2022 ꓘꓳꓼ 1 ꓦ 7 ꓠꓬꓲ ꓠꓯꓼ ꓝꓲꓸ ꓗꓪ ꓗ-ꓐꓳ-ꓓꓲ-ꓬ ꓗꓴꓷꓼ ꓙꓵꓽ ꓢꓲꓽ ꓒꓽ ꓧꓳ-ꓢ ꓟꓬ-ꓟ ꓗꓴꓷꓼ ꓗꓪ ꓛꓲ ꓡꓻꓳ꓿
ꓬꓲ ꓠꓬ Kingdom of Cambodia ꓙꓱ ꓦꓲ ꓜꓶꓽ ꓢꓲ ꓠꓯ-ꓑꓲ-ꓓꓳ ꓗꓪ ꓛꓲ ꓡˍ ꓟ ꓥ ꓢꓲ꓾ ꓟꓬ-ꓟ ꓟꓯꓼ ꓕꓲ ꓛꓱꓽ ꓗꓪ ꓐꓰ ꓐꓶꓽ ꓗꓴꓷꓼ ꓔꓯ ꓟꓳꓸ ꓢꓲꓽ ꓒꓽ ꓪꓳ-ꓠꓼ-ꓟꓮꓳꓽ-ꓡꓱ ꓡꓰ ꓙ ꓖꓴ ꓘꓳꓽ ꓓꓳ ꓠꓲꓺ ꓠꓲꓺ ꓘꓳꓽ ꓢꓲꓸ ꓞꓳ ꓒꓵꓽ ꓒꓵꓽ ꓘꓳ ꓣꓴˍ ꓡꓳ꓿
ꓬꓲ ꓡˍ ꓟ ꓙ ꓖꓴ ꓠꓬ ꓮ-ꓢꓰ-ꓬ ꓜꓴ ꓠꓲꓹ ꓡꓶꓽ ꓖꓶ ꓟꓽ ꓧꓳꓹ꓾ ꓟꓯꓼ ꓔꓯ ꓮ-ꓢꓰ-ꓬ ꓜꓴ ꓗꓪ ꓘꓳ ꓣꓴ ꓚꓱꓹ ꓙꓽ ꓖꓶˍ ꓟ ꓥ ꓡꓳ ꓐꓯ ꓢꓲꓸ ꓟꓬ-ꓟ ꓗꓴꓷꓼ ꓑ ꓫꓬ ꓜꓴ ꓐꓴ ꓟꓽ ꓘꓳ ꓣꓴ꓿ ꓑ ꓫꓬ ꓐꓴˍ ꓟꓲ ꓒꓳꓹ ꓔꓳꓹ ꓑꓮꓲ ꓬꓰ ꓗꓷ ꓟ ꓥ ꓡꓳ꓿
ꓬꓲꓸ ꓡˍ ꓕꓯꓽ ꓟꓬ-ꓟ ꓐꓱ ꓶ ꓠꓯ ꓞꓲꓼ ꓠꓯ ꓟꓲ ꓔꓯꓹ ꓡ ꓟ ꓐꓰ꓾ ꓟꓬ-ꓟ ꓗꓴꓷꓼ ꓗꓪ 2 ꓦꓬꓼ ꓔꓬ ꓠꓹ ꓟ ꓟꓳꓸ ꓙ ꓔꓸ ꓢꓲ꓾ ꓖꓪ ꓙꓱ ꓚꓱꓹ ꓜꓳꓽ ꓡ ꓠꓬ ꓬꓲꓸ ꓙꓵꓹ ꓬꓲꓸ ꓐꓶꓹ ꓫꓵꓺ ꓓꓴ ꓥꓳ ꓐꓰ ꓬꓲꓸ Facebook ꓗꓪ ꓐꓯ ꓔꓸ ꓡꓳ꓿
ꓐꓬꓱꓽ꓾ ꓢꓑꓟ
