ꓛꓽ ꓐꓲ ꓛꓽ ꓗꓪ ꓢꓴ ꓔꓬ ꓟ ꓬꓥ-ꓖꓳꓥ ꓟꓵꓽ ꓙ ꓖꓴ ꓙ ꓐꓽ ꓮ ꓙꓵꓽ ꓠꓬꓲꓸ ꓠꓬꓲ ꓠꓯꓼ 9:30 ꓗꓪ ꓐꓰ ꓛꓱꓼ ꓡꓱꓼ ꓗꓼ ꓡꓼ ꓟꓽ ꓟꓶ꓾ ꓙ ꓓꓵꓽ ꓓꓳ ꓢꓴ ꓟꓽ ꓙꓳ꓾ ꓑꓶ ꓢꓲ ꓡꓲꓹ ꓗꓷ ꓡꓰꓳ꓿
ꓢꓷꓸ ꓡꓰ ꓓꓴ
ꓟꓯꓼ ꓡꓰ ꓗꓴꓷꓼ ꓙꓵꓽ ꓪ ꓦꓴ ꓙꓰ ꓕꓲ ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓡ ꓛꓴꓸ ꓡꓰ ꓢꓰꓼ ꓫꓵꓻ ꓢꓴ 1500 ꓣꓳ ꓟꓽ ꓞꓲ꓾ ꓦꓲ ꓐꓰ ꓖꓴꓽ ꓙꓴ ꓐꓬ ꓡꓰ ꓢꓴ ꓐꓯ ꓖꓴ ꓟꓽ ꓓ꓾ ꓐꓱ ꓓꓴꓽ ꓗꓪ ꓡꓴꓽ ꓔꓸ ꓢꓲꓸ ꓫꓸ ꓟꓴ ꓫꓸ ꓚꓬ ꓬꓰ ꓖꓶ ꓟꓶ ꓡꓰ ꓢꓴ꓾ ꓛꓰꓹ ꓑꓬ ꓔꓬ ꓢꓴ ꓐꓯ ꓖꓴ ꓟꓽ ꓓꓻꓳ꓿
ꓟꓬ-ꓟ ꓑ ꓫꓬ ꓠꓬ ꓚꓲꓸ ꓛꓬ ꓙꓲ ꓖꓴ ꓧꓪ ꓢꓴ ꓟꓬ-ꓟ ꓟꓯꓼ ꓔꓯ ꓠꓲꓹ ꓜꓳ ꓠꓲꓹ ꓢꓲꓼ ꓟ ꓠꓬ ꓮ ꓔꓳꓸ ꓡꓰ ꓐꓰ ꓐꓬ ꓔꓬ ꓡꓳ꓿
2021 ꓘꓳꓼ 2 ꓦ 1 ꓠꓬꓲ ꓗꓪ ꓟꓬ-ꓟ ꓟꓯꓼ ꓡꓰ ꓗꓴꓷꓼ ꓙꓵꓽ ꓪ ꓦꓴ ꓡ ꓟ ꓥ ꓡꓳ꓿ ꓑ ꓫꓬ ꓐꓴ ꓠꓬ ꓕꓱ ꓟ ꓔꓯ ꓘꓳ ꓣꓴ ꓟꓽ ꓐ ꓡ ꓠꓬꓲ꓾ ꓢꓯꓼ ꓟꓬ ꓑ ꓢꓲꓸ ꓔꓳꓹ ꓡꓯ ꓘꓳ ꓔꓬ ꓡꓳ꓿
