2 ꓧꓪꓹ ꓕꓲ ꓧꓪꓹ ꓟ ꓡꓲ-ꓢꓴ ꓕꓳ ꓶ ꓢꓳ ꓜꓲꓼ ꓓꓴ ꓬꓰˍ ꓥꓳ

2 ꓧꓪꓹ ꓕꓲ ꓧꓪꓹ ꓟ ꓡꓲ-ꓢꓴ ꓕꓳ ꓶ ꓵꓺ ꓚꓱꓹ꓾ ꓐꓳ ꓚꓱꓹ ꓢꓳ ꓜꓲꓼ ꓓꓴ ꓔꓯ ꓡ ꓠꓹ ꓟ 8 ꓦ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓬꓰˍ ꓥꓳ ꓐꓰ ꓬꓥ-ꓖꓳꓥ ꓟꓵꓽ ꓡꓲ-ꓢꓴ ꓡꓲꓽ ꓒꓰꓼ ꓜꓴ ꓔꓳꓹ ꓙ ꓟꓬꓱꓽ ꓢꓲꓺ꓾ ꓢꓳ ꓜꓲꓼ ꓓꓴ ꓧꓳꓽ ꓪꓴꓸ ꓟꓴ ꓢꓴ ꓟꓸ ꓒ ꓮ-ꓞꓲ ꓡꓰ 2022 ꓘꓳꓼ 7 ꓦ 20 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿

“ꓡꓲ-ꓢꓴ ꓥꓳꓽ ꓗꓪ ꓐꓰ ꓟꓸ ꓓꓴ ꓥˍ ꓠꓬꓲ꓾ ꓡꓲ-ꓢꓴ ꓥꓳꓽ ꓕꓱ ꓗꓴꓸ꓾ ꓠ ꓠꓹ ꓗꓴꓸ ꓢꓴ ꓐꓴ ꓔꓯˍ ꓡꓰꓽ ꓘꓳ ꓣꓴ ꓥꓳ꓿ ꓡꓲ-ꓢꓴ ꓕꓳ ꓶ ꓵꓺ ꓗꓴꓸ꓾ ꓐꓳ ꓗꓴꓸ ꓡ ꓠꓹ ꓟ ꓟꓸ ꓖꓶ ꓓꓴ ꓥꓳ” ꓐꓰ ꓢꓷ ꓙ ꓟꓴ ꓙ ꓔ ꓡꓳ꓿

ꓝꓮꓲ ꓢꓳ ꓚꓱꓹ ꓠꓬ ꓳ-ꓡꓮꓲꓹ ꓗꓪ ꓐꓰ ꓢꓳ ꓠꓹ ꓟ ꓥ ꓢꓲ꓾ ꓬꓲꓸ ꓒꓵꓽ ꓥ ꓟꓲ ꓖꓳꓻ ꓓꓴ ꓥꓳ ꓐꓯ ꓔꓸ ꓡꓳ꓿

ꓢꓳ ꓠꓲꓹ ꓫꓵ ꓢꓴ ꓐꓴ ꓠꓬ ꓟꓸ ꓒ ꓮ-ꓞꓲ꓾ ꓐꓰ ꓟꓸ ꓒ ꓮ-ꓖꓯ ꓡꓲ-ꓬꓯ-ꓙ ꓐꓴ ꓔꓯ ꓙ ꓡꓯ ꓘꓳ ꓓˍ ꓡꓳ꓿

ꓬꓥ-ꓖꓳꓥ ꓟꓵꓽ ꓡꓲ-ꓢꓴ ꓡꓲ ꓒꓰꓼ ꓜꓴ ꓗꓪ ꓐꓰ ꓧꓳꓽ ꓪꓴꓸ ꓟꓴ ꓢꓲꓸ 2021 ꓘꓳꓼ ꓗꓪ ꓡꓲ-ꓢꓴ ꓕꓳ ꓶ ꓢꓳ ꓜꓲꓼ ꓓꓴ ꓬꓲꓸ ꓪꓴꓸ ꓕꓲꓽ ꓧꓪꓹ ꓬꓰ ꓗꓷ ꓟ ꓥ ꓡꓳ꓿

ꓢꓳ ꓚꓱꓹ ꓧꓳꓽ ꓢꓴ ꓔꓯ ꓡꓯ ꓘꓳ ꓓꓴ꓾

https://www.facebook.com/ah.si.75098/posts/1107362833510693