ꓳ-ꓢꓲ-ꓔꓲ-ꓬ ꓗꓴꓷꓼ (Austria) ꓗꓪ ꓠꓯ ꓞꓲꓼ ꓟꓸ ꓒ ꓕꓲ ꓣꓳ ꓡꓰ ꓞꓳ ꓠꓻ ꓛꓲ ꓒꓯꓹ ꓡꓯꓼ ꓶꓸ ꓕꓲ ꓐꓽ ꓓꓶꓺ ꓡꓳ ꓩꓴ ꓗꓷ ꓠ ꓔꓸ ꓟ ꓗꓪ ꓡꓯ ꓘꓳꓽ ꓕꓲ ꓐꓽ ꓓꓶꓺ ꓥꓳꓽ ꓡꓰ ꓠꓬꓲ ꓜꓲꓺ ꓞꓳꓹ ꓪ ꓡꓰꓳ꓿
ꓞꓲ ꓠꓲꓹ 5 ꓦ ꓕꓯꓽ ꓕꓱ ꓡꓱ ꓬꓰ ꓥꓳꓽ ꓡꓰ ꓟ ꓥ ꓢꓲꓸ ꓓꓶꓺ ꓓꓳ ꓗꓸ ꓠꓯꓸ 2 ꓠꓬꓲ ꓡꓳꓼ ꓕꓯꓽ ꓢꓲꓸ ꓓꓶꓺ ꓥꓳꓽ ꓡꓰ ꓟ ꓢꓷ ꓡꓰ ꓟ ꓥ ꓡꓳ꓿
ꓕꓱ ꓟ ꓑꓶꓸ ꓓꓴ ꓡꓲꓸ-ꓜꓲ ꓡꓳ ꓒꓱ ꓫꓵꓽ ꓘꓶꓽ ꓖꓴ ꓗꓪ ꓐꓰ ꓦ ꓦ ꓟꓳꓽ ꓟꓳꓽ ꓟꓬꓱꓽ ꓬꓰ ꓗꓷ ꓢꓴ ꓠꓯ ꓞꓲꓼ ꓟꓸ ꓒ ꓔꓯ ꓬꓴ-ꓬꓳ 2700 ꓐꓶ ꓝꓲ ꓟ ꓐꓰ꓾ ꓞꓳ ꓠꓻ ꓕꓲ ꓦꓲ ꓔꓯ ꓬꓴ-ꓬꓳ 5000 ꓐꓶ ꓝꓲ ꓡꓳ꓿
ꓠꓯ ꓞꓲꓼ ꓦꓲ ꓙꓵꓽ ꓢꓴ ꓡꓰ “ꓕꓱ ꓟ ꓠꓬ ꓮ ꓘꓶꓸ ꓫꓵꓽ ꓩꓴꓸ ꓟꓽ ꓙꓲ ꓟ ꓕꓲ ꓫꓵꓽ ꓔꓳꓹ ꓜꓳ ꓡꓰ ꓟ ꓥꓳ꓿ ꓖꓽ ꓖꓶ ꓡꓯ” ꓐꓰ ꓑ ꓫꓬ ꓐꓴ ꓟꓲ ꓕꓯꓽ ꓗꓪ ꓖꓶ ꓬꓲꓽ ꓡꓳ꓿
1995 ꓘꓳꓼ ꓗꓪ ꓥ ꓟꓲ ꓮ-ꓟꓯ-ꓣꓲ-ꓗ ꓗꓴꓷꓼ ꓗꓪ ꓕꓱ ꓡꓱ ꓓꓶꓺ ꓥꓳꓽ ꓡꓰꓳ ꓫꓵꓽ ꓙꓳ ꓠꓬꓲ ꓗꓷꓳ꓿ ꓓꓶꓺ ꓠꓬꓹ ꓤ ꓟꓶꓽ ꓠꓬꓲꓽ ꓧꓪ ꓠꓯꓼ ꓐꓰ ꓬꓲꓸ ꓙꓴꓽ ꓓꓶꓺ ꓓꓳ ꓡꓰ ꓕꓯꓽ ꓢꓲꓸ ꓥꓳꓽ ꓡꓰ ꓟ ꓚꓹ ꓡ ꓡꓰ ꓠꓬꓲ꓾ ꓮ ꓡꓲ ꓟꓽ ꓬꓰ ꓒ ꓡꓳꓹ ꓓꓶꓺ ꓡꓳ ꓩꓴ ꓠ ꓗꓷ ꓡꓰꓳ꓿
ꓢꓳꓴꓣꓚꓰ: ꓐꓐꓚ
