ꓑꓴ-ꓔ-ꓮꓳ ꓐꓯ ꓟ ꓠꓬ ꓮ-ꓢ (ꓐꓶ-ꓬꓲ) ꓥꓳ: ꓐꓴ-ꓔꓳꓥ ꓐꓯ ꓟ ꓗꓪ ꓐꓰ ꓬꓯ; ꓡ ꓟ ꓐꓯ ꓘꓶ: ꓥ ꓡꓳ= ꓑꓴ꓾ ꓐꓯ ꓟ ꓠꓬ ꓮ-ꓑ (Grandfather) ꓐꓯ ꓟ ꓬꓲ. ꓬꓲ ꓢꓶ ꓥ ꓢꓲ꓾ ꓔꓳꓥ ꓾ꓐꓯ ꓟ ꓠꓬ ꓡꓳ. ꓠꓬ ꓡꓳ (waiting ) ꓐꓯ ꓟ ꓬꓲ. ꓬꓲ ꓢꓶ ꓙꓳ ꓡꓳ= ꓖꓳ ꓟ ꓑꓶ ꓓꓴ ꓑꓴ-ꓔ-ꓮꓳ ꓐꓯ ꓟ ꓠꓬ “ꓮ-ꓑ ꓡꓳ ꓠꓬ ꓟ ꓠꓬꓲ ꓖꓴ” ꓐꓰ ꓬꓲ. ꓬꓲ ꓢꓶ ꓙꓳ ꓡꓳ=
ꓑꓴ-ꓔ-ꓮꓳ ꓡꓳ ꓒꓱ ꓔꓯ ꓬꓲ. ꓪꓴ. ꓔꓶ ꓕꓯ “ꓐꓴ-ꓔꓳꓥ” ꓡꓳ ꓒꓱ ꓐꓰ ꓘꓴ- ꓡꓳ= ꓗ ꓠꓯ ꓠꓬ ꓧꓪ: ꓒꓴ ꓥꓳ: ꓗꓪ ꓐꓰ ꓐꓴ-ꓔꓳꓥ ꓔꓯ (ꓑutao) ꓐꓰ ꓐꓳ ꓟ ꓗꓪ ꓐꓰ ꓡꓳ ꓟꓲ ꓕꓳ ꓶ: ꓝꓳ, ပူတာအို ꓐꓰ ꓐꓳ ꓠ ꓗꓷ ꓡꓰꓳ= ꓑꓴ-ꓔ-ꓮꓳ ꓟꓵ: ꓗꓪ ꓬꓲ.ꓪꓴ. ꓕꓯ ꓡꓰ ꓔꓬ ꓟ ꓞꓳ ꓫꓵ: ꓠꓬ ꓮ-ꓢ (ꓐꓶ-ꓬꓲ) ꓞꓳ ꓫꓵ: ꓥ ꓡꓳ= ꓖꓳ ꓟ ꓑꓶ ꓓꓴ ꓠꓬꓲꓸ ꓠꓬꓲ ꓗꓪ ꓛꓲ ꓞꓳ ꓘ, ꓟꓬꓱꓸꓸ ꓟꓬ: ꓐꓱ ꓠꓬ ꓮ-ꓢ (ꓐꓶ-ꓬꓲ) ꓟꓬꓱ.. ꓐꓴ ꓡꓰ: ꓥ – ꓡꓳ=
ꓑꓴ-ꓔ-ꓮꓳ ꓟꓵ: ꓗꓪ ꓠꓬ ꓞꓳ ꓫꓵ: ꓡꓲ ꓫꓵ: ꓔꓬ ꓡꓳ= ꓡꓲ-ꓢꓴ꓾ ꓣ-ꓪ (ꓛꓳ:) ꓾ ꓮ -ꓒꓴ꓾ ꓮ-ꓢ (ꓐꓶ-ꓬꓲ) ꓐꓴ ꓥ ꓡꓳ= ꓑꓴ-ꓔ-ꓮꓳ ꓟꓵ: ꓠꓬ ꓡꓳ-ꓟꓲ: ꓟꓵ: ꓡꓳ ꓪꓴ. ꓕꓲ: ꓛꓱ: ꓗꓪ ꓡꓳ, ꓬꓰ ꓟ ꓕꓲ: ꓡꓳ ꓒꓱ ꓥ ꓡꓳ= ꓑꓴ-ꓔ-ꓮꓳ ꓟꓵ: ꓠꓬ ꓬꓲ ꓡꓳ ꓐꓱ ꓕꓯ ꓢꓲ (1480) ꓑꓯ. ꓟꓴ_ ꓟ ꓗꓪ ꓙꓳ ꓟ ꓟꓵ: ꓕꓲ: ꓟꓵ: ꓥ ꓡꓳ=
ꓑꓴ-ꓔ-ꓮꓳ ꓟꓵ: ꓗꓪ ꓡ ꓠꓲ ꓫꓵ ꓢꓴ ꓐꓴ ꓠꓬ ꓐꓬꓱ ꓦꓲ꓾ ꓟꓳ ꓓꓳ ꓗꓪ ꓐꓰ ꓡ ꓓ_ꓡꓳ= ꓧꓶ. ꓕꓯ ꓟ ꓦꓬ; ꓠꓬꓲ ꓗꓪ ꓟꓳ ꓓꓳ ꓙ ꓖꓴ ꓟ ꓙꓲ ꓟ ꓑꓶ ꓓꓴ ꓮ ꓟꓬ ꓠꓬꓲ ꓪ ꓐꓶ ꓥ ꓟꓲ ꓮ ꓟꓶ ꓠꓬ ꓟꓳ ꓓꓳ ꓗꓪ ꓐꓰ ꓕꓲ: ꓠꓬꓲ ꓬꓲ ꓘꓴ ꓗꓪ ꓟꓲ-ꓚꓲ-ꓠ ꓗꓪ ꓐꓰ ꓑꓴ-ꓔ-ꓮꓳ ꓗꓪ ꓛꓲ ꓡ ꓡꓳ= ꓟꓲ-ꓚꓲ-ꓠ ꓗꓪ ꓐꓰ ꓑꓴ-ꓔ-ꓮꓳ ꓗꓪ ꓛꓲ ꓟꓲ.. 207 ꓕꓷ, ꓐꓰ 3 ꓒ ꓡꓳ ꓶ_ ꓡꓳ= ꓟꓳ ꓓꓳ ꓗꓪ ꓐꓰ ꓮ ꓡ 9 ꓙꓵ, ꓛꓲ ꓙꓰ ꓠ ꓗ_ ꓡꓳ= ꓑꓴ-ꓔ-ꓮꓳ ꓟꓵ: ꓗꓪ ꓒꓵ: ꓟ ꓢꓯ. ꓫꓵ: ꓢꓯ. ꓙꓰ ꓐꓰ ꓢꓲ, ꓜꓲ ꓡꓳ ꓜꓲ ꓙꓳ ꓟ ꓑꓶ ꓓꓴ ꓚꓳ ꓠꓬꓲ ꓡ ꓢꓴ ꓮ ꓘꓶ. ꓟꓬꓽ ꓡꓳ= ꓟꓬꓱ.. ꓓꓳꓽ ꓙꓳ_ ꓟ Black Orchid ꓐꓯ ꓟ ꓟꓲ ꓙꓳ ꓡꓳ= ꓑꓴ-ꓔ-ꓮꓳ ꓗꓪ ꓠꓬ ꓪ ꓚꓲ ꓗꓪ ꓪꓽ(ꓢꓠꓳꓪ) ꓔꓯ ꓟꓳ ꓪ ꓓ ꓡꓳ= ꓮꓢꓲꓮꓠ (10) ꓗꓴꓷꓼ ꓗꓪ ꓪꓽ ꓔꓯ ꓟꓳ ꓪ ꓓꓹ ꓟ ꓠꓬ ꓑꓴ-ꓔ-ꓮꓳ ꓗꓪ ꓥꓳ=
