Texas Lisu Christian Church ꓡꓰ 2.9 ꓗꓽ ꓙꓳˍ ꓟ ꓪ ꓘꓴ ꓦꓲ ꓐꓱꓻ ꓘꓴꓽ ꓐꓰ꓾ 5892 square feet ꓙꓳˍ ꓟ ꓪ ꓘꓴ ꓦꓲ ꓓꓽ ꓟ ꓕꓲꓽ ꓟ ꓔꓯ 2023 ꓘꓳꓼ 12 ꓦ 29 ꓠꓬꓲ ꓕꓯꓽ ꓪꓴꓻ ꓞꓰꓹ ꓡꓰꓳ꓿
“ꓔꓡꓚꓚ ꓪ ꓘꓴ ꓦꓲ ꓓ: ꓟ ꓪꓴ ꓟꓶ ꓡꓰꓳ= ꓪꓴ-ꓢ ꓔꓯ. ꓫ. ꓟꓳ= ꓪ ꓘꓴ ꓙ ꓢꓴ ꓐꓰ ꓒꓴ ꓫꓵ ꓗꓪ ꓐꓰ ꓔꓳꓹ ꓙ ꓡ ꓢꓴ ꓬꓲꓼ ꓤ ꓠꓬꓲ ꓤ ꓐꓴ ꓔꓯ. ꓮ ꓘꓶ. ꓫ. ꓟꓳ=ꓪꓴ-ꓢ ꓗꓪ ꓐꓰ ꓣꓱ: ꓛꓰ ꓙꓳ ꓝꓲ=
ဘုရားရှင်ရဲ့ ကျေးဇူးတော်ကြောင့် Texas လီဆူအသင်းတော်ဘုရားကျောင်: ဗိမ္မာန်တော်ကို ကောင်းမွန်စွာဝယ်ယူရရှိပြီးဖြစ်ပါသည်။” ꓐꓰ ꓢꓷꓸ ꓙ ꓟꓳ ꓙ ꓔꓸ ꓡꓳ꓿
ꓐꓰ ꓪ ꓘꓴ ꓦꓲ ꓐꓬꓱꓽ
ꓪ ꓘꓴ ꓦꓲ ꓕꓱ ꓟ ꓔꓯ ꓧꓶꓸ ꓕꓯꓽ ꓠꓬ Presbyterian Church ꓪ ꓘꓴ ꓦꓲ꓾ ꓮ ꓟꓶ ꓠꓬ ꓔꓡꓚꓚ ꓪ ꓘꓴ ꓦꓲ ꓒꓬꓱꓼ ꓡ ꓟ ꓥ ꓡꓳ꓿
“ꓬꓲꓸ ꓒꓵꓽ ꓠꓬ ꓓꓳ ꓡ 9 ꓢꓯꓹ ꓥꓳ꓿ ꓔꓡꓚꓚ ꓘꓴ ꓜꓲꓼ ꓞꓳ ꓕꓲ ꓣꓳ ꓡꓰꓸ ꓕꓲ ꓣꓳ ꓮ ꓙꓵꓽ ꓔꓲꓺ ꓖꓶ ꓡꓯ ꓘꓳ ꓢꓲꓸ ꓪꓴꓻ ꓒꓬꓱꓼ ꓡ ꓟ ꓥꓳ” ꓐꓰ ꓟꓬꓱꓽ ꓡꓳꓸ ꓮ-ꓓꓶꓸ ꓙꓬ ꓡꓰ ꓐꓯ ꓟꓸ ꓖꓶ ꓡ ꓡꓳ꓿
ꓪ ꓘꓴ ꓦꓲ ꓬꓲꓸ ꓔꓶꓸ ꓠꓬ꓾ 5121, Stanley Keller Road, Holtom City, TX 76117 ꓥ ꓡꓳ꓿ ꓪ ꓘꓴ ꓦꓲ ꓐꓱꓻ ꓗꓪ ꓐꓰ ꓠ ꓡꓲꓺ 3-20 ꓧꓶꓺ ꓖꓼ ꓡꓯꓼ ꓖꓼ ꓙꓲ ꓟꓳ ꓓꓳ ꓫꓵꓸ ꓠ ꓔꓸ ꓟ ꓕꓲꓽ ꓚꓳ ꓡꓳ ꓗꓪ ꓡꓲ-ꓢꓴ ꓐꓴ ꓦꓲ ꓙꓳˍ ꓟ ꓥ ꓡꓳ꓿
ꓴꓢꓮ ꓗꓪ ꓡꓲ-ꓢꓴ ꓙꓲ-ꓢꓴ ꓢꓲꓻ ꓤ ꓪ ꓘꓴ ꓜꓲꓼ ꓔꓶꓸ 9 ꓟ ꓙꓳ ꓡꓳ꓿ ꓖꓳ ꓟ ꓗꓪ ꓐꓰ ꓪ ꓘꓴ ꓦꓲ ꓐꓱꓻ ꓪꓴꓻ ꓪ ꓔꓸ ꓟ (2) ꓟ ꓠꓬ꓾ ꓟꓲ-ꓠꓲ-ꓢꓳ-ꓔ ꓗꓪ (1) ꓟ ꓐꓰ꓾ ꓮ ꓟꓶ ꓕꓯꓼ-ꓢꓼ (Texas) ꓗꓪ ꓕꓲꓽ ꓟ ꓙꓳ ꓡꓰꓳ꓿
