ꓦꓹ ꓠꓯꓼ 2023 ꓘꓳꓼ 7 ꓦ 13 ꓠꓬꓲ ꓕꓯꓽ ꓕꓮꓲꓹ ꓗꓴꓷꓼ ꓟꓬꓱꓽ ꓢꓲꓺ ꓓꓽ ꓟ ꓠꓬꓲ ꓖꓴ ꓢꓲꓻ ꓣꓴ ꓠꓹ ꓟ ꓝꓰꓹ ꓔꓸ ꓟ ꓗꓪ Pita ꓔꓯ ꓗꓴꓷꓼ ꓙꓵꓽ ꓗ ꓗꓪꓼ ꓜꓴ ꓠꓰ ꓐꓯ ꓟꓴ ꓚꓲꓸ ꓚ ꓓꓴ ꓐꓯ ꓞꓷꓹ ꓩꓴ ꓡ ꓡꓳ꓿
ꓝꓮꓲ ꓗꓴꓷꓼ ꓙꓵꓽ ꓗ ꓗꓪꓼ ꓜꓴ ꓡꓰ Pita ꓔꓯ ꓑ ꓫꓬ ꓝꓲ ꓓꓴ ꓠꓬꓲꓺ ꓖꓴ ꓗꓪ ꓐꓰ ꓠꓽ ꓩꓴ ꓝꓲ ꓠꓹ ꓟ Move Forward ꓑ-ꓔꓲ ꓔꓯ ꓚꓴ ꓬꓲꓹ ꓖꓶꓽ ꓩꓴ ꓡ ꓢꓰꓽ ꓡꓳ꓿
ꓕꓮꓲꓹ ꓗꓴꓷꓼ ꓙꓵꓽ ꓗ ꓗꓪ ꓑ ꓫꓬ ꓝꓲ ꓓꓴ ꓬꓰ ꓢꓴ ꓠꓬ꓾ ꓟꓲ-ꓓꓲ-ꓬ ꓙꓳ ꓢꓴ ꓬꓰ ꓟꓽ ꓓ ꓐꓯˍ ꓟ ꓙꓵꓽ ꓗ ꓝꓲꓸ ꓕꓲꓻ ꓔꓬ ꓡꓳ꓾ ꓐꓯ ꓡꓳ꓿
Move Forward ꓑ-ꓔꓲ ꓗꓪ ꓐꓰ Pita ꓠꓬ ꓕꓮꓲꓹ ꓗꓴꓷꓼ ꓟꓬꓱꓽ ꓢꓲꓺ ꓒꓬꓱꓼ ꓡ ꓓꓴ ꓥꓳ ꓡꓳꓸ ꓔꓬ ꓟ ꓠꓬ ꓮꓽ ꓖꓪꓽ ꓓꓽ ꓗ ꓬꓰ ꓡ ꓚꓱꓹ ꓟꓳꓸ ꓙꓰ ꓔꓬ ꓟ ꓥꓳ꓿
ꓧꓶꓸ ꓕꓯ ꓟꓯꓼ ꓜꓲꓽ ꓓꓽ ꓬꓰ ꓢꓴ꓾ ꓮ ꓟꓶ ꓕꓮꓲꓹ ꓟꓬꓱꓽ ꓢꓲꓺ ꓬꓰ ꓔꓬ ꓢꓴ ꓑ-ꓬ-ꓣꓴꓼ ꓠꓬ ꓗꓴꓷꓼ ꓟꓬꓱꓽ ꓟꓽ ꓬꓰ ꓗꓹꓳ꓾ ꓐꓰ ꓢꓷ ꓙ ꓟꓴ ꓙ ꓔꓸ ꓡꓳ꓿
ꓕꓮꓲꓹ ꓗꓴꓷꓼ ꓗꓪ ꓪ ꓔꓲꓸ꓾ ꓟꓯꓼ ꓐꓰ ꓑ ꓫꓬ ꓙꓵꓽ ꓚꓱꓹ (ꓓꓰ-ꓟꓳ-ꓗꓯ-ꓢꓰ ꓙꓵꓽ ꓚꓱꓹ) ꓔꓯꓺ ꓡꓯ ꓘꓳ ꓔꓬ ꓟ ꓥ ꓡꓳ꓿
