ꓪꓼ ꓒꓽ ꓟꓵꓽ ꓗꓪ Online ꓗꓪ ꓒꓴ ꓗꓶꓸ ꓜꓽ ꓢꓴ 1207 ꓣꓳ ꓔꓯ ꓣꓴ ꓢꓲꓸ ꓧꓶꓽ ꓗꓴꓷꓼ ꓑ ꓫꓬ ꓟꓯꓼ ꓡꓯ ꓒꓯꓹ ꓗꓪ ꓡꓯꓼ ꓙꓱ ꓗꓷꓳ꓿
ꓕꓱ ꓡꓱ online ꓗꓪ ꓒꓴ ꓙꓳ ꓢꓴ ꓔꓯ ꓠꓲꓹ ꓠꓵ ꓡꓯ ꓘꓳ꓾ ꓙ ꓡꓯ ꓘꓳ ꓗꓶꓸ ꓢꓲꓸ ꓙꓼ ꓢꓷꓸ ꓠꓲꓹ ꓗꓪ ꓐꓰ ꓬꓲꓸ ꓪ ꓒꓴ ꓞꓳꓽ ꓦꓲ ꓗꓪ ꓫꓺ ꓔꓸ ꓟ ꓒꓴ ꓔꓯ ꓘꓴꓽ ꓣꓴˍ ꓟ ꓟꓬꓱꓽ ꓬꓰ ꓢꓴ ꓮ ꓟꓬꓹ ꓙꓳ ꓡꓳ꓿
ꓪꓼ ꓟꓵꓽ꓾ ꓗ-ꓬꓲ ꓟꓵ꓾ ꓡ-ꓫꓴ꓾ ꓟ-ꓓꓲ-ꓡꓲ꓾ ꓬꓥ-ꓖꓳꓥ ꓗꓪ ꓧꓶꓽ ꓡꓳ ꓑ ꓐꓴ ꓠꓬ ꓞꓳ ꓡꓯꓸ ꓮ ꓟꓬꓹ ꓥꓪꓸ ꓢꓲꓸ ꓗꓶꓸ ꓟꓬꓱꓽ ꓬꓰ ꓔꓬ ꓟ ꓑꓶꓸ ꓓꓴ ꓧꓶꓽ ꓗꓴꓷꓼ ꓡ ꓞꓳ ꓐꓴ ꓗꓪ ꓐꓰ ꓒꓴ ꓞꓳꓸ ꓡꓰ ꓢꓴ ꓮ ꓟꓬꓹ ꓙꓳ ꓡ ꓡꓳ꓿ ꓝꓮꓲꓹ ꓗꓶꓸ ꓢꓴ ꓐꓴ ꓕꓲꓽ ꓒꓳꓹ ꓗꓪ ꓥ ꓟꓲ ꓟꓬꓱꓽ ꓪꓽ ꓒꓵ ꓟꓽ ꓪ ꓪ ꓚꓳ ꓑꓸ ꓡꓰ ꓐꓰ ꓟꓬꓱꓽ ꓬꓰ ꓔꓬ ꓢꓴˍ ꓟꓲ ꓙꓳ ꓡ ꓡꓳ꓿
ꓖꓳ ꓟ ꓑꓶꓸ ꓓꓴ ꓧꓶꓽ ꓒꓽ ꓗꓴꓷꓼ ꓡꓰ ꓕꓱ ꓟ ꓔꓯ ꓝꓴꓲꓸ ꓖꓶꓽ ꓠꓹ ꓟ꓾ ꓕꓱ ꓡꓱ ꓬꓰ ꓢꓴ ꓔꓯ ꓣꓴ ꓙ ꓡ ꓠꓹ ꓟ ꓟꓬ-ꓟ ꓟꓯꓼ ꓔꓯ ꓓꓰꓽ ꓔꓸ ꓟ ꓥ ꓡꓳ꓿
Photo by WSTV
