜꓲꓼ ꓓꓴ ꓥ ꓢꓲ꓾ ꓗꓳ-ꓪꓰꓼ ꓠꓻ ꓓꓱꓽ ꓗꓸ ꓠꓯꓸ ꓟ ꓦꓬꓼ ꓠꓬꓲ ꓗꓪ ꓶ ꓡꓯꓼ ꓚꓱꓹ ꓪꓴꓽ ꓟꓴ ꓡ ꓠꓹ ꓟ ꓐꓰ꓾ ꓬꓲ ꓚꓱꓹ ꓦ ꓥ ꓗꓪ ꓪꓽ ꓡꓯ ꓘꓳ ꓠꓹ ꓟ ꓖꓪ ꓙꓱ ꓜꓲꓼ ꓓꓴ ꓥ ꓡꓳ꓿
ꓜꓲꓼ ꓓꓴ ꓕꓱ ꓟ ꓗꓪ ꓬꓴ-ꓣꓳ ꓐꓰ ꓮ-ꓢꓲ-ꓬ ꓟꓵꓽ ꓗꓪ ꓟ ꓗꓴꓷꓼ 50 ꓟꓽ ꓞꓲ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓳꓠꓡꓲꓠꓰ ꓗꓪ ꓐꓰ ꓜꓲ ꓡꓯ ꓘꓳ ꓓꓴ ꓥ ꓡꓳ꓿
ꓟꓬ-ꓟ ꓗꓴꓷꓼ ꓔꓯ ꓟꓯꓼ ꓡꓰ ꓙꓵꓽ ꓪ ꓣꓴ ꓔꓸ ꓠꓬꓲ꓾ ꓕꓱ ꓡꓱꓳ ꓫꓵꓽ ꓜꓲꓼ ꓓꓴ ꓗꓪ ꓟꓽ ꓔꓺ ꓝꓲ ꓟ ꓠꓬ 10 ꓦ 15 ꓠꓬꓲ ꓮ-ꓢꓰ-ꓬ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓜꓲꓼ ꓓꓴ ꓕ ꓑꓳꓸ ꓥ ꓡꓳ꓿
ꓓꓰ-ꓟꓳ-ꓗꓯ-ꓢꓰ ꓚꓱꓹ ꓚ ꓔꓬ ꓟ ꓗꓴꓷꓼ ꓮ ꓟꓬꓹ ꓗꓪ ꓠꓬ꓾ ꓑ ꓫꓬ ꓡꓰ ꓢꓲꓻ ꓔꓸ ꓢꓴ ꓟꓽ ꓥ ꓠꓬ ꓗꓴꓷꓼ ꓙ ꓖꓴ ꓧꓳꓽ ꓢꓴ ꓟꓬꓱꓽ ꓬꓰ ꓟꓽ ꓓ ꓐꓰ ꓘꓳ ꓣꓴ ꓔꓬ ꓟ ꓥ ꓡꓳ꓿
2021 ꓘꓳꓼ 11 ꓦ 22 ꓠꓬꓲ꓾ ꓧꓶꓽ ꓗꓴꓷꓼ ꓐꓰ ꓮ-ꓢꓰ-ꓬ ꓜꓴ ꓜꓲꓼ ꓓꓴ ꓗꓪ ꓥ ꓟꓲ ꓟꓬ-ꓟ ꓟꓯꓼ ꓜꓲꓽ ꓐꓴ ꓔꓯ ꓟꓽ ꓚꓬꓼ ꓔꓬ ꓝꓲ ꓟ ꓥꓳ꓿
