1989 ꓘꓳꓼ ꓗꓪ ꓢꓷ ꓠꓲꓹ ꓢꓳ ꓒ ꓢꓳ ꓟ ꓐꓴ ꓓꓰ-ꓟꓳ-ꓗꓯ-ꓢꓰ ꓚꓱꓹ ꓐꓱ ꓶ ꓧꓶꓽ ꓒ ꓗꓴꓷꓼ ꓔꓲ-ꓬꓲ-ꓟꓲ ꓜꓲꓼ ꓔꓶꓸ ꓗꓪ ꓠꓲꓹ ꓡꓶꓽ ꓟꓳꓸ ꓖꓶ ꓜꓲꓼ ꓔꓬ ꓕꓯꓽ ꓟꓯꓼ ꓐꓴ ꓡꓰ ꓞꓳ ꓢꓰꓼ ꓪ ꓢꓰꓼ ꓡ ꓗꓷ ꓟ ꓔꓯ ꓚꓲꓸ ꓟꓶ ꓓꓴ ꓭꓸ ꓐꓬꓱꓽ ꓔꓯ 2021 ꓘꓳꓼ 12 ꓦ 23 ꓠꓬꓲ ꓕꓯꓽ ꓧꓳ-ꓗꓳ ꓟꓴ ꓕꓲꓸ ꓙꓳꓥꓽ ꓗꓪ ꓐꓰ ꓣꓴ ꓥꓸ ꓩꓴꓳ꓿
ꓭꓸ ꓐꓬꓱꓽ ꓔꓯ ꓣꓴ ꓥꓸ ꓩꓴ ꓗꓷ ꓟ
ꓭꓸ ꓐꓬꓱꓽ ꓖꓳ ꓟ ꓠꓬ 1989 ꓘꓳꓼ 4 ꓦ 15 ꓠꓬꓲ ꓕꓯꓽ ꓓꓰ-ꓟꓳ-ꓗꓯ-ꓢꓰ ꓚꓱꓹ ꓐꓱ ꓶ ꓠꓲꓹ ꓡꓱ ꓢꓲꓸ ꓢꓰꓼ ꓪ ꓡꓰ ꓢꓴ ꓐꓴ ꓬꓲꓸ ꓛꓲ꓾ ꓞꓳ ꓤ ꓬꓲ ꓜꓴ ꓒꓬꓱꓽ ꓟꓳꓸ ꓖꓶ ꓔꓸ ꓟ ꓚꓲꓸ ꓟꓶ ꓓꓴ ꓭꓸ ꓛꓲ ꓜꓲꓻ ꓘꓴ ꓕꓲ ꓟ ꓥ ꓡꓳ꓿
ꓧꓶꓽ ꓒ ꓗꓴꓷꓼ ꓙꓵꓽ ꓢꓴ ꓕꓲ ꓝꓸ ꓡꓲꓸ ꓕꓲ ꓝꓸ ꓠꓬ ꓖꓳ ꓡꓱꓳ ꓫꓵꓽ ꓞꓳ ꓢꓰꓼ ꓪ ꓢꓰꓼ ꓟ ꓟꓽ ꓙꓳ ꓐꓰ ꓘꓶꓽ ꓬꓲꓼ ꓔꓬ ꓟ ꓥ ꓡꓳ꓿
ꓧꓳ-ꓗꓳ ꓗꓪ 2021 ꓘꓳꓼ 12 ꓦ 19 ꓠꓬꓲ ꓟꓯꓹ ꓢꓲꓻ ꓡꓯ ꓘꓳ ꓟ ꓗꓪ ꓧꓶꓽ ꓗꓴꓷꓼ ꓔꓯ ꓔꓺ ꓠꓲꓹ ꓫꓵ ꓢꓴ ꓧꓪꓸ ꓡꓰ ꓟ ꓥꓳ꓿
