ꓲ‐Dꓲ‐ꓬ ꓡꓲ‐ꓢꓴ ꓔꓬ, ꓟꓵꓽ ꓐꓰ‐. ꓞꓳ ꓘ, ꓟꓬꓱꓺ=

ꓘꓶꓽ ꓒꓴ ꓘꓶꓽ꓾

ꓣꓳ ꓲ‐Dꓲ‐ꓬ (India) ꓗꓪ ꓔꓬ,_ꓟ ꓡꓲ‐ꓢꓴ ꓫꓵꓽ ꓠꓬ꓾ ꓖꓼ ꓡꓯꓼ ꓖꓼ ꓙꓵ 3,800 ꓐꓰ 4,000 ꓣꓳ ꓛꓲ ꓔꓬ,_ꓡꓳ= ꓲ‐Dꓲ‐ꓬ ꓮ‐ꓜꓴ‐ꓬꓼ (Govt. of India) ꓟꓯꓼ ꓗꓪ ꓐꓰ ꓧꓪ., ꓟꓶ ꓡꓰ_ꓟ ꓠꓬ꓾ ꓫꓲ‐Dꓲ‐ꓘ, ꓗꓪ ꓧꓪ., ꓟꓶ ꓡꓰ_ꓟ ꓥ ꓡꓳ= ꓬꓲ ꓠꓬꓲ꓾ꓬꓲ ꓘꓳꓼ ꓠꓬ꓾ 07.05.1961 ꓘꓳꓼ ꓔꓯ ꓥ ꓡꓳ=

ꓐꓬꓱꓽ ꓔꓯ ꓡꓳ. ꓠꓬꓲ꓾

ꓫꓲ‐Dꓲ‐ꓘ,

 ꓫꓲ‐Dꓲ‐ꓘ, ꓐꓯ_ꓟ ꓠꓬ꓾ ꓞꓳ ꓘ, Dꓽ ꓟ ꓥ ꓡꓳ= ꓙꓵ, ꓦꓬꓼ ꓠꓬꓲ ꓕꓲ ꓠꓬꓲ ꓗ. ꓠꓯ. ꓕꓲ ꓠꓬꓲ ꓗꓳ. ꓙꓰ_ ꓕꓯ꓾ꓞꓳ ꓟꓬꓽ ꓪ ꓟꓬꓽ ꓡ ꓠꓬꓲ꓾ ꓫꓲ‐Dꓲ‐ꓘ, ꓗꓪ ꓐꓰ ꓖꓳ ꓑꓳ. ꓞꓳ ꓘ, ꓫꓵꓼ ꓮ ꓟꓬ ꓙꓳ ꓡꓰꓳ= ꓮ ꓟꓶ ꓠꓬ ꓞꓳ ꓘ, ꓫꓵꓼ ꓐꓰ ꓞꓳ ꓘ, ꓡꓵ., ꓮ ꓙꓵꓽ ꓠꓬ꓾ 19 ꓘ, ꓙꓳ_ꓡꓳ=

ꓞꓳ ꓘ, ꓟꓬꓱ.. ꓠꓬ

1. D‐ꓪꓳ‐Dꓲ (Vijoynagar)꓾ 2. ꓦ‐ꓜꓳ‐ꓡꓳ꓾ 3. ꓟꓯꓽ‐ꓡꓴꓽ‐Dꓲ꓾ 4. ꓫꓲ‐Dꓲ‐ꓘ,(Gandhigram)꓾ 5. ꓫꓲ‐Dꓲ‐ꓗꓴ꓾ 6. ꓟꓲ‐ꓒꓳ‐ꓔꓳ꓾ 7. ꓢꓲ‐ꓛꓳ‐ꓔꓳ꓾ 8. ꓭ‐ꓛꓬ‐ꓡꓬꓼ꓾ 9. ꓟꓵ‐ꓢ‐ꓡ꓾ 10. ꓭ‐Cꓬ,‐ꓙꓱ‐ꓡꓱꓼ꓾ 11. ꓙꓳ‐ꓢ‐Dꓲ꓾ 12. ꓮ‐ꓖꓴ‐ꓧꓳ‐ꓟꓵ(ꓠꓲ‐ꓐꓳ‐Dꓲ)꓾ 13. ꓮ‐Dꓯ‐Dꓲ꓾ 14. ꓥꓪ‐ꓤ‐ꓘ,꓾15. ꓮ‐ꓖꓴꓽ‐Cꓵ꓾ 16. ꓠ‐ꓖꓳ‐Dꓲ꓾ 17. ꓥꓪ.ꓼ‐ꓙ.꓾ 18. ꓟꓲ‐ꓒꓶ‐Dꓲ꓾ ꓐꓰ 19. ꓙꓳ‐ꓢ‐ꓘ,= ꓕꓱ ꓟꓬ ꓘ, ꓙꓳ_ꓡꓳ=

ꓞꓳ ꓘ, ꓟꓬꓱꓺ ꓡꓶ. ꓔ_ꓟ꓾

D‐ꓪꓳ‐Dꓲ ꓔꓯ ꓠꓬ ꓙꓱ‐ꓦꓲ‐ꓠꓽ‐ꓔꓶ. ꓝꓮꓲ “Vijoynagar”  ꓐꓰ ꓘꓴ_ꓡꓳ= Vijoynagar ꓐꓯ_ꓟ ꓠꓬ ꓮ‐ꓜꓴ‐ꓬꓼ ꓟꓯꓼ ꓢꓲꓽ ꓒꓽ ꓬꓲ ꓤ ꓟꓬꓱꓺ ꓔꓯ ꓟꓬꓱꓺ ꓝꓱ ꓔ_ꓟ ꓥ ꓡꓳ= ꓖꓳ ꓡꓱ ꓠꓬꓲ ꓮ ꓟꓶ ꓠꓬ꓾  ꓮ‐ꓜꓴ‐ꓬꓼ ꓕꓳ ꓶ ꓮ ꓙꓵꓽ ꓗꓪ Vijoynagar ꓐꓰ ꓐꓳ ꓔ_ꓡꓳ=

ꓝꓮꓲ ꓫꓲ‐Dꓲ‐ꓘ, ꓔꓯ ꓠꓬ꓾ “Gandhigram” ꓐꓰ꓾ ꓮ‐ꓜꓴ‐ꓬꓼ(Govt.) ꓕꓳ ꓶ ꓮ ꓙꓵꓽ ꓗꓪ ꓙꓳ_ꓡꓳ= ꓖꓳ ꓡꓱ ꓠꓬꓲ ꓫꓲ‐Dꓲ‐ꓘ, ꓔꓯ ꓠꓬ ꓮ  ꓟꓶ “Gadhigram” ꓐꓰ ꓘꓴ_ꓡꓳ= Gandhigram ꓐꓰ ꓘꓴ_ꓟ ꓬꓲ ꓟ. ꓟꓲꓽ ꓠꓬ꓾ ꓲ‐Dꓲ‐ꓬꓼ ꓗꓴꓷ ꓔꓯ ꓧꓪ‐ꓒꓴ ꓗꓴꓷ ꓗꓪ ꓐꓰ ꓣꓴ ꓡꓲ. ꓢꓴ “Mahatma Gandhi” ꓐꓬꓱꓽ(Statue) ꓔꓶ ꓔ_ꓠꓬꓲ “ꓫꓲ‐Dꓲ‐ꓘ,” ꓔꓯ “Gandhigram” ꓐꓰ꓾ ꓡꓶ. ꓗꓷꓳ=

    ꓐꓬꓱꓽ ꓔꓯ ꓡꓳ. ꓠꓬꓲ꓾

ꓞꓳ ꓘ, ꓟꓬꓱꓺ ꓕꓱ ꓟꓬ ꓟ ꓮ ꓙꓵꓽ ꓠꓬ꓾ ꓮ‐ꓜꓴ‐ꓬꓼ(Govt.) ꓟꓬꓱꓺ ꓡꓴ., ꓕꓳ ꓶ ꓗꓪ (Recognized) ꓞꓳ ꓘ, ꓟꓬꓱꓺ ꓙꓳ_ꓟ ꓠꓬ꓾ 1. D‐ꓪꓳ‐Dꓲ (Vijoynagar)꓾ 2. ꓦ‐ꓜꓳ‐ꓡꓳ꓾ 3. ꓫꓲ‐Dꓲ‐ꓘ,꓾ 4. ꓫꓲ‐Dꓲ‐ꓗꓴ꓾ ꓐꓰ 5. ꓟꓲ‐ꓒꓳ‐ꓔꓳ ꓥ ꓡꓳ=

ꓠꓱ ꓐꓯꓼ 14 ꓘ, ꓠꓬ ꓮ‐ꓜꓴ‐ꓬꓼ ꓟꓬꓱꓺ ꓡꓴ., ꓕꓳ ꓶ ꓗꓪ (Recognized) ꓟꓽ ꓙꓳ ꓢꓰꓽ= 14 ꓘ, ꓗꓪ ꓠꓬ꓾ ꓘ, ꓫꓵꓼ ꓐꓰ ꓘ, ꓡꓵ., ꓙꓳ_ꓡꓳ= ꓮ ꓡꓲ ꓗ. ꓢꓲ ꓮ‐ꓜꓴ‐ꓬꓼ ꓟꓬꓱꓺ ꓡꓴ., ꓕꓳ ꓶ ꓗꓪ (Recognized) ꓟꓽ ꓙꓳ ꓢꓰꓽ ꓡ? ꓐꓯ_ꓠꓬ꓾ ꓮ‐ꓜꓴ‐ꓬꓼ ꓧꓪꓽ ꓫꓳ ꓔꓶ (Namdapha National Park) ꓘꓴꓽ ꓗꓪ ꓔꓬ,_ꓠꓬꓲ꓾ ꓮ ꓟꓶ ꓗꓪ ꓛꓲ ꓮ‐ꓜꓴ‐ꓬꓼ ꓟꓬꓱꓺ ꓡꓴ., ꓕꓳ ꓶ ꓗꓪ (Recognized) ꓟꓽ ꓙꓳ ꓢꓰꓽ=  

      ꓠꓴ ꓪ ꓟꓬ ꓠꓬꓲ ꓢꓷ. ꓠꓲ, ꓫꓵ꓾ ꓠ, ꓠꓬꓲ ꓠꓲ, ꓫꓵ ꓢꓴ ꓠꓬ꓾

Gamil: [email protected] (Mob: +918414895853) ꓗꓪ ꓐꓳ ꓩꓴ ꓡ ꓛꓲ_ꓡꓳ=

3 thoughts on “ꓲ‐Dꓲ‐ꓬ ꓡꓲ‐ꓢꓴ ꓔꓬ, ꓟꓵꓽ ꓐꓰ‐. ꓞꓳ ꓘ, ꓟꓬꓱꓺ=

  1. ꓣꓳ ꓟꓵꓽ ꓣꓳ ꓡꓳ ꓔꓯ ꓣꓳ ꓟꓬꓱꓺ ꓟꓬꓱꓺ ꓖꓶ ꓟ ꓠꓬ ꓮ ꓘꓶꓸ ꓙꓲ ꓡꓳ= ꓠꓴ ꓪ ꓲ-ꓓꓲ-ꓬ ꓡꓲ-ꓢꓴ ꓐꓴ ꓬꓰ ꓜꓳꓽ ꓡꓳ ꓐꓰ ꓫꓱꓸ ꓖꓶ ꓠꓲꓹ ꓫꓵ ꓥꓳ=

    ꓠꓲꓹ ꓫꓸ ꓓꓴ ꓕꓲ ꓟ ꓠꓬ꓾ ꓗꓴꓷꓼ ꓙꓵꓽ ꓢꓲꓽ ꓒꓽ ꓐꓴ ꓠꓽ ꓬꓲ ꓪ ꓠꓲꓹ ꓡꓶꓽ ꓗꓪ ꓐꓰ ꓟꓵꓽ ꓟꓬꓱꓺ ꓡꓶꓸ ꓗꓷ ꓚꓰꓼ ꓟ ꓥ ꓡꓳ= ꓕꓱ ꓟ ꓠꓬ ꓣꓳ ꓙꓵꓽ ꓪ ꓦꓴ ꓔꓯꓹ ꓙꓰ ꓟ ꓢꓷꓸ ꓡꓰ ꓓꓴ ꓥ ꓡꓳ= ꓦ ꓡꓱ ꓚꓱꓹ ꓗꓪ ꓐꓰ ꓐꓯ ꓠꓬ ꓪꓴ-ꓢ ꓡꓰ ꓮ-ꓓꓯ ꓔꓯ ꓙꓵꓽ ꓪ ꓖꓶ ꓕꓯ꓾ ꓚꓰꓼ ꓫꓵ ꓢꓯꓸ ꓫꓵꓽ ꓮ ꓙꓵꓽ ꓔꓯ ꓬꓲꓸ ꓟꓬꓱꓺ ꓖꓶꓽ ꓝꓲ ꓡꓳ= ꓕꓱ ꓟ ꓠꓬ ꓙꓵꓽ ꓪ ꓙꓳ ꓟ ꓢꓷꓸ ꓡꓰ ꓓꓴ ꓥ ꓡꓳ= ꓧꓶꓽ ꓗꓴꓷꓼ꓾ ꓡꓳ-ꓟꓲ ꓗꓴꓷꓼ꓾ ꓮ ꓟꓶ ꓲ-ꓓꓲ-ꓬ ꓗꓪ ꓥ ꓟꓲ ꓗꓴꓷꓼ ꓙꓵꓽ ꓢꓲꓽ ꓒ ꓐꓴ ꓠꓬ ꓬꓲꓸ ꓪ ꓙꓵꓽ ꓪ ꓙꓳ ꓟ ꓟꓳꓸ ꓖꓶ ꓠꓹ ꓟ ꓳꓸ ꓛꓲꓽ ꓳꓸ ꓠꓬꓲ ꓬꓰ ꓖꓶ ꓔꓬ ꓡꓳ= ꓪꓰ ꓧꓮꓦꓰ ꓔꓧꓰ ꓣꓲꓖꓧꓔ ꓔꓳ ꓠꓮꓟꓰ ꓳꓴꓣ ꓦꓲꓡꓡꓮꓖꓰꓹ ꓳꓴꓣ ꓡꓮꓠꓓꓸ ꓕꓱ ꓡꓱ ꓒꓬꓱꓼ ꓡ ꓠꓹ ꓟ ꓠꓬ꓾ ꓣꓳ ꓚꓲ ꓛꓬ ꓙꓵꓽ ꓢꓴ ꓢꓲꓽ ꓒ ꓒꓬꓱꓼ ꓡ ꓕꓯ ꓢꓲ ꓬꓰ ꓐ ꓡ ꓟ ꓦꓬꓼ ꓠꓬꓲ ꓛꓲ ꓡ ꓡꓳ=

    ꓮ ꓡꓲ ꓗꓪ ꓔꓬ ꓢꓴ ꓡꓲ-ꓢꓴ ꓐꓴ ꓥ ꓟꓲ ꓙꓵꓽ ꓢꓴ ꓢꓲꓽ ꓒ ꓙꓵꓽ ꓪ ꓣꓴ ꓟꓶ ꓗꓪ ꓛꓲ ꓢꓯꓼ ꓕꓵꓼ ꓙꓰ ꓡꓯ= ꓟꓽ ꓥ ꓠꓬ ꓣꓳ ꓦꓲ꓾ ꓔꓬ ꓖꓴ꓾ ꓣꓳ ꓚꓲ ꓛꓬ ꓔꓯ ꓥ ꓟꓲ ꓢꓴ ꓡꓰ ꓟꓬꓱꓺ ꓡꓶꓸ ꓑ ꓗꓷ ꓡ ꓔꓳꓼ ꓬꓰ ꓪ= ꓕꓱ ꓟ ꓠꓬ ꓢꓯꓼ ꓖꓶ ꓘꓶꓽ ꓥ ꓪ= ꓫꓸ ꓟꓳ ꓪ= ꓪꓰ ꓠꓰꓰꓓ ꓔꓳ ꓖꓰꓔ ꓐꓮꓚꓗ ꓔꓧꓰ ꓑꓳꓪꓰꓣ ꓔꓳ ꓠꓮꓟꓰ ꓳꓴꓣ ꓦꓲꓡꓡꓮꓖꓰꓹ ꓔꓳ ꓑꓣꓳꓔꓰꓚꓔ ꓳꓴꓣ ꓡꓮꓠꓓꓸ

Leave a Reply

Your email address will not be published. Required fields are marked *

%d