2024 ꓘꓳꓼ 6 ꓦ 22 ꓠꓬꓲ ꓕꓯꓽ ꓟꓶ-ꓡꓯ-ꓫ ꓗꓪ ꓔꓬ ꓟ ꓡꓲ-ꓢꓴ ꓐꓴ ꓠꓬ ꓟꓶ-ꓡꓯ-ꓫ ꓬꓯꓽ ꓐꓯꓽ ꓑꓮꓲ (Refugee Fest 2024) ꓗꓪ ꓔꓺ ꓪ ꓡꓰꓳ꓿
“ꓑꓮꓲ ꓗꓪ ꓔꓺ ꓡ ꓠꓹ ꓟ ꓬꓲꓸ ꓪ ꓡꓰ ꓘꓴ ꓡ ꓟ ꓡꓰ ꓐꓰ ꓥꓪ ꓠꓴ ꓔꓺ ꓙꓰ ꓪ ꓡꓰꓳ꓿ ꓣꓳ ꓡꓣꓚ (Lisu Refugee Community) ꓗꓪ ꓟ ꓤ ꓖꓴ ꓤ ꓡꓯꓸ ꓐꓴ ꓗꓪ ꓐꓰ ꓡꓲ-ꓢꓴ ꓟꓴ ꓖꓪ꓾ ꓡꓲ-ꓢꓴ ꓛꓬꓸ ꓥꓳꓽ ꓕꓲꓽ ꓚꓱꓹ ꓟꓸ ꓖꓶ ꓗꓷꓳ꓿ ꓕꓲ ꓗꓴꓷꓼ ꓡꓰ ꓕꓲ ꓗꓴꓷꓼ ꓗꓪ ꓐꓰ ꓔꓺ ꓡ ꓟ ꓬꓯꓽ ꓐꓯ ꓔꓯꓸ ꓟꓳꓸ ꓗꓪ ꓫꓵꓽ ꓢꓴ ꓞꓳ ꓪꓴꓽ ꓐꓴ ꓥ ꓟꓲ ꓗꓹ ꓛꓲ ꓛꓲ ꓢꓯꓼ ꓖꓶ ꓡ ꓡꓳ꓿” ꓐꓰ ꓡꓣꓚ ꓧꓳꓽ ꓪꓴꓸ ꓟꓴ ꓢꓴ ꓡꓰ ꓐꓯ ꓡꓳ꓿
ꓟꓲ ꓠꓯ ꓕꓱ ꓟ ꓗꓪ ꓬꓰ ꓜꓽ ꓬꓰ ꓓꓳ ꓟꓵꓽ ꓟꓽ ꓙꓲ ꓑꓶꓸ ꓓꓴ꓾ ꓙꓵꓽ ꓢꓴ ꓟꓽ ꓙꓲ ꓟ ꓑꓶꓸ ꓓꓴ ꓚꓲꓸ ꓛꓬ ꓦꓲ ꓐꓰ ꓔꓬ ꓟꓵꓽ ꓔꓯ ꓡꓳꓺ ꓩꓴ ꓢꓲꓸ ꓬꓯꓽ ꓐꓯ ꓒꓬꓱꓼ ꓡ ꓢꓴ ꓠꓬ 2024 ꓘꓳꓼ ꓟ ꓘꓴꓽ ꓗꓪ꓾ ꓕꓲꓽ ꓟꓲ ꓠꓯ ꓡꓴꓸ ꓗꓪ 434 ꓢꓯꓹ ꓛꓲ ꓙꓳ ꓡꓳ ꓐꓰ ꓴꓠꓧꓚꓣ ꓡꓰ ꓢꓪꓼ ꓔꓸ ꓡꓳ꓿
ꓐꓬꓱꓽ꓾ꓡꓣꓚ
