ꓙ ꓡꓯ ꓘꓳ ꓚꓱꓹ ꓢꓷꓸ ꓠꓲꓹ ꓶꓼ ꓡꓯꓼ ꓜꓴ ꓳꓣꓰꓓꓳꓳ ꓠꓬ ꓟꓬ-ꓟ ꓗꓪ ꓐꓰ ꓓꓳ ꓡꓽ ꓙꓰ ꓠꓹ ꓟ ꓖꓪ ꓙꓱ ꓔꓬ ꓡꓳ꓾ ꓐꓰ Reuters ꓓꓳꓽ ꓗꓪ ꓐꓳ ꓩꓴ ꓡ ꓡꓳ꓿
ꓳꓣꓰꓓꓳꓳ ꓣꓱꓽ ꓢꓴ ꓟꓬ-ꓟ ꓗꓴꓷꓼ ꓗꓪ 15 ꓪꓹ ꓣꓳ ꓕꓯꓽ ꓢꓲ ꓙꓳˍ ꓟ ꓥ ꓢꓲ꓾ ꓟꓯꓼ ꓡꓰ ꓙꓵꓽ ꓪ ꓟꓽ ꓣꓴ ꓙꓰ ꓢꓰꓽ ꓗꓪ ꓛꓲ ꓗꓹ ꓛꓲ ꓛꓲ ꓟꓬꓱꓽ ꓬꓰ ꓔꓬ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ 2021 ꓘꓳꓼ 2ꓦ 1 ꓠꓬꓲ ꓕ ꓑꓳꓸ ꓐꓶꓽ ꓗꓴꓷꓼ ꓗꓪ ꓐꓰ ꓶ ꓡꓯꓼ ꓜꓴ ꓮ ꓟꓬꓹ ꓠꓬ ꓟꓬ-ꓟ ꓗꓴꓷꓼ ꓗꓪ ꓟꓯꓼ ꓔꓯ ꓬꓲꓸ ꓞꓳ ꓤꓽ ꓥꓳꓽ ꓖꓪ ꓡꓯ ꓘꓳ ꓗꓸ ꓟꓽ ꓘꓳꓽ ꓡ ꓠꓬꓲ꓾ ꓶ ꓡꓯꓼ ꓗꓳ-ꓑꓶ-ꓠꓰ ꓐꓴ ꓕꓲꓽ ꓟ ꓗꓸ ꓠꓯꓸ ꓕꓲꓽ ꓟ ꓓꓳ ꓡꓽ ꓙꓰ ꓔꓬ ꓟ ꓗꓪ ꓳꓣꓰꓓꓳꓳ ꓥ ꓟꓲ ꓮ ꓟꓶ ꓓꓵꓽ ꓙ ꓞꓷꓹ ꓩꓴ ꓡ ꓥ ꓡꓳ꓿
ꓬꓲꓸ ꓓꓳ ꓡꓽ ꓙꓰˍ ꓠꓬ ꓪꓴꓻ ꓠꓲꓹ ꓡꓱ ꓢꓴ꓾ ꓪꓴꓻ ꓐ ꓡ ꓢꓴ ꓐꓴ ꓠꓬ꓾ ꓢꓰ-ꓖ-ꓑꓳ ꓗꓴꓷꓼ ꓗꓪ ꓐꓰ Campana Group꓾ ꓟꓬ-ꓟ ꓗꓴꓷꓼ ꓘꓴꓽ ꓗꓪ ꓐꓰ Young Investment Group ꓐꓰ꓾ ꓫꓱ-ꓔ-ꓡꓱ ꓗꓳ-ꓑꓶ-ꓠꓰ ꓐꓴ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ꓿
ꓳꓣꓰꓓꓳꓳ ꓙ ꓡꓯ ꓘꓳ ꓚꓱꓹ ꓶ ꓡꓯꓼ ꓜꓴ ꓠꓬ 2014 ꓘꓳꓼ 1 ꓦ ꓕꓯꓽ ꓟꓬ-ꓟ ꓗꓴꓷꓼ ꓗꓪ ꓓꓵꓽ ꓡ ꓟ ꓥ ꓢꓲ꓾ ꓮ ꓟꓶ 2022 ꓘꓳꓼ ꓗꓪ ꓠꓬ ꓟꓯꓼ ꓗꓳ-ꓢꓰ ꓡꓯꓼ ꓛꓲ ꓗꓪ ꓬꓰ ꓫꓸ ꓓꓴ ꓙꓳˍ ꓠꓬꓲ ꓓꓳ ꓡꓽ ꓙꓰ ꓓꓴ ꓖꓪ ꓙꓱ ꓟꓬꓱꓽ ꓬꓰ ꓔꓬ ꓟ ꓥ ꓡꓳ꓿
