ꓖ-ꓟꓶ-ꓓꓰ ꓟꓵ꓾ ꓟꓶ-ꓡ-ꓫꓵ-ꓓꓰ ꓘꓹ ꓟꓵꓽ ꓫꓸ ꓗ ꓢꓷꓸ ꓡꓰ ꓓꓴ ꓫꓬꓹ ꓔꓸ ꓟ ꓔꓯ ꓡꓯꓼ ꓝꓯꓼ ꓢꓴ ꓐꓴ ꓡꓰ ꓔꓲꓸ ꓛꓬꓹ ꓩꓴ ꓡ ꓟ ꓡꓳꓸ ꓟꓳ ꓡꓳ꓿
ꓓꓴ-ꓓ ꓘꓹ ꓐꓰ ꓟꓶ-ꓡ-ꓫꓵ-ꓓꓰ ꓘꓹ ꓠꓬꓲꓽ ꓗꓳꓸ ꓚꓸ ꓟꓵꓽ ꓫꓸ ꓗ ꓠꓬ ꓧꓶꓸ ꓕꓯꓽ ꓟ ꓕꓯꓽ ꓢꓲ ꓓꓴ-ꓓ ꓢꓴ ꓡꓰ ꓟꓬ ꓒꓴ ꓒꓴ ꓦꓴ ꓔꓸ ꓟ ꓡꓳꓸ ꓟꓳˍ ꓡꓳ꓿
ꓡꓯꓼ ꓝꓯꓼ ꓢꓴ ꓡꓰ ꓛꓬꓹ ꓩꓴ ꓔꓸ ꓟ
“ꓚꓲꓸ ꓛꓬ ꓦꓲ ꓦ ꓖꓴ ꓓꓴꓽ ꓔꓯ ꓟꓽ ꓦꓴ ꓡ ꓕ ꓑꓳꓸ ꓞꓳ ꓘꓹ ꓟꓵꓽ ꓫꓸ ꓗ ꓦꓴ ꓡ ꓗꓪ ꓛꓲ ꓟꓬꓱꓽ ꓟꓽ ꓬꓰ ꓬꓰ ꓔꓬ ꓗꓳꓸ ꓡ ꓟ ꓟꓶ ꓤ ꓗ ꓬꓰꓳ꓿ ꓮ ꓟꓶ ꓫꓬꓹ ꓔꓱꓹ ꓫꓬꓹ ꓡꓲꓸ ꓔꓬ ꓟ ꓗꓪ ꓘꓶ ꓡꓶꓽ ꓢꓴ ꓙꓳ ꓥ” ꓐꓰ ꓟꓵꓽ ꓫꓸ ꓗ ꓢꓷꓸ ꓡꓰ ꓓꓴ ꓫꓬꓹ ꓟ ꓗꓪ ꓔꓺ ꓢꓴ ꓕꓲꓽ ꓣꓳ ꓡꓰ ꓐꓯ ꓡꓳ꓿
ꓓꓴ-ꓓ ꓘꓹ ꓠꓬ ꓬꓲꓸ ꓪꓴꓸ ꓕꓯꓽ ꓗ-ꓡꓸ ꓮ ꓠꓬꓲꓽ ꓫꓳ ꓖꓴ ꓥ ꓢꓲ꓾ ꓐ-ꓙꓬꓸ ꓘꓹ ꓟꓬꓱꓺ ꓔꓸ ꓡꓳ꓿ ꓟꓶ-ꓡ-ꓫꓵ-ꓓꓰ ꓘꓹ ꓔꓯ 1950 ꓘꓳꓼ ꓕꓯꓽ ꓞꓳ ꓪꓴꓽ ꓦꓯꓹ-ꓮ-ꓓꓶꓸ ꓐꓰ ꓟꓳꓽ ꓟꓸ ꓒ ꓐꓴ ꓡꓰ ꓔꓶꓺ ꓪꓴꓸ ꓔꓴ ꓔꓸ ꓟ ꓥ ꓡꓳ꓿
ꓮ ꓟꓶ ꓞꓳ ꓘꓹ ꓓꓽ ꓟ ꓕꓱ ꓠꓬꓲꓽ ꓟ ꓗꓴꓸ ꓚꓸ ꓗꓪ ꓟꓵꓽ ꓫꓸ ꓗ ꓠꓬ ꓧꓶꓸ ꓕꓯ ꓟ ꓡꓰ ꓐꓰ ꓟꓽ ꓥ ꓬꓰ ꓟ ꓮ ꓙꓵꓽ ꓢꓴ ꓒꓴ ꓒꓴ ꓡꓯꓽ ꓡꓯꓽ ꓟꓳˍ ꓡꓳ꓿
“ꓓꓴ-ꓓ ꓢꓴ ꓠꓰ ꓦꓴ ꓡ ꓟ ꓠꓬ ꓢꓶ ꓠꓬ ꓟꓳ ꓥꓳ꓿ ꓧꓶꓸ ꓕꓯ ꓭꓸ ꓢꓷꓸ ꓡꓰ ꓓꓴ ꓙꓳˍ ꓟ ꓖꓶ ꓠꓰ ꓔꓲꓸ ꓛꓬꓹ ꓦꓹ ꓥ꓿ ꓙꓱ ꓘꓪ ꓗꓪ Vinyl ꓕꓲꓽ ꓟ ꓢꓲꓸ ꓬꓰ ꓔꓸ ꓥ꓿ ꓟꓯꓼ ꓓꓼ ꓟ ꓠꓰ ꓗꓽ ꓩꓴ ꓡ ꓧꓪꓽ ꓠꓰ ꓟꓶ-ꓡ-ꓫꓵ-ꓓꓰ ꓞꓳ ꓘꓹ ꓙꓳ ꓠꓬꓹ ꓥ ꓐꓯ ꓓˍ ꓡꓳ꓿ ꓟꓽ ꓥ ꓐꓯ ꓠꓽ ꓞꓳ ꓘꓹ ꓪꓴꓸ ꓓꓵ ꓗꓪ ꓛꓲ ꓓꓴ-ꓓ ꓢꓴ ꓠꓰ ꓦꓴ ꓙꓰ ꓓꓴ ꓥꓳ=” ꓐꓰ ꓢꓷꓸ ꓢꓴ ꓠꓬꓹ ꓡꓵꓺ ꓠꓬꓹ ꓔꓲꓺ ꓕꓲ ꓣꓳ ꓡꓰ ꓐꓯ ꓡꓳ꓿
