2021 ꓘꓳꓼ 12 ꓦ 26 ꓠꓬꓲ ꓕꓯꓽ ꓬꓲꓸ ꓪꓴꓸ ꓕꓲ ꓧꓪꓹ ꓫꓬꓹ ꓓꓳ ꓡ ꓟ ꓡꓲ-ꓢꓴ — ꓰ-ꓖꓲ-ꓡꓲꓼ ꓘꓶꓽ ꓒꓶꓻ ꓕꓳ ꓶ ꓮꓑꓑ (Android) ꓩꓴꓺ ꓗꓷ ꓪ ꓘꓴ ꓜꓲꓼ ꓓꓴ ꓕꓲ ꓟ ꓔꓯ USA꓾ ꓔꓮꓫꓮꓢ ꓗꓪ ꓣꓱꓽ ꓬꓰ ꓗꓷꓳ꓿
Dictionary ꓕꓱ ꓟ ꓠꓬ ꓲ-ꓓꓲ-ꓬ ꓗꓪ ꓔꓬ ꓟ ꓮ-ꓐꓲ-ꓬ ꓥꓪꓸ ꓤꓽ ꓡꓰ ꓐꓳ ꓔꓸ ꓟ ꓥ ꓢꓲ꓾ ꓡꓲ-ꓢꓴ ꓤꓶ ꓡꓰ ꓧꓳꓽ ꓪꓴꓸ ꓟꓴ ꓢꓲꓸ Application for Android Devices ꓬꓲꓸ ꓪꓴꓸ ꓕꓲ ꓧꓪꓹ ꓫꓬꓹ ꓓꓳ ꓩꓴ ꓡ ꓟ ꓥ ꓡꓳ꓿
ꓪ ꓘꓴ ꓜꓲꓼ ꓓꓴ ꓗꓪ ꓡꓲ-ꓢꓴ ꓤꓶ ꓧꓳꓽ ꓢꓴ ꓮ-ꓓꓶꓸ-ꓙꓬ ꓡꓰ ꓮꓑꓑ ꓕꓱ ꓟ ꓫꓬꓹ ꓒꓬꓱꓼ ꓡ ꓟ ꓙ ꓖꓴ ꓚꓺ ꓟꓸ ꓖꓶ ꓢꓲ꓾ ꓪ ꓘꓴ ꓡꓯꓼ ꓙꓱ ꓢꓴ ꓠꓬ ꓟꓸ ꓒ ꓬꓲ-ꓓꓰ-ꓛ (Eden Char) ꓣꓱꓽ ꓬꓰˍ ꓡꓳ꓿
Google Play Store ꓗꓪ ꓙꓰ ꓢꓲ꓾ Lisu English Dictionary ꓐꓳ ꓢꓲꓸ ꓧꓪ꓾ ꓟꓳ ꓡꓰ ꓠꓬ Install ꓬꓰ ꓪ ꓓ ꓡꓳ꓿ ꓕꓱ ꓟ ꓠꓬ ꓬꓲꓸ ꓪꓴꓸ ꓫꓬꓹ ꓔꓸ ꓟ ꓥ ꓢꓲꓸ ꓟꓬ ꓠꓬꓲ ꓐꓲ ꓜꓲꓼ ꓡꓰ ꓠꓹ ꓟ ꓡꓯ ꓫꓵ ꓫꓬꓹ ꓜꓯ ꓔꓺ ꓓꓴ ꓥ ꓡꓳ꓿
ꓟꓬ-ꓟ꓾ ꓲ-ꓓꓲ-ꓬ ꓐꓰ꓾ ꓴꓢꓮ ꓗꓪ ꓔꓬ ꓟ ꓡꓲ-ꓢꓴ ꓐꓴ ꓡꓯ ꓒꓯꓹ ꓖꓳꓻ ꓡꓯ ꓘꓳ ꓢꓲꓸ ꓡꓲ-ꓢꓴ ꓐꓴ ꓐꓱ ꓶ ꓬꓰ ꓓꓳ ꓩꓴ ꓡ ꓟ ꓙꓲˍ ꓟ ꓟꓬꓱꓽ ꓕꓲ ꓟ ꓥ ꓡꓳ꓿
