ꓠꓡꓓ ꓗꓴꓷꓼ ꓙꓵꓽ ꓜꓴ ꓠꓰ ꓬꓰ ꓥꓳꓽ ꓬꓰ ꓛꓬ ꓔꓸ ꓟ ꓟꓬ-ꓟ ꓶ ꓡꓯꓼ ꓚꓱꓹ ꓔꓯ ꓫꓬꓹ ꓑꓱ ꓪ ꓡꓰ ꓢꓲ꓾ ꓮ ꓟꓶ ꓠꓬ ꓶ ꓡꓯꓼ ꓚꓱꓹ ꓪꓴꓽ ꓟꓴ ꓡ ꓔꓬꓳ꓾ ꓝꓸ ꓢꓲꓸ ꓗꓴꓷꓼ ꓙꓵꓽ ꓢꓴ ꓢꓲꓻ ꓣꓴ ꓑꓮꓲꓽ ꓬꓰ ꓓꓴ ꓥꓳ꓾ ꓟꓬ-ꓟ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲ ꓡꓰ ITAR-TASS Media ꓗꓪ ꓫꓸ ꓕꓱ ꓔꓸ ꓡꓳ꓿
“ꓶ ꓡꓯꓼ ꓚꓱꓹ ꓐꓬ ꓡꓰ ꓟ ꓠꓬ ꓗꓳ-ꓪꓰꓼ ꓑꓶꓸ ꓓꓴ ꓟꓽ ꓥ꓿ 2018 ꓘꓳꓼ ꓕ ꓑꓳꓸ ꓬꓰ ꓥꓳꓽ ꓔꓸ ꓟ ꓥ ꓡꓳ꓿ ꓕꓱ ꓟ ꓔꓯ ꓫꓬꓹ ꓔꓱꓹ ꓟ ꓗꓪ ꓥꓪ ꓠꓴ ꓮ ꓘꓶꓸ ꓢꓯꓼ ꓕꓵꓼ ꓗꓷꓳ꓿ ꓖꓳ ꓟ ꓑꓶꓸ ꓓꓴ 2021-2022-2023 ꓗꓪ ꓕꓲ ꓝꓸ ꓕꓲ ꓝꓸ ꓶ ꓡꓯꓼ ꓚꓱꓹ ꓪꓴꓽ ꓟꓴ ꓡ ꓔꓬ ꓡꓳ” ꓐꓰ ꓟꓬ-ꓟ ꓟꓯꓼ ꓜꓲ ꓟꓰꓹ-ꓮꓳ-ꓡꓮꓲ ꓡꓰ ꓐꓯ ꓡꓳ꓿
ꓝꓮꓲ “ꓟꓯꓹ ꓵꓺ ꓟꓬꓱ ꓔꓱꓹ ꓜꓳꓽ ꓜꓳꓽ ꓬꓰ ꓢꓲ꓾ ꓐꓲ ꓜꓲꓼ ꓡꓰ ꓠꓬ ꓗꓴꓷꓼ ꓙꓵꓽ ꓢꓴ ꓢꓲꓻ ꓣꓴ ꓑꓮꓲ ꓬꓰ ꓓꓴ ꓥꓳ” ꓐꓯˍ ꓢꓰꓽ ꓡꓳ꓿
ꓬꓲꓸ ꓮ ꓡꓲ ꓐꓯ ꓡꓰꓸ ꓐꓯ꓾ ꓗꓴꓷꓼ ꓗꓪ ꓠꓬ ꓜꓽ ꓒꓵꓽ ꓓꓳ ꓒꓵꓽ ꓠꓯꓸ ꓡ ꓔꓬ꓾ ꓟꓯꓼ ꓘꓶꓽ ꓡꓲꓽ ꓡ ꓔꓬ ꓟ ꓮ ꓙꓵꓽ ꓢꓴ ꓢꓷ ꓡꓳ꓿
