ꓬꓲꓸ ꓐꓬꓱ ꓕꓲ ꓟ $2400 ꓒꓵꓽˍ ꓟ꓾ ꓧꓶꓽ ꓒꓽ ꓡꓰ ꓫꓬꓹ ꓩꓴ ꓡ ꓟ Sex doll 2 ꓐꓬꓱꓽ ꓔꓯ ꓬꓥ-ꓖꓳꓥ ꓟꓵꓽ꓾ ꓫꓱ-ꓓ-ꓖꓳ ꓠꓲꓽ ꓐꓬꓱꓽ ꓢꓲꓺ ꓐꓬꓱꓽ ꓦꓲ ꓐꓱ ꓗꓪ ꓲ’ ꓔꓸ ꓢꓲ꓾ ꓕꓱ ꓟ ꓠꓬ ꓢꓲꓺ ꓟ ꓐꓬꓱꓽ ꓥ ꓡꓳ꓾ ꓐꓯ ꓢꓲꓸ ꓡ ꓞꓳ ꓐꓴ ꓔꓯ ꓪꓴꓸ ꓓꓵ ꓕꓱꓼ ꓝꓲ ꓔꓬ ꓡꓳ꓿
ꓓꓳꓽ ꓕꓱ ꓟ 2022 ꓘꓳꓼ 10 ꓦ 22 ꓠꓬꓲ ꓕꓯꓽ social media ꓗꓪ ꓮ ꓘꓶꓸ ꓢꓴꓺ ꓔꓴꓺ ꓡꓰˍ ꓠꓬꓲ꓾ ꓮ ꓟꓶ ꓠꓬ ꓑꓳ-ꓡꓲ ꓟꓯꓼ ꓐꓴ ꓡꓰ Sex doll ꓔꓯ ꓠꓲꓽ ꓢꓲꓺ ꓐꓬꓱꓽ ꓐꓯ ꓢꓲꓸ ꓪꓴꓸ ꓓꓵ ꓕꓱꓼ ꓚꓱꓹ ꓧꓳꓽ ꓪꓴꓸ ꓟꓴ ꓢꓴ ꓔꓯ ꓣꓴ ꓡꓴꓽ ꓚꓲꓸ ꓚ ꓔꓬ ꓡꓳ꓾ ꓐꓯ ꓡꓳ꓿
ꓠꓲꓽ ꓤ ꓢꓲꓺ ꓤ ꓬꓲꓸ ꓐꓬꓱꓽ ꓦ ꓡꓱˍ ꓟ ꓟꓬ-ꓟ ꓡ ꓞꓳ ꓐꓴ ꓠꓬ꓾ ꓟꓽ ꓓꓵꓽ ꓙ ꓙ꓾ ꓟꓽ ꓚꓲꓸ ꓚ ꓚ ꓬꓰ ꓫꓶꓹ ꓙꓳ ꓟ ꓗꓪ ꓐꓰ꓾ ꓫꓸ ꓔꓳ ꓫꓸ ꓒꓯꓼ꓾ ꓢꓴ ꓜꓲ ꓢꓴ ꓘꓪ ꓟꓬꓱꓽ ꓬꓰ ꓓꓳ ꓡ ꓔꓬ ꓟ ꓥ ꓡꓳ꓿
ꓐꓬꓱꓽ ꓕꓱ ꓡꓱꓳ ꓫꓵꓽ ꓠꓬ ꓤ ꓑꓸ ꓤ ꓐꓴ (ꓟꓬꓽ ꓠꓬꓲ ꓠꓬ ꓦꓲ ꓢꓲ ꓟ ꓟꓽ ꓙꓳ ꓢꓴ ꓐꓴ) ꓤ ꓟꓶꓼ ꓡꓯꓸ ꓔꓯ ꓠꓶꓸ ꓡꓯ ꓘꓳ ꓟ ꓡꓰ ꓐꓰ ꓠꓶꓸ ꓡꓯ ꓘꓳ ꓙꓲ ꓠ, ꓟ ꓚꓰꓼ ꓔꓸ ꓟ ꓦꓯꓽ ꓛꓳ ꓧꓪ ꓓꓴ ꓬꓲꓸ ꓐꓬꓱꓽ ꓥ ꓡꓳ꓿
