ꓗꓴꓷꓼ ꓙꓵꓽ ꓪ ꓦꓴ ꓢꓴ ꓞꓳ ꓢꓰꓼ ꓒꓽ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓔꓯ ꓜꓲ ꓡꓯ ꓘꓳ ꓗꓷ ꓟ ꓑꓶꓸ ꓓꓴ ꓔꓲꓺ ꓒ ꓛꓸ-ꓢꓲ-ꓐꓳ (Charles Bo) ꓔꓯ ꓲꓚꓙꓟ (Independent Catholics Justice for Myanmar) ꓠꓬ ꓮ ꓘꓶꓸ ꓠꓲꓹ ꓟ ꓙꓬ ꓡꓰ ꓢꓲ꓾ ꓡꓲꓽ ꓡꓲꓽ ꓜꓶꓸ ꓜꓶꓸ ꓕꓼ ꓩꓴ ꓡ ꓡꓳ꓿
ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓐꓰ ꓔꓲꓺ ꓒ ꓛꓸ-ꓢꓲ-ꓐꓳ ꓐꓴ ꓠꓬ ꓬꓥ-ꓖꓳꓥ꓾ ꓐꓳ-ꓔ-ꓕꓻꓳ ꓡꓳ ꓒꓱ꓾ ꓢꓲꓽ ꓫꓬ ꓢꓴ ꓟ-ꓡꓲꓹ ꓪ ꓘꓴ ꓦꓲ ꓒ ꓕꓲ ꓗꓪ ꓙꓳˍ ꓟ ꓛ-ꓢꓲ-ꓐꓳ ꓜꓲꓼ ꓦꓲ ꓗꓪ 2021 ꓘꓳꓼ 12 ꓦ 23 ꓠꓬꓲ ꓕꓯ ꓜꓲ ꓡꓯ ꓘꓳ ꓗꓷ ꓡꓳ꓿
ꓕꓱ ꓡꓱ ꓜꓲ ꓡꓯ ꓘꓳ ꓟ ꓠꓬ ꓘꓴ ꓜꓲꓼ ꓞꓳ ꓗꓪ ꓟ ꓦ ꓡꓱ ꓢꓴ ꓐꓴ ꓮ ꓟꓬꓹ ꓠꓲꓹ ꓡꓶꓽ ꓟꓽ ꓥ ꓟˍ ꓐꓰ꓾ ꓟꓯꓼ ꓑꓶꓸ ꓓꓴ ꓫꓸ ꓙꓵ ꓟꓷꓼ ꓙꓵ ꓔꓬ ꓢꓴ ꓐꓴ ꓔꓯꓸ ꓫꓸ ꓝꓲꓸˍ ꓟ ꓟꓬꓱꓽ ꓕꓲ ꓟ ꓥ ꓡꓳ ꓐꓰ ꓲꓚꓙꓟ ꓡꓰ ꓐꓯ ꓔ ꓡꓳ꓿
ꓲꓚꓙꓟ ꓠꓬ ꓜꓲ ꓜꓲ ꓑꓰꓹ ꓑꓰꓹ ꓥꓶꓸˍ ꓟ ꓬꓰ ꓢꓴ ꓔꓯ ꓔꓳꓹ ꓢꓲ꓾ ꓠꓬꓲꓸ ꓤꓲ ꓟꓶ ꓡꓰ ꓢꓴ ꓐꓰ ꓕꓲ ꓡꓰꓹꓼ ꓦꓰꓼ ꓓꓴ ꓥꓳ ꓐꓯ ꓡꓳ꓿
