ꓡ ꓞꓳ ꓫꓵꓽ ꓔꓯ ꓒꓳꓹ ꓔꓳꓹ ꓟ ꓝꓴꓲꓸ ꓬꓰ ꓔꓬ ꓟ ꓟꓬ-ꓟ ꓟꓯꓼ ꓔꓯ ꓟꓵ ꓗꓳ ꓓꓵ ꓓꓵ ꓐꓯ ꓟꓴ ꓕꓲ ꓗꓪ ꓐꓯ ꓟꓴ ꓩꓴ ꓠꓹ ꓟ ꓲꓲꓟꓟ (The Independent Investigative Mechanism for Myanmar) ꓡꓰꓽ ꓢꓯꓼ ꓕꓵꓼ ꓔꓬ ꓡꓳ ꓐꓰ꓾ ꓟꓯꓼ ꓡꓰ ꓗꓴꓷꓼ ꓙꓵꓽ ꓪ ꓣꓴ ꓔꓸ ꓟ ꓕꓲ ꓘꓳꓼ ꓐꓲ ꓡˍ ꓟ 2022 ꓘꓳꓼ 2 ꓦ 1 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓕꓳ ꓶ ꓓꓳ ꓩꓴ ꓡ ꓡꓳ꓿
“ꓗꓴꓷꓼ ꓙꓵꓽ ꓪ ꓦꓴˍ ꓟ ꓠꓬ ꓝꓴꓲꓸ ꓓꓽ ꓟ ꓥ ꓡꓳ ꓐꓰ ꓐꓯ ꓟꓽ ꓙꓲ ꓢꓰꓽ ꓥ ꓟꓲ꓾ ꓡ ꓞꓳ ꓬꓲ ꓜꓴ ꓬꓲ ꓟꓯꓼ ꓔꓯ ꓜꓲ ꓜꓲ ꓑꓰꓹ ꓑꓰꓹ ꓣꓴ ꓡꓴꓽ ꓢꓲꓸ ꓫꓸ ꓟꓴ ꓫꓸ ꓚꓬ ꓬꓰˍ ꓟ꓾ ꓟꓽ ꓜꓳ ꓟꓽ ꓔꓱꓹ ꓞꓳ ꓢꓰꓼ ꓪ ꓢꓰꓼ ꓟ ꓙꓳˍ ꓟ ꓗꓪ ꓐꓰ ꓥꓪ ꓠꓴ ꓕꓲ ꓜꓴ ꓲꓲꓟꓟ ꓠꓬ ꓟꓬ-ꓟ ꓟꓯꓼ ꓬꓰ ꓟꓬꓱꓽ ꓔꓯ ꓜꓲ ꓜꓲ ꓟꓴ ꓟꓴ ꓔꓱꓹ ꓠꓬꓲ ꓗꓷꓳ” ꓐꓰ꓾ ꓠꓲ-ꓚꓳ-ꓡ ꓗꓳ-ꓙ (Nicholas Koumjian) ꓡꓰ ꓐꓯ ꓡꓳ꓿
ꓲꓲꓟꓟ ꓜꓴ ꓡꓰ ꓢꓯꓼ ꓕꓵꓼ ꓟ ꓠꓬ꓾ ꓮ-ꓢꓰ-ꓬ ꓜꓴ ꓡꓰ ꓠꓲꓹ ꓧꓳꓹ ꓔꓸ ꓟ (5) ꓘꓶꓽ ꓗꓪ ꓟ “ꓟꓬ-ꓟ ꓗꓴꓷꓼ ꓗꓪ ꓜꓲ ꓜꓲ ꓑꓰꓹ ꓑꓰꓹ ꓞꓳ ꓢꓰꓼ ꓪ ꓢꓰꓼ ꓟ ꓔꓯ ꓠꓽ ꓡꓰ ꓝꓲ ꓠꓹ ꓟ” ꓕꓱ ꓕꓲ ꓘꓶꓽ ꓐꓱ ꓶ ꓢꓯꓼ ꓕꓵꓼ ꓙ ꓔꓬ ꓟ ꓥꓳ ꓐꓯ ꓔ ꓡꓳ꓿
