ꓬꓥ-ꓖꓳꓥ꓾ ꓚꓰꓼ-ꓟꓲ-ꓔꓮꓲꓽ ꓡꓳ ꓒꓱ꓾ ꓢꓰ-ꓟ-ꓡꓮꓲꓼ ꓗꓪ꓾ ꓠꓬꓲꓸ ꓠꓬꓲ 2021 ꓘꓳꓼ 10 ꓦ 31 ꓠꓬꓲ꓾ ꓠꓯꓼ 10:15 ꓙꓵꓹ ꓕꓯ ꓬꓐꓢ- Yangon Bus Service (20) 1 ꓢꓶꓽ ꓮ ꓔꓳꓸ ꓙꓬꓺ ꓖꓪꓽ ꓬꓰꓳ꓿
“ꓕ-ꓔ-ꓡ ꓡꓳ ꓒꓱ ꓐꓱ ꓶ ꓪꓽ ꓛꓴ ꓮ ꓔꓳꓸ ꓝꓱꓹ ꓩꓴ ꓡ ꓟ ꓥꓳ꓿ ꓕꓱ ꓟ ꓠꓬ ꓜꓲ ꓜꓲ ꓑꓰꓹ ꓑꓰꓹ ꓟꓬꓱꓽ ꓬꓰ ꓢꓴ ꓟꓯꓼ ꓐꓴ ꓔꓯ ꓔꓺ ꓢꓴ ꓡꓳ ꓑ ꓶ ꓤ ꓥ ꓠꓬꓲ ꓕꓱ ꓡꓱ ꓫꓹ ꓖꓴꓼ ꓓꓴ ꓟ ꓥꓳ” ꓐꓰ ꓡꓳ ꓒꓱ ꓟꓶ ꓞ ꓛꓲ ꓡꓯꓼ ꓜꓴ ꓡꓰ ꓐꓯ ꓩꓴ ꓡ ꓡꓳ꓿
ꓬꓐꓢ (20) ꓠꓬ ꓟꓬ- ꓗꓴꓷꓼ ꓗꓪ ꓑ ꓫꓬ ꓙꓵꓽ ꓪ ꓦꓴ ꓪꓴꓸ ꓔꓴ ꓢꓴ ꓬꓲꓸ ꓪꓴꓸ ꓕꓲ ꓣꓳ ꓥ ꓟ ꓟꓯꓼ ꓜꓲꓽ ꓠꓯ-ꓪꓰꓸ ꓡꓲꓸ ꓑꓸ ꓐꓴ ꓶ ꓡꓯꓼ ꓜꓴ ꓳꓟꓲꓠꓲ ꓝꓳꓚꓴꓢ ꓶꓽ ꓥ ꓡꓳ꓿
ꓑ ꓫꓬ ꓙꓵꓽ ꓪ ꓦꓴ ꓟꓯꓼ ꓐꓰ ꓬꓲ ꓪ ꓫꓵꓽ ꓤ ꓪꓳꓼ ꓤ ꓐꓴ ꓠꓬ ꓞꓳ ꓐꓳ ꓞꓳ ꓬꓲꓼ ꓬꓰ ꓔꓬ ꓢꓲ꓾ ꓑ ꓫꓬ ꓐꓴ ꓔꓯ ꓫꓸ ꓝꓲꓸ ꓘꓶ꓾ ꓤꓲ ꓘꓶ ꓕꓱ ꓔꓬ ꓠꓬꓲ꓾ ꓑ ꓫꓬ ꓐꓴ ꓠꓬ ꓑ ꓫꓬ ꓙꓵꓽ ꓪ ꓦꓴ ꓟꓯꓼ ꓐꓰ ꓬꓲ ꓪ ꓔꓯ ꓛꓳ ꓢꓴ ꓐꓴ ꓔꓯ ꓫꓵ ꓠ ꓟꓶꓼ ꓠ ꓠꓲꓹ ꓜꓳ ꓔꓬ ꓡꓳ꓿
