ꓕꓲ ꓟꓲ ꓠꓯ ꓗꓪ ꓕꓳ ꓶ ꓐꓳ ꓢꓴ ꓐꓴ ꓔꓯ ꓗꓸ ꓧꓪ ꓢꓲꓸ ꓞꓳꓹ ꓡꓴꓽ ꓔꓬ ꓟ ꓗꓪ ꓟꓬ-ꓟ ꓠꓬ ꓠꓳꓸ 3 ꓖꓼ ꓔꓬ ꓡꓳ꓾ ꓐꓰ PEN America ꓡꓰ ꓠꓬꓲꓸ ꓠꓬꓲ 2022 ꓘꓳꓼ 4 ꓦ 14 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓟꓬ-ꓟ ꓗꓴꓷꓼ ꓗꓪ ꓕꓳ ꓶ ꓐꓳ ꓢꓴ ꓐꓴ ꓔꓯ 2021 ꓘꓳꓼ ꓗꓪ ꓠꓬ 8 ꓣꓳ꓾ 2022 ꓘꓳꓼ ꓗꓪ ꓠꓬ 26 ꓣꓳ ꓞꓳꓹ ꓡꓴꓽ ꓔꓸ ꓡꓳ꓾ ꓐꓯ ꓡꓳ꓿ ꓖꓳ ꓟ ꓑꓶꓸ ꓓꓴ ꓕꓲ ꓟꓲ ꓠꓯ ꓗꓪ ꓔꓯꓺ ꓡꓯ ꓘꓳ ꓗꓷ ꓠꓬ꓾ 2021 ꓘꓳꓼ ꓗꓪ ꓦꓰꓼ ꓖꓴ ꓠꓳꓸ 9꓾ ꓮ ꓟꓶ 2022 ꓘꓳꓼ ꓗꓪ ꓠꓬ ꓦꓰꓼ ꓖꓴ ꓠ ꓐꓼ 3 ꓗꓷ ꓡ ꓟ ꓥ ꓡꓳ꓿
“ꓠꓳꓸ 9 ꓗꓪ ꓚꓳꓸ 3 ꓗꓪ ꓓꓯꓻ ꓡ ꓓꓴ ꓟ ꓙꓲꓹꓳ ꓫꓵꓽ ꓠꓽ ꓟꓽ ꓥ꓿ ꓢꓷꓸ ꓢꓴ ꓗꓴꓸ ꓢꓴ ꓔꓯ ꓐꓱ ꓓꓴꓽ ꓗꓪ ꓡꓴꓽ ꓔꓸ ꓟ ꓗꓴꓷꓼ ꓠꓬ ꓟꓽ ꓜꓳꓽ ꓡ꓿ ꓪꓴꓸ ꓠꓷꓸ ꓔꓯ ꓡꓴꓽ ꓔꓸ ꓟ ꓡꓰ ꓐꓰ ꓥꓳ” ꓐꓰ ꓚꓲ ꓛꓬ ꓟꓬꓱꓺ ꓞꓶ ꓠꓲꓹ ꓟꓽ ꓫꓵˍ ꓟ ꓕꓳ ꓶ ꓐꓳ ꓒꓽ ꓕꓲ ꓣꓳ ꓡꓰ ꓐꓯ ꓡꓳ꓿
ꓕꓳ ꓶ ꓐꓳ ꓢꓴ ꓔꓯ ꓐꓱ ꓓꓴꓽ ꓗꓪ ꓣꓴ ꓡꓴꓽ ꓔꓸ ꓟ ꓔꓯꓸ ꓟꓳꓸ ꓐꓯˍ ꓠꓬ꓾ ꓕꓲ ꓟꓲ ꓠꓯ ꓗꓪ ꓟ ꓗꓴꓷꓼ ꓐꓴ ꓗꓪ ꓐꓰ꓾ ꓧꓶꓽ ꓒꓽ ꓗꓴꓷꓼ ꓗꓪ 85 ꓣꓳ ꓙꓳ ꓢꓲꓸ ꓠꓳꓸ 1꓾ ꓢꓳ-ꓓꓲ-ꓮ-ꓬꓯ-ꓐꓲ-ꓬ ꓗꓴꓷꓼ ꓗꓪ 28 ꓣꓳ ꓙꓳ ꓢꓲꓸ ꓠꓳꓸ 2꓾ ꓟꓬ-ꓟ ꓗꓴꓷꓼ ꓪ 26 ꓣꓳ ꓙꓳ ꓢꓲꓸ ꓠꓳ. 3 ꓢꓪꓼ ꓪ ꓔꓸ ꓡꓳ꓿ ꓕꓲ ꓟꓲ ꓠꓯ ꓡꓴꓸ ꓗꓪ ꓠꓬ ꓕꓳ ꓶ ꓐꓳ ꓢꓴ 277 ꓣꓳ ꓐꓱ ꓓꓴꓽ ꓗꓪ ꓡꓴꓽ ꓔꓬ ꓡꓳ꓿
Source: Freedom to write index
