2023 ꓘꓳꓼ 5 ꓦ 2 ꓠꓬꓲ ꓕꓯꓽ꓾ ꓡ-ꓫꓴꓽ ꓟꓵꓽ ꓗꓪ ꓦꓴꓻ ꓜꓽ ꓢꓴ꓾ ꓞꓳ ꓤ ꓢꓰꓼ ꓒꓽ (4) ꓣꓳ ꓔꓯ ꓗꓳꓸ-ꓗꓼ ꓐꓯ ꓟꓴ ꓘꓶꓽ ꓔꓶꓸ ꓗꓪ ꓚꓳꓸ ꓫꓵꓻ ꓝꓴꓲꓸ ꓖꓴ ꓩꓴꓳ꓾ ꓐꓰ The Kokang ꓓꓳꓽ ꓗꓪ ꓐꓳ ꓔꓸ ꓡꓳ꓿
ꓝꓴꓲꓸ ꓖꓶ ꓪ ꓡꓰ ꓢꓴ ꓐꓴ ꓠꓬ꓾ Shi Weyong (23 ꓘꓳꓼ)꓾ Guo Shaowei (29 ꓘꓳꓼ)꓾ Shi Weichang (21 ꓘꓳꓼ) ꓐꓰ꓾ Guo Shauokuan (21 ꓘꓳꓼ) ꓥ ꓡꓳ꓿
ꓕꓱ ꓕꓲꓽ ꓜꓴ ꓠꓬ ꓡ-ꓫꓴꓽ ꓟꓵꓽ ꓕꓲꓽ ꓚꓳ ꓡꓳ ꓗꓪ ꓦꓴꓻ꓾ ꓘꓴꓽ꓾ ꓞꓳ ꓤ ꓢꓰꓼ ꓗꓷ ꓟ ꓐꓯ ꓟꓴ (25) ꓚꓱꓹ ꓗꓪ ꓝꓴꓲꓸ ꓙꓳ ꓡꓳ ꓐꓰ ꓐꓯ ꓢꓲ꓾ ꓑ ꓫꓬ ꓟꓲ ꓙꓬ ꓗꓪ ꓫꓵꓻ ꓝꓴꓲꓸ ꓖꓶ ꓪꓡꓰ ꓟ ꓥ ꓡꓳ꓿
ꓬꓲꓸ ꓪ ꓡꓰ ꓫꓺ ꓔꓸ ꓟ ꓒꓴ ꓠꓬ꓾ ꓧꓶꓽ ꓒꓽ ꓒꓴ (4.77) ꓪꓹ ꓐꓰ꓾ ꓟꓳ ꓓꓳ ꓮ ꓟꓬꓹ ꓥ ꓡꓳ꓾ ꓐꓯ ꓔꓸ ꓡꓳ꓿
ꓬꓲꓸ ꓪ ꓔꓯ ꓔꓺ ꓢꓴ꓾ ꓮꓟꓶ ꓟꓽ ꓣꓴ ꓟꓶ ꓢꓰꓽ ꓢꓴˍ ꓟꓲ ꓙꓳˍ ꓡꓳ꓾ ꓐꓰ The Kokang ꓓꓳꓽ ꓗꓪ ꓐꓳ ꓔꓸ ꓡꓳ꓿
ꓓꓳꓽ ꓬꓲꓸ ꓚꓰ꓾ The Kokang
