ꓮ-ꓟꓯ-ꓣꓲ-ꓗ ꓗꓴꓷꓼ ꓟꓵ ꓪꓴꓽ ꓗꓪ ꓙꓱ ꓚꓳ ꓔꓬ ꓟ꓾ ꓬꓲꓸ ꓟꓬꓱꓺ ꓬꓲꓸ ꓫꓵꓽ ꓟꓽ ꓢꓷꓸ ꓢꓰꓽ ꓟ ꓙꓱ ꓔꓬ ꓡꓳ ꓫꓵꓽ ꓔꓯ ꓟꓳꓸ ꓚꓲꓸ ꓚ ꓜꓴ ꓕꓲ ꓜꓴ ꓒꓴ ꓗꓷ ꓡꓳ꓿
ꓕꓱ ꓕꓲ ꓜꓴ ꓬꓲꓸ ꓟꓬꓱꓺ ꓠꓬ꓾ The Airborne Object Identification and Management Synchronization Group ꓥ ꓢꓲ꓾ ꓡ ꓞꓳ ꓮ ꓟꓬꓹ ꓡꓰ ꓕꓲ ꓖ ꓕꓲ ꓧꓪꓹ ꓡꓳꓸ ꓟꓳˍ ꓟ꓾ ꓟꓵ ꓪꓴꓽ ꓗꓪ ꓙꓱ ꓚꓳ ꓔꓬ ꓟ ꓕꓲ ꓫꓵꓽ ꓔꓯ ꓜꓲ ꓜꓲ ꓟꓴ ꓟꓴ ꓦꓲꓸ ꓚ ꓠꓹ ꓟ ꓟꓬꓱꓽ ꓖꓶ ꓗꓷ ꓡꓳ꓿
ꓗꓴꓷꓼ ꓑ ꓫꓬ ꓝꓲ ꓓꓴ ꓐꓴ ꓖꓪ ꓙꓱ ꓜꓲꓼ ꓓꓴ ꓗꓪ ꓕꓱ ꓟ ꓚꓱꓹ ꓔꓯ ꓖꓪ ꓙꓱ ꓡꓯ ꓘꓳ ꓢꓲꓸ ꓚꓲꓸ ꓚ ꓜꓴ ꓙꓳ ꓡ ꓟ ꓥ ꓡꓳ꓿
2004 ꓘꓳꓼ ꓗꓪ ꓐꓰ ꓕ ꓑꓳꓸ ꓕꓱ ꓡꓱ ꓬꓲꓸ ꓫꓵꓽ ꓟꓽ ꓢꓷꓸ ꓟ ꓙꓱ ꓚꓳ ꓔꓬ ꓟ ꓕꓲ ꓫꓵꓽ ꓔꓯ ꓡꓳꓸ ꓟꓳ ꓟ 144 ꓧꓪꓹ ꓙꓳ ꓡꓰꓳ ꓐꓯ ꓡꓳ꓿ ꓧꓳ ꓗꓪ ꓐꓰ 1 ꓟ ꓠꓬ꓾ ꓮ ꓔꓳꓸ ꓒꓴꓽ ꓓꓴ ꓦꓲ ꓕꓲ ꓟ ꓥ ꓡꓳ ꓐꓯ ꓡꓳ꓿ ꓠꓱꓸ ꓐꓯꓼ ꓮ ꓙꓵꓽ ꓠꓬ ꓮ ꓫꓵꓽ ꓥ ꓟ ꓟꓽ ꓢꓪꓼ ꓓꓳ ꓡ꓿
ꓕꓲ ꓐꓱ ꓡꓰ ꓐꓯ ꓠꓬ ꓠꓱꓸ ꓐꓯꓼ ꓟꓲ ꓠꓯ ꓡꓴꓸ ꓗꓪ ꓐꓰ ꓡ ꓟ ꓢꓯꓸ ꓫꓵꓽ ꓐꓴ ꓟꓲ ꓠꓯ ꓕꓱ ꓟ ꓔꓯ ꓛꓽ ꓡ ꓔꓬ ꓟ ꓥ ꓟꓽ ꓢꓷ ꓓꓵꓽ ꓙ ꓡꓳ꓿ ꓝꓮꓲ ꓕꓲ ꓐꓱ ꓠꓬ ꓧꓶꓽ ꓒꓽ ꓐꓰ ꓣ-ꓫꓸ ꓒꓽ ꓐꓴ ꓡꓰ ꓮ-ꓟꓯ-ꓣꓲ-ꓖ ꓔꓯ ꓓꓶꓽ ꓠꓹ ꓟ ꓛꓽ ꓔꓬ ꓡꓳ ꓟꓽ ꓢꓷꓸ ꓐꓰ ꓓꓵꓽ ꓙ ꓢꓴˍ ꓟꓲ ꓙꓳ ꓡꓳ꓿
