ꓮꓲ (Artificial Intelligence) ꓐꓯˍ ꓟ ꓪꓴꓸ ꓠꓷꓸ ꓚꓬꓼ ꓚꓰꓼ ꓒꓽ Dr. Hinton ꓠꓬ ꓬꓲꓸ ꓟꓬꓱꓽ ꓬꓰ ꓔꓬ ꓟ Google ꓗꓪ ꓐꓰ ꓓꓳ ꓬꓰꓳ꓿
ꓕꓱ ꓡꓱ ꓓꓳ ꓙꓰ ꓟ ꓠꓬ꓾ ꓮꓲ ꓙꓲ ꓣꓴ ꓓꓴ ꓙꓳˍ ꓟ ꓟꓸ ꓟꓲꓽ ꓔꓯ ꓗꓸ ꓘꓳꓽ ꓘꓳꓽ ꓫꓸ ꓕꓱ ꓐꓯ ꓒꓴ ꓐ ꓡ ꓠꓹ ꓟ ꓥ ꓡꓳ꓾ ꓐꓯ ꓡꓳ꓿
ꓬꓲꓸ ꓠꓬ 1972 ꓘꓳꓼ ꓕ ꓑꓳꓸ ꓮꓲ ꓢꓷꓸ ꓠꓲꓹ ꓬꓲꓸ ꓚꓰꓺ ꓜꓯꓻ ꓠꓹ ꓟ ꓚꓱꓹ ꓔꓯ ꓧꓪ ꓟꓰꓹ ꓡ ꓢꓴ꓾ ꓟꓬꓽ ꓠꓬꓲ ꓠꓬ ꓬꓲꓸ ꓔꓯ ꓛꓳ ꓢꓴ ꓢꓳ ꓒꓽ 2 ꓣꓳ ꓔꓺ ꓔꓲ 2012 ꓗꓪ ꓚꓳꓸ ꓮꓲ ꓔꓯ ꓫꓬꓹ ꓚꓰꓼ ꓩꓴ ꓡ ꓢꓴ ꓥ ꓡꓳ꓿
“ꓥ ꓬꓰ ꓔꓸ ꓟ ꓟꓬꓱꓽ ꓑꓶꓸ ꓓꓴ ꓠꓲꓹ ꓟ ꓡꓲꓸ ꓫꓸ ꓠꓰ ꓟꓽ ꓓꓻꓳ” ꓐꓰ ꓐꓯˍ ꓡꓳ꓿ ꓮꓲ ꓠꓬ ꓞꓳ ꓤ ꓐꓴ ꓐꓱ ꓶ ꓙꓲ ꓖꓴ ꓙꓳˍ ꓟ ꓡꓰ ꓐꓰ ꓙꓲ ꓣꓴ ꓓꓴ ꓓꓽ ꓟ ꓙꓳ ꓟ ꓔꓯ ꓬꓲꓸ ꓙ ꓜꓲꓼ ꓡꓰ ꓢꓲ꓾ ꓟꓬꓱꓽ ꓠꓽ ꓬꓰ ꓗꓪ ꓛꓲ꓾ ꓠꓲꓹ ꓫꓸ ꓟꓬ ꓫꓸ ꓔꓴ ꓡ ꓟ ꓥ ꓡꓳ꓿
ꓬꓲꓸ ꓚꓰ꓾ New York Times
