ꓠꓬꓲꓸ ꓠꓬꓲ 2022 ꓘꓳꓼ 1 ꓦ 7 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓮ-ꓟꓯ-ꓣꓲ-ꓗ ꓗꓴꓷꓼ ꓝꓲ ꓓꓴ ꓓꓽ ꓟ ꓙꓵꓽ ꓦꓲ, ꓬꓥ-ꓖꓳꓥ (US Embassy, Yangon) ꓗꓪ ꓐꓰ ꓴꓢꓮ ꓗꓴꓷꓼ ꓓꓵꓽ ꓕꓵꓼ ꓪ ꓖꓶꓽ ꓚꓱꓹ ꓔꓯ ꓑꓲꓸ ꓩꓴ ꓪ꓿
ꓕꓳ ꓶ ꓢꓳ ꓢꓴ꓾ ꓗꓹ ꓚꓳ ꓓꓵꓽ ꓓꓳ ꓢꓴ ꓐꓴ ꓔꓯ ꓖꓶˍ ꓟ ꓗꓴꓷꓼ ꓓꓵꓽ ꓕꓵꓼ ꓪ (Non immigrant visa) ꓔꓯ ꓠꓽ ꓩꓴˍ ꓟ ꓥ ꓢꓲ꓾ ꓗꓳ-ꓪꓰꓼ ꓑꓶꓸ ꓓꓴ ꓥ ꓡꓳ ꓐꓰ ꓬꓲꓸ ꓑꓶꓸ ꓟꓳꓸ ꓖꓶꓽ ꓔ ꓡꓳ꓿
“ꓗꓳ-ꓪꓰꓼ ꓑꓶꓸ ꓓꓴ ꓖꓶ ꓥ ꓥꓳ꓿ ꓳꓸ ꓐꓯ ꓖꓶ ꓥ ꓕꓲ ꓣꓳ ꓔꓱꓸꓼ ꓓꓵꓽ ꓙ ꓚꓱꓹ ꓗꓪ ꓠꓽ ꓮ ꓡꓲ ꓟꓶ ꓟꓽ ꓥ ꓢꓰꓽ ꓕꓽ ꓕꓲ ꓫꓵꓽ ꓫꓵꓽ ꓗ ꓡ ꓓꓴ ꓬꓰꓳ ꓐꓰ ꓢꓪꓼ ꓔꓬ ꓥꓳ” ꓐꓰ ꓗꓴꓷꓼ ꓒꓽ ꓐꓴ ꓣꓱꓽ ꓬꓰ ꓚꓱꓹ ꓔꓯ ꓢꓳ ꓔꓬ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
ꓦꓲꓢꓮ ꓖꓶꓽ ꓚꓱꓹ ꓠꓽ ꓡꓰ ꓟ ꓑꓶꓸ ꓓꓴ ꓕꓳ ꓶ ꓢꓳ ꓠꓹ ꓟ ꓙ ꓖꓶ ꓔꓬ ꓢꓴ ꓐꓴ ꓮ ꓟꓬꓹ ꓗꓴꓷꓼ ꓗꓪ ꓐꓰ ꓓꓳ ꓙꓰ ꓟꓽ ꓙꓲ ꓗꓷ ꓬꓰꓳ꓿
ꓮ ꓟꓶ ꓕꓲ ꓧꓪꓹ ꓢꓷꓸ ꓡꓰ ꓓꓴ ꓟꓽ ꓬꓰ ꓡ ꓕ ꓑꓳꓸ non immigrant visa ꓖꓶ ꓚꓱꓹ ꓑꓲꓸ ꓔꓸ ꓥꓳ ꓐꓰ US Embassy Yangon ꓗꓪ ꓐꓰ ꓢꓷ ꓙ ꓟꓴ ꓙ ꓔ ꓡꓳ꓿
