ꓮ ꓟꓶ ꓚꓳꓦꓲꓓ-19 ꓑꓶꓸ ꓓꓴ ꓓꓵꓽ ꓓꓳ ꓙꓰ ꓠꓲꓹ ꓫꓵ ꓢꓴ ꓠꓬ꓾ ꓚꓲ ꓛꓬ ꓔꓬ ꓟ ꓘꓹ ꓗꓪ ꓟ 100 ꓦꓲ ꓙꓵꓽ ꓢꓴ ꓔꓯ ꓢꓷꓸ ꓡꓰ ꓝꓲ ꓢꓲ꓾ ꓕꓵꓼ ꓪ ꓕꓳ ꓶ ꓟꓶ ꓡꓰ ꓕꓯ ꓢꓲꓸ ꓓꓵꓽ ꓓꓳ ꓠ ꓗ ꓡꓳ ꓐꓰ꓾ ꓠꓬꓲꓸ ꓠꓬꓲ Stay at Home ꓕꓵꓼ ꓪ ꓓꓳ ꓔꓸ ꓟ ꓕꓲ ꓘꓹ ꓡꓲ ꓕꓲ ꓘꓹ ꓗꓪ ꓐꓯ ꓒꓬꓱꓺ ꓔꓬ ꓡꓳ=
ꓚꓳꓦꓲꓓ-19 ꓑꓶꓸ ꓓꓴ ꓦꓲ ꓗꓪ ꓡꓴꓽ ꓔꓬ ꓠꓹ ꓟ 36 ꓡꓳ ꓒꓱ ꓔꓯ ꓕꓵꓼ ꓪ ꓓꓳ ꓗꓷ ꓗꓸ ꓠꓯꓸ 7 ꓦ 9 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓙꓳꓥꓽ ꓔꓯ ꓥ ꓟꓲ 2 ꓫꓵꓽ ꓠꓽ ꓑꓲꓸ ꓔꓸ ꓠꓹ ꓟ ꓕꓵꓼ ꓪ ꓓꓳ ꓩꓴ ꓡ ꓟ ꓡꓰ ꓐꓰ꓾ ꓮ ꓟꓶ ꓓꓵꓽ ꓓꓳ ꓚꓱꓹ ꓔꓯ ꓥ ꓟꓲ ꓗꓽ ꓞꓲꓽ ꓡ ꓔꓬ ꓟ ꓥ ꓡꓳ= ꓚꓳꓦꓲꓓ-19 ꓑꓶꓸ ꓓꓴ ꓕꓲ ꓟꓵꓽ ꓕꓲ ꓟꓵꓽ ꓙ ꓡꓯ ꓘꓳ ꓟꓽ ꓙꓲ ꓗꓪ ꓛꓲ ꓬꓲꓼ ꓡ ꓔꓬ ꓢꓲ꓾ ꓠꓻ ꓜꓳꓻ ꓡꓰ ꓢꓴ꓾ ꓫꓵꓻ ꓢꓴ ꓟꓬꓽ ꓡ ꓔꓬ ꓡꓳ=
