2022 ꓘꓳꓼ 8 ꓦ 7 ꓠꓬꓲ ꓕꓯꓽ ꓴꓢꓮ꓾ ꓗ-ꓡꓲ-ꓩꓳ-ꓠꓲ-ꓬ ꓡꓲ-ꓢꓴ ꓘꓴ ꓜꓲꓼ ꓞꓳ ꓪ ꓘꓴ ꓦꓲ ꓫꓵꓼ ꓓꓵꓽ ꓑꓮꓲ ꓔꓯ ꓣꓱꓽ ꓬꓰ ꓪ ꓡꓰ ꓡꓳ꓿
ꓜꓲꓼ ꓓꓴ ꓗꓪ ꓟꓸ ꓟꓲꓽ ꓚ ꓖꓶꓽ ꓢꓴ ꓠꓬ ꓣꓰꓦꓸ ꓓꓣꓸ ꓡ-ꓪꓴꓽ ꓥ ꓡꓳ꓿ ꓖꓳ ꓕꓲ ꓠꓬꓲ ꓖꓳ ꓓꓱ ꓔꓲꓹ ꓟꓶ ꓢꓴ ꓥ ꓟꓲ 3 ꓣꓳ ꓙꓳ ꓡꓳ꓿
ꓪ ꓘꓴ ꓦꓲ ꓠꓬ 2 ꓗꓽ ꓛꓲ ꓙꓳˍ ꓟ ꓟꓵꓽ ꓗꓪ ꓫꓬꓹ ꓔꓸ ꓢꓲ꓾ ꓖꓳ ꓗꓪ ꓬꓲꓸ ꓜꓲ ꓢꓯꓼ ꓕꓵꓼ ꓢꓴ ꓠꓬ ꓞꓳ ꓪꓴꓽ ꓐꓬꓽ ꓒꓲ-ꓡꓲ ꓐꓰ ꓐꓬ ꓒꓲ-ꓕꓱꓽ ꓐꓴ ꓥ ꓡꓳ꓿
ꓘꓴ ꓜꓲꓼ ꓞꓳ ꓗꓪ ꓟꓸ ꓟ ꓠꓬ ꓣꓰꓦꓸ ꓓꓣꓸ ꓚꓬꓴ-ꓯ-ꓠ ꓥ ꓡꓳ꓿
ꓖꓳ ꓗꓪ ꓠꓬ ꓕꓮꓲꓹ ꓟꓵꓽ ꓗꓪ ꓐꓰ꓾ ꓟꓬ-ꓟ ꓗꓴꓷꓼ ꓟꓶ-ꓚꓲ-ꓠ ꓗꓪ ꓐꓰ ꓡˍ ꓟ ꓡꓲ-ꓢꓴ ꓐꓴ ꓜꓲꓼ ꓔꓬ ꓟ ꓕꓲ ꓔꓶꓸ ꓥ ꓡꓳ꓿
ꓪ ꓘꓴ ꓦꓲ ꓫꓬꓹ ꓠꓹ ꓟ ꓪꓴꓸ ꓔꓴˍ ꓟ ꓦꓬꓼ ꓠꓬꓲ ꓠꓬ 2022 ꓘꓳꓼ 2 ꓦ 20 ꓠꓬꓲ ꓗꓪ ꓥ ꓢꓲ꓾ ꓪ ꓘꓴ ꓦꓲ ꓫꓵꓼ ꓓꓵꓽ ꓑꓮꓲ ꓠꓬ 2022 ꓘꓳꓼ 8 ꓦ 7 ꓠꓬꓲ ꓕꓯꓽ ꓬꓰ ꓪ ꓗꓰ ꓟ ꓥ ꓡꓳ꓿
ꓴꓢꓮ ꓗꓪ ꓡꓲ-ꓢꓴ ꓐꓴ ꓜꓲꓼ ꓡꓯ ꓘꓳ ꓢꓲꓸ ꓪ ꓘꓴ ꓔꓬ ꓟ ꓘꓜꓞ (7) ꓟ ꓙꓳ ꓢꓲ꓾ ꓔꓮꓫꓮꓢ ꓗꓪ ꓟ ꓔꓡꓚꓚ ꓘꓜꓞ ꓥ ꓟꓲ ꓪ ꓘꓴ ꓦꓲ ꓫꓬꓹ ꓠꓹ ꓟ ꓢꓯꓼ ꓕꓵꓼ ꓔꓬ ꓡꓳ꓿
