ꓴꓢꓮ ꓗꓴꓷꓼ꓾ ꓚꓮꓡꓲꓝꓳꓣꓠꓲꓮ ꓟꓵꓽ ꓫꓴꓽ ꓗꓪ ꓔꓬ SU ꓔꓯꓼ Omicron ꓠꓸꓹ ꓫꓵꓽ ꓙꓳ ꓢꓴ ꓬꓲꓸ ꓪꓴꓸ ꓕꓲꓽ ꓣꓳ ꓧꓪꓹ ꓟꓶ ꓡꓰꓳ ꓐꓰ ꓢꓷꓸ ꓪ ꓡꓳ= “ꓧꓪ ꓟꓶ ꓡꓰ ꓢꓴ ꓖꓳ ꓕꓲ ꓣꓳ ꓠꓬ South Africa ꓗꓴꓷꓼ ꓗꓪ ꓐꓰ 11ꓦ꓾ 22 ꓠꓬꓲ꓾ ꓕꓯ ꓡꓽ ꓡ ꓢꓴ ꓥ ꓢꓲꓸ꓾ 29 ꓠꓬꓲ꓾ꓗꓪ ꓠꓸꓹ ꓫꓵꓽ ꓙꓳ_ ꓟ ꓔꓯ ꓚꓲꓼ ꓚꓹ ꓪ ꓟꓶ ꓡꓰ ꓢꓴ ꓥ ꓡꓳ ” ꓐꓰ ꓠꓯꓼ ꓞꓲꓼ ꓚꓴꓽ ꓬꓲꓼ ꓖꓶ ꓟꓸ ꓒꓽ Dr. Anthony Fauci ꓡꓰ ꓠꓬꓲꓸ ꓠꓬꓲꓸ ꓦꓲ ꓒꓴ ꓦꓲ (White House)ꓓꓳꓽ ꓐꓯ ꓑꓶ ꓔꓶꓸ ꓗꓪ ꓐꓰ ꓢꓷꓸ ꓖꓶ ꓩꓴ ꓡ ꓟ ꓥꓳ=
ꓠꓸꓹ ꓫꓵꓽ ꓧꓪꓹ ꓟꓶ ꓡꓰ ꓢꓴ ꓖꓳ ꓕꓲ ꓣꓳ ꓠꓬ ꓠꓸꓹ ꓗꓽ ꓠꓯꓼ ꓞꓲꓼ ꓥ_ꓟꓲ (2) ꓧꓪꓹ ꓕꓵꓼ(ꓗꓸ) ꓔ ꓢꓴ ꓥ ꓢꓲꓸ꓾ꓮ ꓘꓶ ꓠꓬ ꓙ ꓫ ꓟ ꓛꓲ_ ꓐꓰ ꓢꓷꓸ ꓪ ꓡꓳ= ꓖꓳ ꓡꓱ ꓥ ꓟꓲ ꓬꓲꓸ ꓔꓯ ꓠꓬ ꓬꓲꓸ ꓕꓲ ꓣꓳ ꓔꓱꓼ ꓔꓬ ꓝꓲ ꓢꓲꓸ꓾ ꓠꓯꓼ ꓞꓲ ꓫꓬ ꓖꓶ ꓔꓬ ꓡꓳ ꓐꓰ ꓢꓷꓸ ꓪꓼ ꓡꓳ=
ꓖꓳ ꓟ ꓑꓶ ꓓꓴ ꓴꓢꓮ ꓗꓴꓷꓼ ꓪ ꓔꓲ Joe Biden ꓠꓬ ꓫ ꓠꓯ ꓗꓪ ꓠꓸꓹ ꓫꓵꓽ ꓑꓶ ꓓꓴ ꓚꓲꓸ ꓚꓲꓸ ꓑꓶꓸ ꓑꓶꓸ ꓕꓵꓽ ꓪꓼ ꓐꓯ ꓞꓷ ꓓꓴ ꓥꓳ ꓐꓰ ꓢꓪꓼ ꓔꓬ ꓡꓳ=
Sources: VOA
