ꓟꓬ-ꓟ ꓞꓳ ꓤ 5 ꓣꓳ꓾ ꓬꓲꓸ ꓜꓴ 5 ꓜꓴ ꓔꓯ ꓶ ꓡꓯꓼ ꓚꓱꓹ ꓑꓲꓸ ꓞꓲꓽ ꓗꓷꓳ ꓐꓰ ꓴꓢ ꓐꓶ ꓗꓴꓷꓼ ꓔꓯꓸ ꓟꓳꓸ ꓢꓲꓽ ꓒꓽ ꓐꓶ-ꓡꓲ-ꓗꓲ ꓡꓰ 2022 ꓘꓳꓼ 3 ꓦ 25 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓡꓳ꓿
ꓕꓱ ꓟ ꓠꓬ ꓟꓬ-ꓟ ꓟꓯꓼ ꓡꓰ ꓑ ꓫꓬ 100 ꓣꓳ ꓟꓽ ꓞꓲ ꓞꓳꓹ ꓣꓴ ꓢꓲꓸ ꓢꓰꓼ ꓟ꓾ 2021 ꓘꓳꓼ 24 ꓠꓬꓲ ꓗꓪ ꓡ ꓞꓳ ꓬꓲ ꓜꓴ ꓬꓲ ꓟꓯꓼ ꓔꓯ ꓢꓰꓼ ꓢꓲꓸ ꓮ ꓔꓳꓸ ꓛꓴ ꓟ ꓔꓯ ꓡꓯꓽ ꓔꓯꓽ ꓩꓴ ꓡ ꓟ ꓥ ꓡꓳ꓾ ꓐꓯˍ ꓡꓳ꓿
ꓶ ꓡꓯꓼ ꓚꓱꓹ ꓑꓲꓸ ꓞꓲꓽ ꓟꓶ ꓡꓰ ꓢꓴ 5 ꓣꓳ ꓠꓬ꓾ အောင်လှိုင်ဦး၊ နိုင်ထွဋ်အောင်၊ စစ်တိုင်းအောင်၊ ဇော်ဟိန်း နဲ့ ကိုကိုဦး ꓐꓴ ꓥ ꓢꓲ꓾ ꓬꓲꓸ ꓜꓴ 5 ꓜꓴ ꓠꓬ တပ်မ ၆၆၊ Myanmar Chemical & Machinery Company Limited (MC&M)၊ International Gateways Groups of Company Limited (IGG)၊ Htoo Group of Companies (Htoo Group) နဲ့ the Asian Green Development Bank (AGDB) ꓐꓴ ꓥ ꓡꓳ꓿
ꓕꓱ ꓟ ꓔꓯ ꓴꓢ ꓗꓴꓷꓼ ꓙꓵꓽ ꓢꓴ ꓕꓵꓼ ꓪ ꓠꓳꓸ 14014 ꓡꓳ ꓚ꓾ “ꓟꓬ-ꓟ ꓗꓴꓷꓼ ꓘꓴꓽ ꓗꓪ ꓒꓬꓱꓼ ꓔꓬ ꓟ ꓔꓯ ꓟꓳꓸ ꓞꓳꓐꓣꓳ ꓐꓰ ꓬꓲꓸ ꓜꓴ ꓐꓴ ꓡꓯꓼ ꓪ ꓒꓵꓽ ꓶꓽ (ꓒꓴ ꓐꓰ ꓠꓱꓸ ꓐꓯꓼ ꓬꓲ ꓫꓵ ꓬꓲ ꓙꓰꓽ) ꓔꓯ ꓑꓲꓸ ꓞꓲꓽ ꓩꓴˍ ꓟ ꓥꓳ꓾ ꓐꓯ ꓡꓳ꓿
“ꓟꓬ-ꓟ ꓟꓯꓼ ꓠꓬ ꓑ ꓫꓬ ꓢꓰꓼ ꓟ ꓠꓽ ꓗꓷ ꓢꓲ꓾ ꓓꓰ-ꓟꓳ-ꓗꓯ-ꓢꓰ ꓚꓱꓹ ꓗꓪ ꓟꓽ ꓡꓽ ꓛꓲ ꓡ ꓕ ꓑꓳꓸ ꓟꓬ-ꓟ ꓟꓯꓼ ꓐꓰ ꓬꓲꓸ ꓔꓯ ꓔꓳꓹ ꓙ ꓬꓰ ꓙ ꓢꓴ ꓐꓴ ꓶ ꓡꓯꓼ ꓞꓳꓸ ꓡꓰ ꓓꓴ ꓡꓯꓽ ꓫꓵ ꓬꓰ ꓓꓴ ꓥꓳ” ꓐꓰ ꓐꓶ-ꓡꓲ-ꓡꓲ ꓡꓰ ꓐꓯˍ ꓡꓳ꓿
ꓕꓱ ꓡꓱ ꓑꓲꓸ ꓞꓲꓽ ꓩꓴ ꓗꓷ ꓠꓬ ꓐꓶ ꓗꓴꓷꓼ ꓒꓴ ꓞꓳꓽ ꓦꓲ ꓗꓪ ꓬꓲꓸ ꓪ ꓒꓴ ꓫꓺ ꓔꓸ ꓟ ꓣꓴ ꓡꓲꓸ ꓟ ꓟꓽ ꓙꓲ ꓬꓰ ꓟ꓾ ꓐꓶꓽ ꓗꓴꓷꓼ ꓗꓪ ꓐꓰ ꓶ ꓤ ꓶ ꓟꓲ ꓪꓴꓽ ꓠꓬꓲ ꓪꓴꓻ ꓠꓬꓲ ꓬꓰ ꓟꓽ ꓙꓲ ꓡꓰ ꓟ ꓥ ꓡꓳ꓿
ꓮ ꓟꓶ ꓗꓪ ꓛꓲ ꓟꓬ-ꓟ ꓡ ꓞꓳ 70 ꓣꓳ ꓐꓰ ꓬꓲꓸ ꓜꓴ 27 ꓜꓴ ꓔꓯ ꓴꓢ ꓐꓰ ꓛꓳ ꓒꓯꓹ ꓗꓴꓷꓼ ꓐꓴ ꓡꓰꓽ ꓶ ꓡꓯꓼ ꓚꓱꓹ ꓑꓲꓸ ꓞꓲꓽ ꓔꓸ ꓟ ꓥꓳ꓿
ꓬꓲ ꓚꓰ꓾ ꓴꓢ ꓰꓟꓐꓮꓢꓢꓬ ꓲꓠ ꓟꓬꓮꓠꓟꓮꓣ
