ꓠꓬꓲꓸ ꓠꓬꓲ 2021 ꓘꓳꓼ 11 ꓦ 26 ꓠꓬꓲ ꓗꓪ꓾ ꓟ-ꓓꓲ-ꓡꓲ ꓟꓵꓽ ꓗꓪ ꓔꓬ ꓟ ꓗ-ꓔꓳ-ꓡꓲꓼ ꓘꓴ ꓜꓲꓼ ꓞꓳ ꓐꓴ ꓬꓰ-ꓢꓴ ꓦꓵ ꓑꓮꓲ ꓦꓬꓼ ꓠꓬꓲ ꓗꓪ ꓮ ꓡꓲ ꓣꓱꓽ ꓬꓰ ꓙꓰ ꓠꓹ ꓟ ꓙ ꓖꓴ ꓔꓯ ꓟ-ꓓꓲ-ꓡꓲ ꓟꓵꓽ ꓗ-ꓔꓳ-ꓡꓲꓼ ꓙꓵꓽ ꓗꓪꓼ ꓢꓴ ꓔꓲꓺ ꓒꓽ ꓟ-ꓘꓳ ꓔꓲ-ꓪꓰꓸ ꓡꓰ ꓟꓸ ꓘꓶꓽ ꓕꓳ ꓶ ꓓꓳ ꓩꓴ ꓡ ꓡꓳ꓿
ꓟꓸ ꓘꓶꓽ ꓕꓳ ꓶ ꓗꓪ꓾ ꓬꓲꓸ ꓝꓲꓸ ꓓꓽ ꓟ 4 ꓘꓶꓽ ꓐꓳ ꓔ ꓡꓳ꓿ ꓖꓳ 4 ꓘꓶꓽ ꓬꓲꓸ ꓟꓳ ꓡꓱꓽ ꓠꓬ꓾ ꓘꓹ ꓖꓴ ꓡꓳ ꓛꓳꓽ ꓑ ꓙ ꓗꓪ ꓛꓲ ꓟꓴ ꓖꓪ ꓒꓴˍ ꓟ꓾ ꓞꓳ ꓜꓲꓼ ꓪ ꓜꓲꓼ ꓜꓽ ꓑꓮꓲ ꓓꓳ ꓑꓮꓲ ꓬꓰˍ ꓟ꓾ ꓔꓬ ꓦꓲ ꓐꓰ ꓪ ꓘꓴ ꓦꓲ ꓗꓪ ꓐꓲ ꓫꓴꓽˍ ꓟ꓾ ꓬꓰ-ꓢꓴ ꓦꓵ ꓦꓬꓼ ꓠꓬꓲ ꓗꓪ ꓣꓳ ꓕꓲ ꓦꓲ ꓢꓴ ꓮ ꓡꓲ ꓬꓰ ꓔꓬ ꓟ ꓬꓲꓸ ꓐꓬꓱꓽ ꓕꓲ ꓫꓵꓽ ꓫꓵꓽ ꓢꓳꓚꓲꓮꓡ ꓟꓰꓓꓲꓮ ꓗꓪ ꓟꓳꓸ ꓖꓶˍ ꓟ ꓕꓽ ꓬꓰ ꓐꓰ ꓟ ꓐꓯ ꓔꓸ ꓡꓳ꓿
ꓟꓵ ꓗꓳ ꓓꓵ ꓓꓵ ꓖꓳ ꓓꓱꓽ ꓔꓲꓹ ꓘꓴ ꓜꓲꓼ ꓞꓳ ꓜꓴ ꓗꓪ ꓐꓰ ꓥ ꓟꓲ ꓕꓲ ꓟꓲ ꓠꓯ ꓔꓬ ꓫꓸ ꓙꓳ ꓫꓸ ꓟ ꓦꓬꓼ ꓠꓬꓲ ꓕꓱ ꓟ ꓗꓪ ꓬꓰ-ꓢꓴ ꓦꓵ ꓦꓬꓼ ꓠꓬꓲ ꓕꓯꓽ ꓜꓽ ꓑꓮꓲ ꓓꓳ ꓑꓮꓲ ꓬꓰˍ ꓟ ꓬꓲꓸ ꓛꓲ ꓣꓱꓽ ꓬꓯꓼ ꓔꓬ ꓢꓴ ꓔꓯ ꓫꓱꓸ ꓤꓼ ꓟꓬꓱꓽ ꓬꓰ ꓠꓹ ꓟ ꓢꓯꓼ ꓖꓶ ꓔꓸ ꓟ ꓕꓳ ꓶ ꓓꓳ ꓔ ꓡꓳ꓿
